Arakan Project အဖွဲ့က Chris Lewa ရဲ့ အဆိုအရ နေ့စဉ်နေ့တိုင်း ရခိုင်ပြည်နယ်က လူပေါင်း ၉၀၀ လောက်ဟာ သင်္ဘောတွေနဲ့ ထွက်ခွာနေကြပြီး အဲဒီလို ထွက်ခွာနေတာကြောင့် တပါတ်ကျော်အတွင်း လူအယောက်ပေါင်း တစ်သောင်းနှုန်းလောက် မြန်မာနိုင်ငံကနေ ထွက်ခွာနေကြတာလို့ ဆိုပါတယ်။
အရင်တုန်းက ရိုဟင်ဂျာတွေကို လာရောက်ခေါ်ဆောင်တဲ့ သင်္ဘော အနည်းငယ်သာ ရှိတဲ့အတွက် စောင့်ကြည့်လေ့လာမှု လုပ်နိုင်ပေမယ့် အခုအခါမှာ သင်္ဘောတွေ ပိုများလာလို့ သေချာ စောင့်ကြည့်တာတွေ မလုပ်နိုင်တဲ့အတွက် မြန်မာနိုင်ငံကနေ ထွက်ခွာသူ ဒီထက်မက ပိုများနိုင်တယ်လို့ ပြောပါတယ်။
မြန်မာနိုင်ငံကနေတဆင့် မလေးရှားနဲ့ တခြားနိုင်ငံကို သွားရောက်တာ ဖြစ်ပေမယ့် အဲဒီနိုင်ငံတွေမှာလည်း နိုင်ငံသား ရရှိခြင်း မရှိပါဘူး။
တချို့ဆိုရင် အဲဒီလို သွားရင် လူကုန်ကူး သူတွေနဲ့ တွေ့ပြီး အမြတ်ထုတ် အနိုင်ကျင့်ခံရတာတွေ ရှိတယ်လို့လည်း Chris Lewa က ပြောပါတယ်။
No comments:
Post a Comment