လူ့အခွင့်အရေး အထူးကိုယ်စားလှယ်သစ် မစ္စယန်ဟီးလီဟာ နိုင်ငံရေးအဖွဲ့အစည်းတွေ၊ အရပ်ဘက်အဖွဲ့အစည်းတွေနဲ့ တွေ့ဆုံနေပြီး မနက်ဖြန်မှာတော့ မြန်မာဂျာနယ်လစ်ကွန်ရက် ကိုယ်စားလှယ် နှစ်ယောက်နဲ့ တွေ့ဆုံဖို့ ရှိနေတာပါ။
“သူတို့က အဖွဲ့အစည်းကိုယ်စားပြု ခေါ်သလား၊ လူပုဂ္ဂိုလ်ရွေးခေါ်သလားတော့ မသိဘူး။ ကျနော်တို့ကတော့ မြန်မာဂျာနယ်လစ်ကွန်ယက် ကိုယ်စားပြုတင်ပြမှာပါ” လို့ အထွေထွေ အတွင်းရေးမှူး ဦးမြင့်ကျော်က ပြောပါတယ်။ သူနဲ့အတူ အတွင်းရေးမှူး ဦးအောင်သူရလည်း ပါဝင်မှာဖြစ်ပါတယ်။
“သတင်းသမားတွေ ဖမ်းဆီးထောင်ချခံနေရတဲ့ ကိစ္စ၊ ပြစ်ဒဏ်မမျှတတဲ့ ကိစ္စ၊ ပြီးတော့ တစ်ချို့ကိစ္စတွေမှာ သတင်းလွတ်လပ်ခွင့်ထက်ကို သတင်းထောက်တွေအပေါ်မှာ လူ့အခွင့်အရေး ချိုးဖောက်ခံရတာတွေကို ဇောင်းပေးပြီး တင်ပြသွားမှာပါ” လို့ ဦးမြင့်ကျော်က ပြောပါတယ်။
လက်ရှိအခြေအနေမှာ သတင်းထောက်တွေကို ဦးတည်တိုက်ခိုက်ပြီး လူ့အခွင့်အရေး ချိုးဖောက်တာတွေ ရှိလာတယ်လို့ ဆိုပါတယ်။ ဧရာဝတီဂျာနယ်က သတင်းထောက်ကို စစ်တပ်က ၀ိုင်းရိုက်ခဲ့ကြတဲ့ ကိစ္စမျိုးက သတင်းထောက်ကို ဦးတည် တိုက်ခိုက်တာပါလို့ သူက ဆက်ပြောပါတယ်။
မီဒီယာ ဥပဒေထွက်ပေါ်ခဲ့ပြီး ဖြစ်ပေမယ့် နည်းဥပဒေထွက်မလာသေးပဲ လက်ရှိမှာတော့ သတင်းသမားအများအပြားကို ဖမ်းဆီးထောင်ချ၊ စစ်ဆေးတာတွေ ရှိ်နေတာဖြစ်ပါတယ်။
No comments:
Post a Comment