ဇူလိုင်လ ၁ရက်နေ့က ဖြစ်ခဲ့တဲ့ ပဋိပက္ခကြောင့် ဗုဒ္ဓဘာသာဝင် မြန်မာ အမျိုးသားတစ်ဦးနဲ့ မွတ်စလင် အမျိုးသား တစ်ဦး သေဆုံးခဲ့ပါတယ်။
ဒါ့အပြင် လူပေါင်း ၂၀ ကျော်လည်း ထိခိုက်ဒဏ်ရာရခဲ့တဲ့အတွက် အာဏာပိုင်တွေက ညမထွက်ရအမိန့်ပါ ထုတ်ပြန်ခဲ့ရပါတယ်။
ပဋိပက္ခဖြစ်ရတဲ့ အကြောင်းအရင်းကို ရဲတွေက စုံစမ်း စစ်ဆေးမှု တွေပြုလုပ်ပြီး နောက်ပိုင်း မှာတော့ အဲဒီ ဗုဒ္ဓဘာသာဝင် မြန်မာ အမျိုးသမီးဟာ မွတ်စလင် ညီအစ်ကို နှစ်ယောက်က သူ့ကို မုဒိမ်းကျင့် ခဲ့ကြောင်း လိမ်လည် တိုင်းတန်းဖို့ အတွက် ငွေပေး ခိုင်းစေ ခံခဲ့ရတယ်လို့ မြန်မာ့ အလင်း သတင်းစာမှာ ဖော်ပြထားပါတယ်။
မဖြူဖြူမင်း ဆိုတဲ့ ဗုဒ္ဓဘာသာဝင် မြန်မာ အမျိုးသမီးရဲ့ ဆေးစစ်ချက်ထဲမှာ မုဒိမ်းကျင့်ခံရတဲ့ အထောက် အထားတွေ မတွေ့ခဲ့ရဘူးလို့ ပြည်ထဲရေးဝန်ကြီးဌာနက ဆိုပါတယ်။
ဒါကြောင့်မို့ အဆိုပါ မွတ်စလင် အမျိုးသားနှစ်ဦးကို မုဒိမ်းမှုနဲ့ တရားစွဲဖို့အတွက် သူ့ကို ငွေပေးခိုင်းစေခဲ့တာဖြစ်တယ်လို့ မဖြူဖြူမင်းက ၀န်ခံပြောဆိုခဲ့ပြီးတော့ အခုဆိုရင် မဖြူဖြူမင်းနဲ့အတူ သူမကို ငွေပေးပြီး လိမ်ပြောခိုင်းတဲ့ သူတွေထဲကတစ်ဦးကို ရဲတွေက ဖမ်းဆီးထားတယ်လို့ မြန်မာ့အလင်းသတင်းစာမှာ ဖော်ပြထားပါတယ်။
No comments:
Post a Comment