" ဒီလို ဖြစ်နေတာတွေ ပိုက်လုံး ဖြတ်သန်းတဲ့ ကျေးရွာ တလျှောက်မှာ ဖြစ်နေပါတယ်။ ဒီပိုက်လုံး ဖြတ်သန်းတဲ့ လမ်းကြောင်း တလျှောက် ရှိတဲ့ ကျေးရွာတိုင်းမှာ အခု ပြဿနာ ပေါ်နေတဲ့ အတွက် သူတို့တိုင်တဲ့ တိုင်စာတွေ အများအပြားကို လက်ခံ ရရှိထားပါတယ်။ အဓိက တော့ ကပိုင်ချောင်းကျေးရွာ ရယ်၊ ကျောက်ခမောင်းရယ်၊ ရတနရယ် အဲဒီရွာတွေမှာ ဖြစ်ပါတယ်။ လယ်ယာမြေလျော်ကြေး တွေ မှန် ကန် စွာ မရရှိတဲ့ ကိစ္စတွေပါ" ဟု ပြောသည်။
လယ်သမားများ မိမိတို့ပိုင်ဆိုင်သော လယ်ယာမြေများ၏ တန်ရာ တန်ကြေးကို မရရှိသလို တချို့ကျေးရွာသားများမှာ သူတ်ို့ပိုင် လယ်ယာ မြေကို ပိုက်လိုင်း ဖြတ်သန်းသွားသော်လည်း တစ်ခြား တစ်ဦးက နာမည်ခံကာ ငွေများကို ထုတ်ယူသွားသည့် ပြဿနာများလည်း ပေါ် ပေါက် နေကြောင်း သူက ဆိုသည်။
" အဓိကတော့ဗျာ။ ဌာနဆိုင်ရာတွေရဲ့ လယ်ယာတွေ မမှန်မကန် စာရင်း ပြုစုထားတာတွေကြောင့် လို့ကျွန် တော် သုံးသပ်မိပါတယ်။ ကျွန်တော်တို့ ဒေသမှာ ခုလို မမှန်ကန်မူတွေကြောင့် တရားရုံးကို ရောက် နေတဲ့ အမူတွေလည်း အများကြီးလို့ သိရပါတယ်" ဟု သူက ဆက်ပြော သည်။
ယခု ကျောက်ဖြူမြို့နယ်တွင် ဂတ်စ် ပိုက်လုံး လျော်ကြေးများကို မြို့နယ် အထွေထွေ အုပ်ချုပ်ရေးမှူး ရုံးနှင့် မြေစာရင်းဌာနတို့က ခွဲဝေ ပေးဆောင်နေကြောင်း သိရသည်။
" အဲ အခု ပြဿနာ ကြီးကျယ်နေတာ ကပိုင်ချောင်း ရွာမှာ ဖြစ်ပါတယ်။ ကျွန်တော်တို့ လိုက်မေးကြည့်တဲ့အခါ အဓိကတော့ လူပေါင်း ၁၆၀ ကျော် ပိုင်ဆိုင်တဲ့ ဘုံ လယ်မြေ ကာရီ တာတမံကို လျော်ကြေး ပေး တဲ့ အခါ အဲဒီ လယ်ကာရီက လူပေါင်း ၅၇ ယောက်ကိုဘဲ လျော်ကြေး ပေးပြီးတော့ နောက် ၁၀၀ ကျော်ကို လုံးဝ မပေးဘူး။ မရတဲ့ သူတွေက ဒါကို မကျေနပ်တဲ့ အတွက် တာတမံကို ပြန်လည် မဆည်ဖို့ဘဲ ထားတဲ့ အတွက် ဧက ၁၀၀၀ ကျော်ရှိတဲ့ ကာရီကြီး ပျက်စီးနေတယ်လို့ သိရပါတယ်"ဟု ပြောသည်။
မြေတိုင်း ဦးစီးဌာနမှ တာဝန်ရှိသူများသည် လယ်သမားများ အားလုံးကို လျော်ကြေး မပေးလို သဖြင့် ကာရီ တာတမံကို အပေါ် ပိုင်းနှင့် အောက်ပိုင်း နှစ်ပိုင်း ဖြတ်ပြကာ အပေါ် တာတမံတွင် ပါသွားသူ ၅၇ ဦးကို ပေးပြီး တစ်ခြား အောက်ပိုင်းတွင် ပါသွားသူများကို လုံးဝ လျော်ကြေး မပေးကြောင်း သိရသည်။
ယခုကဲ့သို့ ပြဿနာ များ ပေါ်ပေါက်နေသဖြင့် အဆိုပါ ကိစ္စများကို ဖြေရှင်းရန် ပြည်နယ် လွှတ်တော် ဥက္ကဌ ထံ ဦးကျော်လွှင်က တိုင် ကြား ထား ကြောင်း သိရသည်။
No comments:
Post a Comment