Thursday, May 10, 2012

သျှမ်းပြည်သား မူးယစ် ရာဇာအား လောဝ်အစိုးရက တရုတ် အစိုးရ လက်ပေးအပ်

သျှမ်းသံတော်ဆင့်

လေးနိုင်ငံအလိုရှိ သျှမ်းပြည်သား မူးယစ်ရာဇာဟု ယူဆထားသည့် သျှမ်းပြည်သား စိုင်းနော်ခမ်းအား လောဝ် (လာအို)အစိုးရက တရုတ်အ စိုးရလက်တို့ ယနေ့နံနက်ပိုင်း၌ လွှဲအပ်ကြောင်း တရုတ် CCTV က သတင်း ထုတ်ပြန်ပါသည်။

“အောက်တိုဘာ ၅ ရက် မဲခေါင်မြစ်အတွင်း တရုတ်အမျိုးသား ၁၃ ဦး သတ်ခံရတာ စိုင်းနော်ခမ်းလက်ချက်လို့ တရုတ်က စွပ်စွဲတာ။ အဲဒါ ကြောင့် တရုတ်က သူ့ကိုအလိုရှိတာ။ ထိုင်းက နော်ခမ်းကို ဖမ်းဝရမ်း ထုတ်ထားတာ ဘတ်ငွေ ၂ သန်း၊ ဗမာက သူ့ကိုအလိုရှိနေတာ ၁၅ မှု၊ လောဝ် က ၇ မှု ၊ တရုတ်က ၂၉ မှု ဆိုတော့ တရုတ်က ပိုအလိုရှိတော့ လောဝ် က တရုတ်ကို လွှဲပေးလိုက်ရတယ်ထင်ပါတယ်” - ဟု သျှမ်း ပြည်မူးယစ် ဆေးဝါး စောင့်ကြည့် လေ့လာရေး အဖွဲ့ခေါင်းဆောင် ဦးခွန်စိုင်းက ပြောပါ သည်။

ဧပြီ ၂၅ ရက် ညပိုင်း၌ မဲခေါင်မြစ်ကမ်း လောဝ်နိုင်ငံဘက်ခြမ်း၌ လောဝ် နှင့် တရုတ် ပူးပေါင်းတပ်ဖွဲ့က စိုင်းနော်ခမ်းအား ဖမ်းဆီးခဲ့၏။ ယ နေ့ မေ ၁၀ ရက် နံနက်ပိုင်း၌ လောဝ် နိုင်ငံမြို့တော် ဝိန်းဇန် (ဗီယန် ရှင်း) မြို့၌ စိုင်းနော်ခမ်းအား တရုတ်ထံလွှဲအပ်သည့် အခမ်း အနား ပြုလုပ်ခဲ့ပါ သည်။

သျှမ်းပြည်မြောက်ပိုင်း မိုင်းရယ်သား စိုင်းနော်ခမ်းသည် ဦးခွန်ဆာဦးဆောင်သည့် မုန်းတိုင်းအာမီ ၁၉၉၆ လက်နက်ချ စဉ်ပါဝင်ခဲ့ပြီး အစိုးရ ကျောထောက်နောက်ခံပြုသည့် တာချီလိတ်မြို့နယ်အခြေစိုက် ပြည် သူ့စစ်အဖွဲ့အဖြစ် ရပ်တည်ခဲ့၏။ ထို့နောက် ထိုဒေသ ဘက်မှ ထိုင်းနိုင် ငံအတွင်းဝင်ရောက်သည့်မူးယစ်ဆေးဝါးများအား ၎င်း၏ လက်ချက်ဟု စွပ်စွဲသောကြောင့် မြန်မာအစိုးရက ၂၀၀၆ တွင် မွှေနှောက် ရှာ ဖွေ ရာမှ စိုင်းနော်ခမ်း နှင့် အဖွဲ့ဝင်အချို့ ပုန်းရှောင် ခဲ့ရပါသည်။

ဧပြီလ ၂၀ ရက်နေ့ ထိုင်းနိုင်ငံအစိုးရ ဒုတိယ ဝန်ကြီးချုပ် ချလိမ်ယူဘမ်းရုန်းမှ အလိုရှိမူးယစ်ရာဇာစာရင်း ၂၅ ဦးထုတ်ပြန်ရာမှာ စိုင်းနော် ခမ်း ကိုလည်း ဘတ်ငွေ နှစ်သန်းဖြင့် ဖမ်းဝရမ်းထုတ်ခဲ့သည်။ ၎င်း နှင့်အတူ ထုတ်ပြန်ခံရသည့် ကလိုထူးဘော DKBA ခေါင်းဆောင် ဗိုလ် မှူး ချုပ် နှုတ်ခမ်းမွှေးကမူ ထိုင်း ဒု ဝန်ကြီးချုပ် ထုတ်ပြန်ချက်သည် မဟုတ်မှန်ကြောင်း ယနေ့ မေ ၁၀ နေ့ သတင်းစာရှင်းလင်းပွဲ၌ ထပ် မံ ပြော ကြား၍ ထိုင်းဒု-ဝန်ကြီးချုပ်ကိုယ်တိုင် DKBA နယ်မြေအတွင်း သွားရောက်စစ်ဆေးရန် ထပ်မံဖိတ်ခေါ်လိုက်သည်။

No comments: