အနိုင်ရ တိုင်းရင်းသားပါတီများ စုပါင်းထားသည့် UNA အဖွဲ့ ဒေါ်အောင်ဆန်းစုကြည်နှင့် တွေ့ဆုံ

သျှမ်းသံတော်ဆင့်


နိုင်ငံရေး အကျဉ်း သားများ လွတ်ငြိမ်း ချမ်းသာခွင့် ကိစ္စနှင့် ပတ်သက်၍ ၁၅ ရက်နေ့က UNA နိုင်ငံရေး မဟာမိတ် အဖွဲ့က အမျိုးသား ဒီမို ကရေစီ အဖွဲ့ချုပ် ခေါင်းဆောင် ဒေါ်အောင်ဆန်း စုကြည်နှင့် တွေ့ဆုံ ဆွေးနွေး ခဲ့ကြောင်း SNLD ပြောခွင့်ရ ပုဂ္ဂိုလ် စိုင်းလိတ်က ပြော သည်။

“ကျနော်တို့ ဒေါ်အောင်ဆန်း စုကြည်နဲ့ နှစ်ပိုင်း ခွဲပြီး ဆွေးနွေးတယ်။ NLD ပါတီ မှတ်ပုံတင် မယ့်ကိစ္စ၊ ရွေးကောက် ပွဲဝင် မယ့်ကိစ္စ UNA အနေ နဲ့ ဘယ်လိုမြင် သလဲလို့ ပထမ ပိုင်းတွေ့ဆုံပွဲမှာ သူမက ကျနော်တို့ ကိုမေးတယ်။ သူမက ထုတ်ဖော် ပြောခဲ့ဖူးတဲ့အတိုင်း ၁- နိုင်ငံရေး အကျဉ်းသား တွေလွှတ်မြောက် ရေးအတွက် ကြိုးစားမယ်။ ၂- တိုင်းရင်းသား တန်းတူ ရေးနဲ့ ကိုယ်ပိုင်ပြဌာန်း ခွင့်အတွက်ကြိုးစားမယ်။ ၃- အမျိုးသား ရင်ကြား စေ့ရေး၊ ၄ - သုံး ပွင့်ဆိုင် ဆွေးနွေးရေး၊ ၅- ၂၀၀၈ ဖွဲ့စည်း ပုံမှာပါတဲ့ဥပဒေတွေ ပြင်ဆင် ချင်တဲ့ အချက် အလက် တွေပြင်ဆင် နိုင်ဖို့ ကြိုးစားပေးမယ် စတာတွေဟာ တကယ်လို့ သူမ အနေနဲ့ ကြားဖြတ်ရွေးကောက်ပွဲဝင်လို့ လွှတ်တော် ထဲရောက် သွားရင် လုပ်ပိုင်ခွင့်အပြည့်အဝ ရှိပါ့မလား။ သူမစိတ်ကြိုက်လုပ်နိုင်ပါ့မလားဆိုတာ စဉ်းစားချင့်ချိန်ဖို့ ကျနော်တို့ UNA က သတိပေးတယ်။”

ဒီမိုကရေစီရရှိရေးနှင့် တိုင်းရင်းသားများ ကိုယ်ပိုင်ပြဌာန်းခွင့်ရရှိရေး အတွက် ဒေါ်အောင်ဆန်းစုကြည် အနေဖြင့် မမေ့ မလျော့ဘဲ ကြိုးစား ဆောင်ရွက်ပေးမည်ဆိုပါက တိုင်းရင်းသားလူထုတရပ်လုံး တခဲနက်ပါဝင်လာပြီး ကျယ်ကျယ်ပြန့် ပြန့် လုပ်နိုင်အောင် SNLD အနေဖြင့် စည်းရုံးရေးလုပ်ငန်းကိုဝမ်းမြောက်ဝမ်းသာဆောင်ရွက် ပေးမည်ဖြစ်ကြောင်း တင်ပြဆွေးနွေးခဲ့သည်ဟုဆို၏။

“ဒုတိယပိုင်းဆွေးနွေးမှုမှာကျတော့ နိုင်ငံရေးအကျဉ်းသားတွေတောင် အကုန်မလွတ်မြောက်သေးဘဲနဲ့ သူမက ပါတီ မှတ် ပုံတင်ပြီး ကြားဖြတ် ရွေးကောက်ပွဲဝင်မယ်ဆိုရင် နိုင်ငံရေးအကျဉ်းသားတွေ လွတ်မြောက်ဖို့ မျှော် လင့်ချက် ရှိပါ တော့မ လားလို့ UNA က မေးတယ်။ သူမက - ဦးသိန်းစိန်နဲ့တွေ့တုန်းကရော ဦးအောင်ကြည် နဲ့တွေ့တုန်းကရော နိုင်ငံရေး အကျဉ်းသားအားလုံး လွှတ် ပေး ဖို့ အမြဲတမ်းတောင်းဆိုခဲ့တယ်။ လွတ်ငြိမ်းချမ်း သာခွင့် ချက်ခြင်းမပေး နိုင် ခဲ့သေးရင် တောင်မှ နယ်ဝေးထောင်တွေမှာ ပို့ဆောင် ချုပ်နှောင်ထားတဲ့ နိုင်ငံရေး အကျဉ်းသားတွေကို မိသားစုနဲ့ နီးနီးစပ်စပ် ရှိတဲ့ နေရာကို ပြောင်းပေးဖို့ တောင်းဆိုပေးခဲ့တယ်။ ဘာလို့ လဲဆို တော့ နိုင်ငံရေး အကျဉ်းသား တွေကို လွတ်ငြိမ်းချမ်းသာခွင့် မပေးဘဲနဲ့ ကြားဖြတ်ရွေးကောက်ပွဲလုပ်ရင်အဓိပ္ပါယ် မရှိဘူး။ ဒါကြောင့် ကြားဖြတ်ရွေးကောက်ပွဲ မလုပ်ခင် နိုင်ငံရေးအကျဉ်း သားတွေကိုလွှတ်ပေးနိုင်အောင် ကြိုးစားပါ - ဆိုပြီး တိုက်တွန်းပေးခဲ့တယ်လို့ ပြောပါတယ် ” ဟု ဆို၏။

အဆိုပါ တွေ့ဆုံဆွေးနွေးပွဲသို့ UNA အဖွဲ့ဝင် ၁၂ ဖွဲ့အနက် သျှမ်းတိုင်းရင်းသားများ ဒီမိုကရေစီအဖွဲ့ချုပ် SNLD ၊ ဇိုမီး အမျိုးသား ကွန်ကရက် ZNC ၊ ချင်းအမျိုးသားတိုးတက်ရေးပါတီ CRPP နှင့် မွန်အမျိုးသား ဒီမိုကရေစီအဖွဲ့ချုပ်မှ ခေါင်းဆောင်တချို့တက်ရောက် ခဲ့ကြောင်း သိရသည်။

UNA သည် ၁၉၉၀ ရွေးကောက်ပွဲအနိုင်ရ တိုင်းရင်းသားပါတီ ၁၃ ဖွဲ့ထက်မနည်း မဟာမိတ်ဖွဲ့ထားသည့် အဖွဲ့ဖြစ် သည်။