ဟိန်းကိုစိုး
ပဋိပက္ခများအကြား အသတ်ခံခဲ့ရသည့် ကရင်အမျိုးသားအစည်းအရုံး (ကေအင်န်ယူ) တပ်သားသေဆုံးမှုကို ဥပဒေကြောင်းအရ ဖြေရှင်းပေးရန် ဥပဒေအထောက် အကူပြုကွန်ရက်က တောင်းဆိုလိုက်သည်။
အဆိုပါ သေဆုံးမှုအတွင်း သံသယရှိသူ နယ်ခြားစောင့်တပ်သား ငါးဦးအား အရပ်ဘက်ဆိုင်ရာ သို့မဟုတ် စစ်ဘက်ဆိုင်ရာ တရားရုံး တင်ပို့ကာ မျှတမှုရှိသည့် တရားစီရင်မှုကို ရထိုက်သည်ဟု အောက်တိုဘာ ၁ ရက် နေ့စွဲဖြင့် ကြေညာချက်ထုတ်ပြန် ခြင်းဖြစ်သည်။
“ကေအင်န်ယူအနေနဲ့ ကျဆုံးရဲဘော်အတွက် စုံစမ်းစစ်ဆေးပေးဖို့ တောင်းဆိုထားတယ်။ အဲဒီအတွက်လည်း စစ်ဆေးနေတယ်လို့ ပြောတယ်။ သိတော့မသိရသေးပါဘူး” ဟု ကရင်အမျိုးသားအစည်းအရုံး ဗဟိုအလုပ် အမှုဆောင် ပဒိုမန်းငြိမ်းမောင် က မဇ္ဈိမကို ပြောသည်။
၂၀၁၄ ခုနှစ်၊ စက်တင်ဘာ ၁၆ ရက် ကရင်ပြည်နယ် မြ၀တီမြို့တွင် ကေအင်န်ယူ တပ်သား စောတာနို ဆို သူကို တပ်မတော် လက်အောက်ခံ နယ်ခြားစောင့်တပ်က ဖမ်းဆီးသွားခဲ့ပြီးနောက် စက်တင်ဘာ ၂၂ ရက် တွင် သောင်းရင်းမြစ်ကမ်းဘေး၌ ၎င်း၏ အလောင်းကိုဆယ်ယူရရှိသည်ဟု ထုတ်ပြန်ချက်က ဆိုသည်။
No comments:
Post a Comment