ABC
မြန်မာနိုင်ငံမှာရောက်ရှိနေတဲ့ ကုလသမဂ္ဂ အတွင်းရေးမှူးချုပ်ရဲ့ အထူးကိုယ်စားလှယ် ဗီဂျေးနမ်ဘီးယားဟာ မနေ့တုန်းက ကချင်ပြည်နယ် မြစ်ကြီးနားမြို့မှာ ရောက်ရှိနေပြီး စစ်ပွဲတွေကြောင့် ထွက်ပြေးခိုလှုံနေ ကြတဲ့ ဒုက္ခသည်စခန်းတွေကို သွားရောက်လေ့လာခဲ့သလို မြစ်ကြီးနား မြို့တော်ခန်းမမှာပြည်သူလူထုတွေနဲ့ တွေ့ဆုံခဲ့တယ်လို့ သိရပါတယ်။
ကုလသမဂ္ဂ အထူးကိုယ်စားလှယ် ဗီဂျေးနမ်ဘီးယားနဲ့ အတူ သမ္မတရုံးဝန်ကြီး ဦးစိုးသိမ်းနဲ့ လူဝင်မှုကြီးကြပ်ရေးဝန်ကြီး ဦးခင်ရီတို့လည်း လိုက်ပါလာတယ်လို့ ပြောပါတယ်။ ဗီဂျေးနမ်ဘီးယားနဲ့ အဖွဲ့ဟာ ဒုက္ခသည်တွေကို အကူအညီပေးဖို့ မြစ်ကြီးနားမြို့ မှာရှိတဲ့ ဂျာမိုင်ကောင်၊ တပ်ကုန်းဒုက္ခသည်စခန်းနဲ့ ၀ိုင်းမော်မြို့က မိုင်းနားဒုက္ခသည်စခန်းတွေကို သွားရောက်လေ့ လာခဲ့တာဖြစ်တယ်လို့ ကချင်ပြည်နယ်အစိုးရ စက်မှုလက်မှုဝန်ကြီး ဦးစိုင်းမောင်ရွေက အခုလိုပြောပါတယ်။
“ဒီနေ့ရောက်တယ် ဒုက္ခသည် camp တွေကို လိုက်လံပြီးတော့ ကြည့်တယ်လေ၊ အဓိကတော့ သူလေ့လာပြီး တော့မှ ဒုက္ခသည်တွေကို အကူအညီပေးဖို့၊ မြစ်ကြီးနားcamp မှာတွေရောသွားတယ်၊ ၀ိုင်းမော် camp မှာ တွေရောသွားတယ်။”
နေ့လည်ပိုင်းမှာတော့ မြစ်ကြီးနားမြို့တော်ခန်းမမှာ ကုလသမဂ္ဂအထူးကိုယ်စားလှယ် ဗီဂျေးနမ်ဘီးယားနဲ့ အဖွဲ့တို့ဟာ ပြည်သူလူထုတွေနဲ့ တွေ့ဆုံခဲ့တဲ့အကြောင်း အဲဒီပွဲကို တက်ရောက်ခဲ့တဲ့ ကချင် ပြည်နယ် တိုးတက်ရေးပါတီ(KSPP) ဥက္ကဌ ဒေါက်တာမနန်တူးဂျာက ပြောပါတယ်။
“လူမှုအဖွဲ့အစည်းကခေါင်းဆောင်တွေ၊ ပါတီကခေါင်းဆောင်တွေ၊ မြို့မိမြို့ဖတွေနဲ့ကတော့ မြို့တော်ခန်းမမှာ ၁နာရီ လောက်တော့ တွေ့ပါတယ်၊ IDP နဲ့ဆိုင်တာတွေ သူလေ့လာသွားတယ်၊ နောက်ပြီးဒီငြိမ်းချမ်းရေးကိစ္စတွေပေါ့၊ အပစ်အခတ်ရပ်ပြီးတော့မှ တွေ့ဆုံဆွေးနွေးအဖြေရှာဖို့ ဒါကို တိုက်တွန်းတာပေါ့။ လက်ရှိအစိုးရအနေနဲ့လည်း ငြိမ်းချမ်းရေးဖော်ဆောင်မှု ကော်မတီဖွဲ့စည်းထားပြီးတော့မှ လုပ်ဆောင်နေတဲ့ဥစ္စာလည်း ထောက်ခံတယ်ပေါ့။”
ဗီဂျေးနမ်ဘီးယားဟာ ကချင်ပြည်နယ်ကို ပထမဆုံးအကြိမ်ရောက်ရှိလာတာဖြစ်ပြီး အခုလိုလာ ရောက်တဲ့အတွက် ကြိုဆိုတယ်လို့လည်း ဒေါက်တာတူးဂျာက ပြောပါတယ်။
မြစ်ကြီးနားမြို့နဲ့ အနီးတ၀ိုက်မှာ ဒုက္ခသည်စခန်း ၇ခုလောက်ရှိနေပြီး ဒုက္ခသည်တွေအတွက် နိုင်ငံတကာအ ကူအညီတွေကိုလည်း အစိုးရဘက်က အကန့်အသတ်နဲ့သာ ခွင့်ပြုတဲ့အတွက် ဒုက္ခသည်တွေဟာ ဆေးဝါး၊ အစားအသောက်၊ အ၀တ်အထည်အကူအညီတွေ လိုအပ်နေဆဲပဲလို့သိရပါတယ်။
No comments:
Post a Comment