ဒေါ်လာသန်းထောင်ချီတဲ့ မြုပ်နှံမှုဖြစ်တဲ့ ထားဝယ်ရေနက်စီမံကိန်းမှာ ဂျပန်နိုင်ငံက ပါဝင်မြုပ်နှံသင့်တယ်လို့ လက်ရှိထိုင်းဝန်ကြီးချုပ် ရင်လပ် ရှင်နာဝပ်ရဲ့ အစ်ကိုတော် စပ်သူဖြစ်တဲ့ သပ်ဆင်ရှင်နာဝပ်က ဂျပန်နိုင်ငံ တိုကျိုမြို့မှာပြုလုပ်တဲ့ ဆွေးနွေးပွဲတစ်ခုမှာ ပြောဆိုခဲ့တာ ဖြစ်ပါတယ်။
ဂျပန်နိုင်ငံနဲ့ ထိုင်းနိုင်ငံဟာ မြန်မာအစိုးရက စိတ်သက်သက်သာသာ ယုံယုံကြည်ကြည်နဲ့ ပူးပေါင်းလုပ်ကိုင်ချင်တဲ့ နိုင်ငံတွေဖြစ်ကြတယ်လို့လည်း သူက ပြောပါတယ်။
ထားဝယ်ရေနက်စီမံကိန်းတည်ဆောက်မှုမှာ တခြားနိုင်ငံတွေက အထောက်အပံ့တွေ လိုအပ်နေတဲ့အကြောင်း၊ ဒါပေမယ့် စီမံကိန်းနဲ့ ဆက်စပ် နေတဲ့ စက်မှုဇုံ တည်ဆောက်မှုနဲ့ တခြား အခြေခံအဆောက်အ အုံဆိုင်ရာလုပ်ငန်းတွေ၊ ဆက်သွယ်ရေးနဲ့ လျှပ်စစ်ဓါတ်အား စီမံကိန်းတွေမှာ ရင်းနှီးမြုပ်နှံဖို့ အခွင့်အလမ်းတွေ အမြောက်အများရှိနေတဲ့အကြောင်းလည်း ပြောခဲ့ကြောင်း သိရပါတယ်။
အာရှဒေသစီးပွားရေးတောင့်တင်းလာအောင် ကြိုးပမ်းမှုမှာ ဂျပန်နိုင်ငံအနေနဲ့ ထိုင်းနိုင်ငံနဲ့ အနီးကပ်ပူးတွဲလုပ်ကိုင်ဖို့လည်း သပ်ဆင်ရှင်နာ ဝပ်က တိုက်တွန်းပြောဆိုခဲ့ပါတယ်။
No comments:
Post a Comment