ယင်းဂျာနယ်ကို မွန်ပြည်နယ် (၁၀) မြို့နယ်တွင် သာမက ရန်ကုန်မြို့ရှိ စာပေတိုက်သို့လည်း ပို့ဆောင်ပေးနေသည်ဟု သံလွင်တိုင်း(မ်) ဂျာနယ် အယ်ဒီတာအဖွဲ့ဝင် မင်းမင်းနွယ်က ပြောသည်။
မင်းမင်းနွယ်က “အခု ကျနော်တို့ ရုံးကနေတဆင့် မြို့နယ်တိုင်းမှာရှိတဲ့ ကိုယ်စားလှယ်တွေကို ဖြန့်ပေးနေတယ်၊ တစ်မြို့နယ်ဆိုရင် စောင်ရေ အုပ် (၁၀၀) ပို့ပေးတယ်၊ သံလွင်တိုင်း (မ်) ဂျာနယ် မြန်မာပြည် အနှံ့ပြန့် အောင် ဖြန့်ချိသွားမှာဖြစ်တယ်” ဟု ပြောသည်။
သံလွင်တိုင်း(မ်) ဂျာနယ်သည် မွန်ပြည်နယ်ရှိ စီးပွားရေး၊ လူမှုရေး၊ ပညာ ရေး၊ ကျန်းမာရေးနှင့် နိုင်ငံရေး ဆိုင်ရာ သ တင်း အချက် အလက်များကို မြန်မာ ဘာသာဖြင့် ပထမ ဦးဆုံး ထုတ်ဝေသည့် ဂျာနယ် ဖြစ်သည်။
စာမျက်နှာ (၃၀) ပါဝင်ပြီး၊ စောင်ရေပေါင်း (၃၀၀၀) ကို၊ တစ်စောင်လျှင် (၅၀၀) ကျပ်နှုန်းဖြင့် ရောင်းချမည်ဖြစ်သည်။ ယခုလက်ရှိတွင် မွန် ပြည်နယ်ရှိ သထုံ၊ ဘီးလင်းနှင့် ကျိုက်ထိုမြို့တို့၌ ကိုယ်စားလှယ် မရှိ သောကြောင့် ၄င်း မြို့နယ် (၃) မြို့ နယ်တွင် မဖြန့် ချိခဲ့ ရပေ။
ကရင်ပြည်နယ်နှင့် တနင်္သာရီတိုင်းတွင်မူ ကိုယ်စားလှယ်များ ခန့်အပ်ထားခြင်းမရှိသည့်အတွက် စာပေတိုက်များထံသို့ ကိုယ်တိုင် သွား ရောက် ပို့ဆောင် ပေးနေ ရသည်ဟု သိရ သည်။
စာအုပ်ဆိုင်နှင့် စာပေတိုက်များ လက်ခံသည့်စောင်ရေပေါ်မူတည်ပြီး နောက်လများတွင် ပိုမိုထုတ်ဝေသွားမည်ဟု မင်းမင်းနွယ်က ပြော သည်။
ဂျာနယ်စိစစ်ထုတ်ဝေရန်အတွက် စာပေစိစစ်ရေးဌာနသို့ တင်ပြသည့်အချိန်တွင် နိုင်ငံရေးနှင့် ပတ်သက်သည့် သတင်းအချက်အလက် အ နည်းငယ်ကို ပယ်ဖျက်ခံခဲ့ရသည်ဟု ဂျာနယ် အယ်ဒီတာအဖွဲ့ဝင် မင်းမင်းနွယ်က ပြောသည်။
ယင်းပယ်ဖျက်ခံရသည့်အကြောင်းအရာထဲတွင် မွန်ပါတီနှစ်ခု ပူးပေါင်းရေးတွင် သံဃာတော်များ ဝိုင်းဝန်းဆောင်ရွက်ပေးသည့်အကြောင်း ဖြစ်သည်။
မင်းမင်းနွယ်က “စာပေစိစစ်ရေးကနေပြီးတော့ နိုင်ငံရေးနဲ့ သံဃာတော်က မဆိုင်ဘူးလို့ ပြောတယ်” ဟု ပြောသည်။
ယင်းသတင်းဂျာနယ်သည် စိတ်ဝင်စားဖွယ်ကောင်းသော်လည်း စာလုံးပေါင်းသတ်ပုံ မှားယွင်းသည့် အားနည်းချက် ရှိနေသည်ဟု စာဖတ်ပု ရိဿတ်တစ်ဦးဖြစ်သည့် မော်လမြိုင်မြို့ပေါ်ရှိ စီးပွားရေး လုပ်ငန်း ရှင် ဒေါ်မိုးမိုးက ပြောသည်။
ဒေါ်မိုးမိုးက “ကိုယ့်မွန်ပြည်နယ်က သတင်းတွေ ပိုပါတယ်ဆိုတော့ တခြားဂျာ နယ်ထက် ပိုစိတ်ဝင်စားတာပေါ့နော်၊ ပြီးတော့ တခြားဂျာ နယ်ထက်လည်း သတင်းတွေစုံတယ်၊ ဒါပေမယ့် အရေးကြီးတဲ့ စာသား တွေမှာ စာလုံးပေါင်း (စာလုံး ပေါင်းမှား) တွေကျနေ တာတော့ သိပ်မကောင်း ဘူးပေါ့ နော်” ပြောသည်။
သံလွင်တိုင်း(မ်) ဂျာနယ်ကို ၂၀၁၂ ခုနှစ် မတ်လ ၃၁ ရက်နေ့တွင် ပြန်ကြားရေးဝန်ကြီးဌာန စာပေစိစစ်ဖြန့်ချိရေးလုပ်ငန်းများ ကြီးကြပ်မှု ဗဟို အဖွဲ့၏ ခွင့်ပြု ချက်ဖြင့် ထုတ်ဝေခွင့် ရခဲ့သည်။
ယင်းဂျာနယ်ကို မွန်ဘာသာဖြင့် ထုတ်ဝေခွင့်ရရန် တောင်းခံခဲ့သော်လည်း ခွင့်ပြုချက်မရရှိသေးကြောင်း သံလွင်တိုင်း(မ်) အယ်ဒီတာချုပ် နိုင်ချမ်းတွဲ့က ပြောသည်။
သံလွင်းတိုင်း(မ်) ဂျာနယ်တွင် အယ်ဒီတာချုပ် နိုင်ချမ်းတွဲ့ဖြစ်ပြီး တာဝန်ခံ အယ်ဒီတာ မင်းအောင်ဇေ၊ အယ်ဒီတာအဖွဲ့ဝင်များအဖြစ် မင်း ရာဇာရဲထွဋ်၊ မင်းအောင်ထူးနှင့် မင်းမင်းနွယ်တို့ ပါဝင်သည်။
No comments:
Post a Comment