ချင်းပြည်နယ် ပညာရေးဌာနအတွက် အရည်အချင်းစစ် ရေးဖြေစာမေးပွဲကို ပြီးခဲ့တဲ့ ဧပြီလတုန်းက လူပေါင်း ၅၀၀၀ ခန့်ဖြေဆိုထားခြင်းဖြစ်ပြီးယခု နှုတ်ဖြေကို ပြန်လည်ဖြေဆိုဖို့ ခေါ်ယူထားခြင်းဖြစ်သည်။
“ ကျတော်တို့ မတူပီမြို့နယ် မရာဒေသကနေ အနည်းဆုံး ၁၀၀ လောက်လျှောက်ထားကြတယ်၊ မရတော့ဘူး၊ ဒါက သက် သက် ညစ်ပတ်တာ၊ အနည်းဆုံး တပတ်လောက်ခြားသင့်တယ်၊ ” ဟု လိုင်လင်းပီမှ ကျောင်းဆရာတဦးက ပြော သည်။
ဧပြီလ ၉ ရက်နေ့က ဟားခါးမြို့ပေါ်မှာ ပြုလုပ်သည့် ပညာရေးဝန်ထမ်း အရည်အချင်းစစ် စာမေးပွဲ တွင် လူဦးရေ ၆၈၂ ဦး ဖြေဆိုထားကြသော်လည်း ကျောင်းဆရာတဦးကမူ ချင်းပြည်နယ် ပညာရေး ၀န်ထမ်းလစ်လပ်နေရာမရှိဟု ပြောသွားသည်။
“ ကျတော်တို့ဒေသက ရူပဗေဒဘာသာရပ်နဲ့ M.Sc ဘွဲ့ရတဦးပါတယ်၊ မူလတန်းပြဆရာအတွက်ပေါ့၊ သူလဲ အချိန်မမှီ တော့ဘူးပေါ့၊ သူက ဟားခါးမှာပဲ လျှောက်လွှာတင်တာပါ ”ဟု ဟားခါးမြို့ရှိ အစိုးရ ၀န်ထမ်း တဦးက ပြောသည်။
မူလတန်းပြဆရာအတွက် ဘွဲ့ရ ကျား ၄၅၊ မ ၁၄၅ဦး၊ မူလတန်းပြဆရာဆင့် ဆယ်တန်းအောင် ကျား ၃၁၊ မ ၉၈ ဦး ၊ ဓါတ်ခွဲခန်းအတွက် ဘွဲ့ရ ကျား ၄၊ မ ၉ ဦး၊ အထွေထွေလုပ်သားအတွက် ကျား ၁၆ ဦး စာရေးအဆင့် (၁) အတွက် ကျား ၃၁၊ မ ၁၂၀ ဦး အောက်တန်းစာရေးအတွက် ကျား ၅၉၊ မ ၁၂၄ဦး စုစုပေါင်း ၆၈၂ ဦး ဖြေဆိုကြသော်လည်း ၀န်ထမ်းနေရာ ဘယ်နှစ်ရာ ရာထားသည်ကို သက်ဆိုင်ရာက အသေးစိပ် မကြော်ငြာပါ။
ချင်းပညာတတ်လူငယ်များသည် ၀န်ထမ်းအလုပ်လက်မဲ့ ပြသနာကြောင့်၎င်း၊ ၀န်ထမ်းလစာ နည်းပါးမှုကြောင့်၎င်း ပြည်ပ နိုင်ငံများသို့ သွားရောက်အလုပ်လုပ်ကြပြီး တချို့သည် ဆိုင်ကယ် ကယ်ရီလုပ်ငန်းများဖြင့် အသက်မွေး ၀မ်းကျောင်းမှု ပြုကြသည်။
No comments:
Post a Comment