အောက်တိုဘာ ၂၀ ရက်နေ့ နံနက်ပိုင်းမှစ၍ မိုးသည်းထန်စွာသွန်းရာ ကျိုင်းတုံမြို့လယ် မြို့မဈေးကြီး၊ ရပ်ကွက် ၁ ၊ နောင်လဲန့်အပိုင်းတို့တွင် သစ်တပင်တောင်ခေါ် ထတ်ဇွမ်မွန်းမှ တောင်ကျရေများကြောင့် ရေလျှံတက်ခြင်းဖြစ်သည်ဟုဆိုသည်။
“အဲဒီအပိုင်းက ချောင်းမရှိဘူး၊ မိုးတအားကျလာရင် နေနှုတ်မြောင်းပိတ်လို့ ရေလွှမ်းတာ။ ဈေးထဲမှာ ကုန် တွေ၊ ပစ္စည်းတွေထားတဲ့သူ မြန်မြန်မရွှေ့နိုင်သူတွေတော့ အဆုံးအရှုံးရှိတယ်။ ရေစိုကုန်တာပေါ့” - ဟု ဈေးအတွင်း စိုင်းလတ် ကပြောသည်။
မိုးဦးပိုင်းက နမ့်လတ်ချောင်း၊ နမ့်ခင်ချောင်း နှင့် နမ့်ခွန်ချောင်းရေကြီးမှုကြောင့် ရေကြီးကာ လယ်ယာ ဧက ပေါင်းများစွာပျက်စီးပြီး လူတဦးသေဆုံးခဲ့သည်။
မြို့တော် တောင်ကြီးတွင်လည်း ပြီးခဲ့သည့်အပတ်က မိုးသည်းထန်စွာရွာသွန်းမှုကြောင့် မြေပြိုကာ လူ ၅ ဦးသေဆုံးခဲ့သည်။
ယခုကဲ့သို့ဖြစ်ပွားခြင်းသည် သဘာဝ သစ်တောများ ပြုန်းတီးမှုကြောင့် ဖြစ်ပွားသည်ဟု သဘာဝ ပတ် ဝန်းကျင်ထိန်းသိမ်းသူများကပြောသည်။
No comments:
Post a Comment