PNLO ၏ အထွေထွေအတွင်းရေးမှူး ဦးခွန်မြင့်ထွန်းက “ ဒီမေလ လယ်မှာ တွေ့ဆုံ ဆွေးနွေးဖို့ ပြောထား ကြပေမယ့် ခုထက်ထိ မြန်မာ အစိုးရ ဆီက ကျနော် တို့ကို ရက်ချိန်း မပေး သေးဘူး” ပြောသည်။
ရထားဝန်ကြီး ဦးအောင်မင်း နော်ဝေခရီးစဉ်မှအပြန် ပြီးခဲ့သည့် ဧပြီလ ၁၉ ရက်နေ့တွင် PNLO ခေါင်းဆောင်များနှင့် ထိုင်းနိုင်ငံ၌ တွေ့ဆုံခဲ့စဉ် မေလတွင်ဆွေးနွေးပွဲပြုလုပ်ရန် ပြောကြားခဲ့ခြင်း ဖြစ်သည်။
“လောလောဆယ်ငြိမ်းချမ်းရေးဖေါ်ဆောင်မှုနှစ်ဖွဲ့ကို တစ်ဖွဲ့တည်းပေါင်းစည်းဖွဲ့နေတယ်၊ နောက်တစ်ချက်က ဒီလအတောအတွင်းမှာ ဝန် ကြီးဦးအောင်မင်းကလည်း အခြားအဖွဲ့တွေနဲ့ရက်ချိန်း ပေးထား တာပြည့်နေတယ်” ဟု ငြိမ်းချမ်းရေးအကျိုးဆောင် ဦးညိုအုန်းမြင့်က ပြောသည်။
ထိုအတူ ညီညွတ်သောတိုင်းရင်းသားလူမျိုးများ ဖက်ဒရယ်ကောင်စီ UNFC နှင့် လည်း တွေ့ဆုံမည်ဟု ဝန်ကြီးဦးအောင်မင်း ပြောဆို ခဲ့သော် လည်း ရက်ချိန်း အတိ အကျ မသတ်မှတ် ရသေးဟု ဦးညိုအုန်း မြင့် ထံမှ သိရ သည်။
ယမန်နေ့တွင် ဝန်ကြီးဦးအောင်မင်း ခေါင်းဆောင်သောမြန်မာအစိုးရကိုယ်စားလှယ်အဖွဲ့နှင့် ချင်းအမျိုးသားတပ်ဦး CNF တို့ ချင်းပြည်နယ်၊ ဟားခါးမြို့တွင် ပြည်ထောင်စုအဆင့်သဘောတူညီမှု လက်မှတ် ရေးထိုးခဲ့ကြပြီး ဖြစ်သည်။
ဝန်ကြီး ဦးအောင်မင်းသည် RCSS/SSA ခေါ် ရှမ်းပြည် ပြန်လည်ထူထောင်ရေး ကောင်စီ၊ ကရင်နီတိုးတက်ရေးပါတီ KNPP၊ ကရင် အမျိုးသား အစည်း အရုံး KNU၊ မွန်ပြည်သစ် ပါတီ NMSP၊ ချင်း အမျိုး သား တပ်ဦး CNF နှင့် ပအိုဝ်း အမျိုးသား လွတ်မြောက်ရေး အဖွဲ့ချုပ် PNLO အပါ အဝင် တိုင်းရင်းသား လက်နက်ကိုင် (၆) ဖွဲ့တို့နှင့် အပစ် ခတ်ရပ် စဲရေး အတွက် ပြည်ထောင်စု အဆင့် သဘောတူ ညီမှု ရယူရန် တာဝန် ယူဆောင် ရွက်နေသူ တစ်ဦး ဖြစ်သည်။
အထက်ပါ တိုင်းရင်းသားလက်နက်ကိုင်(၆) ဖွဲ့အနက် (၅) ဖွဲ့နှင့် ပြည်ထောင်စုအဆင့်သဘောတူညီမှုပြုလုပ်နိုင်ခဲ့သော်လည်း အစိုး ရနှင့် အပစ် ရပ်စဲရေး ပဏာမလက်မှတ်ရေးထိုးရန် PNLO တစ်ဖွဲ့သာ ကျန် ရှိနေသေးသည်။
၂၀၁၁ ခုနှစ်၊ ဒီဇင်ဘာလနှောင်းပိုင်းအတွင်း အစိုးရငြိမ်းချမ်းရေးအဖွဲ့ခေါင်းဆောင် ဦးအောင်မင်းနှင့် PNLO ဥက္ကဋ္ဌ ခွန်ဥက္ကာတို့ ပထမအ ကြိမ်တွေ့ဆုံခဲ့သည်။
ထို့နောက် ဖေဖေါ်ဝါရီလ ၅ ရက်နေ့တွင် ဥက္ကဌ ခွန်ဥက္ကာခေါင်းဆောင်သော PNLO ကိုယ်စားလှယ်အဖွဲ့နှင့် မီးရထားဝန်ကြီး ဦးဆောင် သော အစိုးရကိုယ်စားလှယ်အဖွဲ့တို့ ထိုင်းနိုင်ငံ၊ ချင်းမိုင်မြို့တွင် ဆွေး နွေးပွဲတစ်ရပ်ကျင်းပခဲ့ရာ PNLO မှ အချက်(၁၁) ချက်ကိုတင်ပြခဲ့သည်။
“အဲဒီအချက် ၁၁ ချက်မှာ တချို့အချက်တွေကို ချက်ချင်းသဘောတူအဆုံးဖြတ်မပေးနိုင်တာကြောင့် သမ္မတထံကို တင်ပြ ရဦး မယ်လို့ ဦး အောင်မင်းတို့က ပြောခဲ့တယ်”ဟု ဦးခွန်မြင့်ထွန်းက ဆက်ပြော သည်။
၎င်းတောင်းဆိုချက်များတွင် PNLO နှင့် အစိုးရတို့ကြား အပစ်ခတ်ရပ်စဲရေး ပဏာမသဘောတူညီရန်၊ တစ်ပြည်လုံး အတိုင်း အတာ အပစ် ခတ်ရပ် စဲရေးကို ပြည်ထောင်စု အစိုးရက တရားဝင် ကြေညာ ပေး ရန်၊ တစ်ပြည်လုံး အပစ် အခတ် ရပ်စဲပြီး ရက်ပေါင်း ၆၀ အတွင်း ပြည်ထောင်စု အစိုးရနဲ့ နိုင်ငံရေး အင်အားစုများ နိုင်ငံရေး တွေ့ဆုံ ဆွေးနွေးရန် စသည့် အချက်များ ပါဝင် ခဲ့သည်။
PNLO ကို ရှမ်းပြည်လူမျိုးပေါင်းစုံ ပြည်သူ့လွတ်မြောက်ရေး အဖွဲ့ချုပ် (ရလလဖ) မှ ခွဲထွက် တည်ထောင်ခဲ့ပြီး ရှမ်းပြည်တောင်ပိုင်း ထိုင်း-မြန်မာနယ်စပ်တွင် အခြေစိုက် လှုပ်ရှားနေလျက် ရှိသည်။
No comments:
Post a Comment