အင်ဒိုနီးရှား နိုင်ငံ အခြေစိုက် မြန်မာသံအမတ် ဦးမင်းလွင်က ဂျာကတာပို့စ်ကို ပြောခဲ့တာဖြစ်ပြီး စက်တင်ဘာလ လောက်မှာ အားလုံး အ ဆင် သင့် ဖြစ်မယ်လို့လည်း ပြောလိုက်ပါတယ်။
၂၀၁၁ ခုနှစ် အင်ဒိုနီးရှားနိုင်ငံမှာ ကျင်းပခဲ့တဲ့ အာဆီယံ အစည်းအဝေး အတွင်းမှာပဲ မြန်မာနိုင်ငံကို ဥက္ကဌအဖြစ် အ လှည့် ပေး ဖို့ မြန်မာနိုင်ငံက တောင်းဆို လိုက်တာဖြစ်ပါတယ်။
၂၀၁၄ ခုနှစ်မှာ ကျင်းပမယ့် အာဆီယံ အစည်းအဝေးကို ကျင်းပဖို့ လာအိုနိုင်ငံက အလှည့်ကျပေမယ့် မြန်မာက တောင်းတဲ့အတွက် မြန်မာကို အလှည့်ပေး လိုက်တဲ့အပေါ် တချို့ နိုင်ငံတွေက စိုးရိမ်မကင်း ဖြစ်ခဲ့ကြပါတယ်။
ဒါပေမယ့် နောက်ပိုင်းမှာ မြန်မာနိုင်ငံရဲ့ ပြုပြင်ပြောင်းလဲမှုလမ်းစတွေကြောင့် အာဆီယံဥက္ကဌအဖြစ် ဆောင်ရွက်ဖို့ ထိုက်တန်တယ်လို့ ယူဆပြီး အလှည့်ကျပေးလိုက်ကြတာ ဖြစ်ပါတယ်။
မြန်မာနိုင်ငံ အလှည့်ရမယ်ဆိုတာ မသိရခင်ကတည်းက အသင့်ပြင်ဆင်တဲ့အနေနဲ့ မြန်မာနိုင်ငံက ဗိသုကာပညာရှင်တွေကို အင်ဒိုနီးရှားနဲ့ ကမ္ဘောဒီးယားနိုင်ငံကို စေလွှတ်ပြီး အစည်းအဝေးနေရာ လေ့လာတာတွေ လုပ်ခဲ့ပြီး အဆင်သင့်ဖြစ်အောင် သွားလာရေးနဲ့ နေရာထိုင်ခင်းစနစ်တွေလည်း တိုးတက်အောင် လုပ်ဆောင်ထားပြီလို အာဆီယံရေးရာညွန်ကြားရေးမှူး ဦးအောင်ထူးက ဂျာကတာပို့စ်ကို ပြောခဲ့ပါတယ်။
အာဆီယံအစည်းအဝေးအတွင်း အဖွဲ့ဝင်နိုင်ငံတွေကြား အငြင်းပွားဖွယ်ရာ ကိစ္စတွေ ဆွေးနွေးနိုင်တဲ့အတွက် အဲဒီအတွက် ပြင်ဆင်မှုတွေနဲ့ မီဒီယာတွေကို ဘယ်လို ဆက်သွယ် ကိုင်တွယ် နိုင်မလဲဆိုတာတွေကိုလည်း ပြင်ဆင်မှုတွေ လုပ်ထားကြောင်း ဖော်ပြထားပါတယ်။
No comments:
Post a Comment