ဝန်ကြီးချုပ်ရဲ့ ညွှန်ကြား ချက်အရ စိုက်ပျိုး စ ရိတ် ချေး ငွေ ပြန် မဆပ် တဲ့ တောင်သူ တွေကို သြဂုတ်လမှာ စပြီး ဥပဒေနဲ့အညီ တရားစွဲ ဆိုသွားမှာ ဖြစ်ပေမယ့် ၂၀၁၄ ခုနှစ် မိုးစပါး ချေးငွေကိုတော့ စက်တင်ဘာလ အထိ ထုတ်ချေးပေး သွားမှာ ဖြစ်တယ်လို့ ဧရာဝတီတိုင်း ဒေသကြီး မြန်မာ့လယ်ယာ ဖွံ့ဖြိုးရေး ဘဏ် မန်နေဂျာ ဦးခင်မောင်လွင်က ပြောပါတယ်။
ဧရာဝတီတိုင်း ဒေသကြီး အတွင်းက တောင်သူတွေဟာ မြန်မာ့ လယ်ယာ ဖွံ့ဖြိုးရေး ဘဏ်ကို ဆပ်ဖို့ ၂၀၁၂ခုနှစ်မှာ မိုးစပါးအတွက် ၁၁၉ ဒသမ ၃၅ သိန်း ကျပ် ကြွေးကျန်နေပြီး ဆောင်းစပါး အတွက် ၈၄၃ ဒသမ ၅၃ သိန်းကျပ် ၊ ၂၀၁၃ခုနှစ်မှာတော့ မိုးစပါးအတွက် ၂၄ ဒသမ ၄၄ ဘီလျံကျပ်၊ ဆောင်းစပါးအတွက် ၅၇ ဒသမ ၉၂ ဘီလျံ ကျန်နေသေး တယ်လို့ ဆိုပါတယ်။
စိုက်စရိတ် ချေးငွေ ပြန်ဆပ်ဖို့ ကျန်နေတဲ့ မြို့နယ်တချို့ကတော့ မအူပင် ၊ ပန်းတနော် ၊ လပွတ္တာ ၊ မော်ကျွန်းနဲ့ ဘိုကလေးမြို့နယ်တွေ ဖြစ်တယ်လို့ ဧရာဝတီတိုင်းက မြန်မာ့လယ်ယာ စိုက်ပျိုးရေးဘဏ် ရဲ့ မှတ်တမ်းမှာ ဖော်ပြထားပါတယ်။
တောင်သူတွေအနေနဲ့ကတော့ စိုက်ပျိုး စရိတ်ချေးငွေဟာ လုံလောက်ပေမယ့် စိုက်ပျိုးရေး လုပ်ငန်း ဟာ နေ့စဉ်ပုံမှန် ၀င်ငွေမရှိတဲ့အတွက် စားဝတ်နေရေးအတွက် ငွေကိုလိုတဲ့အချိန် သုံးမိသလို ပုဂ္ဂလိက လုပ်ငန်းရှင်တွေဆီက အတိုးများများနဲ့ ချေးငွေထပ်ချေးရတာကြောင့် အတိုးပေါ် အတိုးဆင့်ပြီး စိုက်ပျိုးဘဏ်ရဲ့ အကြွေးကို မဆပ်နိုင်တာဖြစ်တယ်လို့ ပုသိမ်မြို့နယ်အတွင်းက ကြက်ပေါင်ရွာက လယ် (၁၁) ဧက လုပ်ကိုင်သူ ဒေါ်မြင့်မြင့်ကြူက ပြောပါတယ်။
၂၀၁၃ ဘဏ္ဍာရေးနှစ်မှာ ဧရာဝတီတိုင်းဒေသကြီးက မြို့နယ်ပေါင်း (၂၆) မြို့နယ်မှာရှိတဲ့ ကျေးရွာအုပ်စု (၁၉၂၉) က မြေဧက (၂၄၃၅ ဒသမ ၆၃၃)ကို စိုက်ပျိုးစရိတ် ချေးငွေ ထုတ်ချေးပေးခဲ့ တယ်လို့ မြစ်မခ သတင်းအရ သိရပါတယ်။
No comments:
Post a Comment