ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) အနေနှင့် မတရားသော နည်းလမ်းဖြင့် အနိုင်ယူမည် ဆိုပါက ရွေးကောက်ပွဲ ရလဒ်ကို သပိတ်မှောက် သွားမည် ဖြစ်ကြောင်း တခြားသော ပါတီများက ပြောသည်။“အခုလက်ရှိ အနေအထားက မတရားမှုတွေများနေတယ်။ အများကြီး နစ်နာမှုတွေ ရှိခဲ့မယ်ဆိုရင် အဲဒီ အပေါ်မှာ မူတည်ပြီး လုပ်သွားရမှာ။ ဘယ်သူမှ မပါတော့ဘူးဆိုရင် သူတို့ရဲ့ ရလဒ်ဟာလည်း တရားမ၀င် ဖြစ်သွားမှာပါ” ဟု မွန်ဒေသလုံးဆိုင်ရာ ဒီမိုကရေစီ ပါတီ (AMRDP) ဥက္ကဋ္ဌ ဦးနိုင်ငွေသိန်းက ဧရာဝတီကို ပြောသည်။
အလားတူ ရခိုင်တိုင်းရင်းသားများ တိုးတက်ရေးပါတီ (RNDP) ဥက္ကဋ္ဌ ဒေါက်တာ အေးမောင်ကလည်း “အစိုးရရဲ့ အာဏာပါဝါတွေ၊ ဌာနတွေရဲ့ အင်အားတွေကို မတရားသုံးပြီးတော့ ရွေးကောက်ပွဲကို အနိုင်ယူခဲ့မယ် ဆိုရင် တိုင်းရင်းသား ပါတီတွေနဲ့ ဒီမိုကရက်တစ်တွေက သပိတ်မှောက် သွားမှာပါ” ဟု ဆိုသည်။
No comments:
Post a Comment