ဘီလူးမ ချောင်းဟာ စစ်တွေမြို့ကို ခါးလယ်က ဖြတ်သန်း စီးဆင်းနေတဲ့ ချောင်း ဖြစ်ပြီး အရင်ကတော့ စက်လှေတွေ၊ လှေကြီးတွေ ၀င်ရောက်နိုင်တဲ့ အနေအထားမှာ ရှိခဲ့ပြီး အခုတော့ တဖြည်းဖြည်း တိမ်ကော လာရာကနေ ရေနုတ်မြောင်း အဆင့်ကို ရောက်ရှိလာခဲ့တယ်လို့ ဆိုပါတယ်။
ရေနုတ်မြောင်း အဖြစ်သို့ ပြောင်းလဲ ရောက်ရှိလာခဲ့ပေမယ့် သဘာဝရေနုတ်မြောင်း ဖြစ်တဲ့ အတွက် ဒီရေ အတက်အကျကတော့ ရှိနေသေးတယ်လို့ သိရပါတယ်။
ဒါပေမယ့် ချောင်းဘေး ၀ဲယာတလျှောက်မှာ နေအိမ်တွေ တိုးချဲ့တည်ဆောက်လာတာတွေ ရှိသလို ပလတ်စတစ်လို စွန့်ပစ် အမှိုက်တွေကို မဆင်မခြင် စွန့်ပစ်တာတွေကြောင့် ဘီလူးမချောင်းဟာ တဖြည်းဖြည်းနဲ့ တိမ်ကောလာပြီး မိုးရာသီမှာတောင် ရေစီး ရေလာမကောင်းတော့ဘူးလို့ ဆိုပါတယ်။
ချောင်းတိမ်ကောလာတဲ့ အတွက် မိုးသည်းထန်စွာ ရွာသွန်းတဲ့ အခါ မြို့လယ်က လမ်းတွေမှာ မကြာခဏ ရေလျှံလေ့ရှိတယ်လို့ ပြောပါတယ်။
၂၀၁၃-၂၀၁၄ ခုနှစ် ဘဏ္ဍာရေးနှစ် အတွင်း ဘီလူးချောင်းကို ပြန်လည် တူးဖေါ်ပြီး ချောင်းဘေးဝဲယာ တစ်လျှောက် အရှည် ၁ ဒသမ ၅ မိုင်အထိ ကျောက်စီ နံရံတွေနဲ့ ခိုင်ခန့်အောင် ပြည်နယ် အစိုးရ ဘတ်ဂျက်ငွေနဲ့ ပြုလုပ်သွားမယ်လို့ အစိုးရ သတင်း ရပ်ကွက်က တဆင့် သိရပါတယ်။
No comments:
Post a Comment