အစိုးရဘက်မှ ငြိမ်းချမ်းရေး ဖော်ဆောင်ရေး လုပ်ငန်းကော်မတီနှင့် KNPP တို့၏ ဇွန် ၁၉ ရက်မှ ၂၀ ရက်အထိ လွိုင်ကော်မြို့ တပ်နယ် ခန်းမတွင် ကျင်းပပြုလုပ်သည့် ပြည်ထောင်စုအဆင့် ငြိမ်းချမ်းရေး ဆွေးနွေးပွဲတွင် ကယားပြည်နယ်အတွင်း ရွာသစ် စီမံကိန်း အပါအဝင် ထပ်မံ အကောင်အထည်ဖော်မည့် အကြီးစားစီမံကိန်းများကို အများပြည်သူလူထုနှင့် လူမှုအသင်းအဖွဲ့ များအား လေ့လာခွင့်ပြုရန်၊ ရွှေ့ပြောင်း ဒုက္ခသည်များ ပြန်လည်နေရာချထားမည့် နေရာတွင် မြေမြှုပ်မိုင်းများ ရှင်းလင်းရန် ကိစ္စကို နှစ်ဘက်အဖွဲ့အစည်းများ ညှိနှိုင်း ဆောင်ရွက်ရန်၊ ရှားတောမြို့နယ် ဒေါတခဲဒေသတွင် စံပြစီမံကိန်း နမူနာတခုကို နှစ်ဘက် ညှိနှိုင်းဆောင်ရွက်ရန်၊ မူဝါဒ သဘောတူညီချက် များကို အလုပ်အဖွဲ့များ ဖွဲ့စည်းဆောင်ရွက်ရန်၊ ပြည်နယ်ဖွံ့ဖြိုးရေး လုပ်ငန်းများအတွက် အစိုးရနှင့် ပူးပေါင်းဆောင်ရွက်ရန် သဘောတူညီခဲ့ကြကြောင်း သိရသည်။
“ပြည်တွင်းနေရပ်စွန့်ခွာ ရွှေ့ပြောင်း နေရသူတွေအတွက် မြေမြှုပ်မိုင်း ရှင်းလင်းရေးနဲ့ စံပြစီမံကိန်းတခုကို အစိုးရဘက်က ပုဂ္ဂိုလ်တွေနဲ့ KNPP အဖွဲ့ဝင်တွေ ပူးပေါင်း ကော်မတီဖွဲ့ပြီး မကြာခင် လုပ်ငန်းဆောင်ရွက်ဖို့ရှိတယ်” ဟု ဦးရွှေမျိုးသန့်က ပြောသည်။
အစိုးရဘက်က တနိုင်ငံလုံး အပစ်အခတ်ရပ်စဲရေး ကိစ္စနှင့် နိုင်ငံရေးဖြစ်စဉ်များ ဆွေးနွေးရာတွင် သဘောတူညီမှု ရှိစေချင် သော်လည်း KNPP အနေဖြင့် တပ်ပေါင်းစုများ အားလုံးပြန်လည် ညှိနှိုင်းရမည့် အခြေအနေဖြစ်နေသဖြင့် မူအားဖြင့်သာ သဘောတူထားသေးကြောင်း၊ တပ်ပိုင်းဆိုင်ရာ ကိစ္စရပ်များအတွက် အနုစိတ် ဆက်လက် ဆွေးနွေးရန် ရှိနေသကဲ့သို့ တပ်ပိုင်းကိစ္စရပ် များကိုလည်း သီးသန့်သဘောမျိုး ဆက်လက်ဆွေးနွေးနိုင်ဖွယ် ရှိကြောင်း ၎င်းက ရှင်းပြသည်။
“တပ်ပိုင်းဆိုင်ရာ ကိစ္စတွေက အရေးကြီးတော့ အသေးစိတ် ဆွေးနွေးမှုတွေကို ထုတ်ဖော်ပြောပြဖို့ မဖြစ်နိုင်ပါဘူး။ နှစ်ဘက် စောင့်ထိန်းရမယ့် အနေအထား ဖြစ်နေပါတယ်။ တပ်ပိုင်းဆိုင်ရာ ကိစ္စတွေနဲ့ တနိုင်ငံလုံး အပစ်အခတ် ရပ်စဲရေးကိစ္စနဲ့ နိုင်ငံရေးကိစ္စကိုတော့ ကျနော်တို့တတွေ မူအားဖြင့်ပဲ သဘောတူထားတယ်။ အစိုးရနဲ့ နောက်ထပ် တွေ့ဆုံမှုတွေကတော့ ရှိဦးမှာပါ” ဟု ဦးရွှေမျိုးသန့်က ဧရာဝတီသို့ ပြောသည်။
အစိုးရဘက်မှ ငြိမ်းချမ်းရေး အကျိုးတော်ဆောင် ဦးလှမောင်ရွှေကမူ KNPP နှင့် ပြည်ထောင်စုအဆင့် ငြိမ်းချမ်းရေး ဆွေးနွေးပွဲ ဒုတိယအကြိမ် ဖော်ဆောင်ခဲ့ရာတွင် ငြိမ်းချမ်းရေး ဖော်ဆောင်နိုင်မှုအတွက် ပူးတွဲစောင့်ကြည့် ကြီးကြပ်ရေး ကော်မတီတရပ် ဖွဲ့စည်းနိုင်သည့် အတွက် ကောင်းသည့်အလားအလာ ဖြစ်ကြောင်း ဆိုသည်။
ငြိမ်းချမ်းရေး ဖော်ဆောင်ရေးအဖွဲ့နှင့် KNPP တို့အကြား ပထမအကြိမ် ပြည်ထောင်စုအဆင့် ဆွေးနွေးပွဲကို ၂၀၁၂ ခုနှစ် မတ်လ ၉ ရက်က အချက် ၁၄ ချက်ပါ သဘောတူညီချက်များကို လက်မှတ်ရေးထိုး နိုင်ခဲ့ပြီး တပ်ပိုင်းဆိုင်ရာ ကိစ္စရပ်များကို သဘောတူညီမှု မရခဲ့ဘဲ ဒုတိယအကြိမ် ဆွေးနွေးမှုတွင်လည်း မူအားဖြင့်သာ သဘောတူညီ ထားပေးပြီး ဆက်လက် ဆွေးနွေးမှုများ ပြုလုပ်မည်ဟု သိရသည်။
No comments:
Post a Comment