ဂျူရီချိုင်း
ကရင်ပြည်နယ်၊ ကော့ကရိတ်မြို့နယ် မွန်ပြည်သစ်ပါတီ ထိန်းချုပ်ရာနယ်မြေဖြစ်သည့် သထုံခရိုင် ဒေသ၌ ခြံလုပ်သားများ၏ တဲအိမ် (၅) အိမ်ကို အမည်မသိလက်နက်ကိုင်တပ်ဖွဲ့တဖွဲ့က မီးရှို့ ဖျက်စီး ခဲ့ ကြောင်း မွန်ပြည်သစ်ပါတီက ပြောသည်။
ဧပြီလ (၂၈) ရက်နေ့ မနက်ပိုင်း ၅ နာရီခန့်တွင် မွန်ပြည်သစ်ပါတီ ဖွံ့ဖြိုးရေးနယ်မြေရှိ မင်းရွာအရှေ့ဘက် မာကတွန်ဒေသတွင် အမည်မ သိလက်နက်ကိုင်အဖွဲ့တဖွဲ့က ရာဘာ ခြံလုပ်သားများကို သေနတ် နှင့် ခြိမ်းခြောက်ပြီး ၎င်းတို့၏ နေထိုင်ရာတဲအိမ်များကိုပါ မီးရှို့ ခဲ့သည် ဟု မွန်ပြည်သစ် ပါတီ ဗဟို အလုပ် အမှုဆောင် နိုင်တလ ညီက ပြောသည်။
၎င်းက “ဘယ်သူက လာရှို့ လိုက်လဲတော့ မသိဘူး၊ ကျနော်တို့ နယ်မြေ ထဲမှာ ဖြစ်သွားတဲ့ အတွက် စုံစမ်း နေဆဲပဲ” ဟု ပြောသည်။
ယင်းမီးရှို့ခံရသည့် ခြံလုပ်သားများသည် မွန်၊ ဗမာ အလုပ်သမားများဖြစ်ကြပြီး ခြံအလုပ်ကိုသာ အဓိကထား လုပ်ကိုင် စားသောက် နေကြ သူများ ဖြစ်ကြ သည်။
ယင်းမီးရှို့မှုမဖြစ်ခင် ဧပြီလ (၁၂ ) ရက်နေ့ ညနေပိုင်းတွင် အမည်မသိလက်နက်ကိုင်တပ်ဖွဲ့ဝင် ၅ ဦးက တဲအိမ်ခြံရှေ့တွင် ဝင်ရောက် လာ ကာ ၎င်းနေ ရာမှ ရွှေ့ပြောင်း ပေးရန် ခြံလုပ်သား များကို ခြိမ်း ခြောက် ပြောဆိုခြင်း ရှိခဲ့ သည်။
ထိုဒေသမှာ မွန်ပြည်သစ်ပါတီနှင့် တပ်ရင်းမှူး ဗိုလ်မှူးစောဘီလူး ဦးဆောင်သည့် တပ်အင်အား ၃၀၀ ကျော်ရှိသည့် ကရင် နယ်ခြားစောင့် တပ် ဖွဲ့ တပ်ရင်း (၁၀၂၁) တို့က လှုပ်ရှား နေကြ သည်ဟု သထုံ ခရိုင် မှ မွန်ပြည်သစ် ပါတီ တာဝန် ရှိသူ တစ်ဦးက ပြောသည်။
၎င်းက “ဘယ်တပ်ဖွဲ့လဲတော့ ကျနော်တို့အသေအချာမသိသေးဘူး၊ စစ်ယူနီဖောင်ဝတ်စုံအပြည့်ပဲ ဝတ်ထားတယ်” ဟု ပြောသည်။
အမည်မသိလက်နက်ကိုင်တပ်ဖွဲ့က တဲအိမ်ခြံများမီးရှို့ပြီးနောက် သထုံခရိုင်အတွင်းရှိ ဒေသခံ ရွာသူ ရွာသားများ တောခြံထဲသို့မသွားရဲကြ သည်အထိ ကြောက်လန့် နေကြ သည်ဟု သထုံ ခရိုင်မှ ဒေသခံ တစ်ဦး က ပြောသည်။
No comments:
Post a Comment