မြစ်ကြီးနား-ဗန်းမော်လမ်းမကြီး၏ အရှေ့ဘက် KIA တပ်ရင်း ၃ နယ်မြေသို့ ၀င်ရောက်လာသည့် မြစ်ကြီးနား မြေခံတပ်ရင်း ခလရ ၃၇ ယာဉ်တန်းအား ဂါးရာယန် (Ga Ra Yang) ကျေးရွာအနီး ကိုင်ထွမ် ချောင်း (Kai Htum Hka) တွင် KIA မှ RPG ဖြင့် ခြုံခို တိုက်ခိုက် ခဲ့သည်ဟု တပ်ရင်း ၃ KIA အရာ ရှိများ ပြောသည်။
ပစ်ခတ်မှုတွင် စုစုပေါင်း စစ်ကား ၅ စီးအနက် ၂ စီးမှာ တိမ်းမှောက်သွားပြီး အစိုးရစစ်သားများ သေဆုံး ထိခိုက်မှုများသည်ဟု မျက်မြင်များ ကချင်သတင်းဌာနသို့ ပြောသည်။
ယခုလို တိုက်ခိုက်ခံရပြီးနောက် ထိုနေရာမှ ခလရ ၃၇ စစ်သားများ ၀ိုင်းမော်မြို့ဘက်သို့ ပြန်ခေါက်သွားကြောင်း ၎င်းတို့အား မြင်တွေ့ရသူ များ ဆိုပါသည်။
ဧပြီ ၁ ရက်မှ မြန်မာအစိုးရတပ်နှင့် KIA ကြား ဖြစ်နေသောတိုက်ပွဲများ အရှိန်အဟုန် ပြန်လည် မြင့်တက်လာသည်။
No comments:
Post a Comment