ANP ပါတီ ၏ ရခိုင်ကိစ္စ အရေးကြီးအဆို ပြည်သူ့လွှတ်တော်တွင် ဆွေးနွေးခွင့် မရ

ထက်နိုင်ဇော်

ရခိုင် အမျိုးသားပါတီ (ANP)က မောင်တောဖြစ်စဉ်နှင့် ပတ်သက်သည့် အရေးကြီးအဆိုတရပ်ကို မနေ့က ကျင်းပသည့် ပြည်သူ့ လွှတ်တော်သို့ တင်ပြခဲ့သော်လည်း လွှတ်တော် ဥက္ကဌ၏ ခွင့်ပြုချက် မရသဖြင့် ဆွေးနွေးခွင့်မရဘဲ ပယ်ချခံခဲ့ ရကြောင်း သိရသည်။

ယင်းအရေးကြီးအဆိုမှာ ရခိုင်ပြည်နယ် မောင်တောဒေသတွင် ဖြစ်ပွားလျက်ရှိသည့် အကြမ်းဖက် လုပ်ရပ်များသည် အမျိုးသားလုံခြုံရေးနှင့် နိုင်ငံတော်၏ အချုပ်အခြာ အာဏာကို ခြိမ်းခြောက်နေသည့်အတွက် ထိုအကြမ်းဖက် လုပ်ရပ်များ လုံးဝချုပ်ငြိမ်းသွားသည်အထိ အမြစ်ပြတ် ချေမှုန်းနိုင်ရေး၊ လိုအပ်သော အစီအမံများ ချမှတ်ဆောင်ရွက်ပေးပါရန် အစိုးရ အား တိုက်တွန်းကြောင်း အဆိုဖြစ်သည်။

ယင်းကိစ္စသည် အစိုးရက “လုပ်ဆောင်နေပြီ” ဟု ပြည်သူ့လွှတ်တော် ဥက္ကဌ ဦးဝင်းမြင့်က လွှတ်တော် ညွှန်ချုပ်မှတဆင့် မှတ်ချက်ပြုခဲ့ပြီး ထိုအရေးကြီး အဆိုကို တင်ပြရန် မလိုအပ်ကြောင်း ပြန်ကြားခဲ့သည်ဟု အဆိုတင်သွင်းသူ ANP ပါတီမှ ကျောက်ဖြူမြို့နယ် ပြည်သူ့လွှတ်တော် ကိုယ်စားလှယ် ဦးဘရှိန်က မီဒီယာများသို့ ပြောသည်။

“ဒီအဆိုကို လက်မခံတာက လွှတ်တော် ညွှန်ကြားရေးမှူးချုပ်ရဲ့ ပြောပြချက်အရ အစိုးရက လုပ်နေပြီဖြစ်တာကြောင့်တဲ့။ အစိုးရက ဘာတွေလုပ်နေလဲ မသိဘူး။ တို့သိတာက တပ်မတော်က နယ်မြေရှင်းလင်းရေး တိုက်ပွဲတွေ တိုက်နေတယ်။ အဲဒီမှာ တပ်တခုတည်း မဟုတ်ဘဲ နိုင်ငံတော်က အစီအမံတွေ ချပြီး လုပ်ဖို့ လိုအပ်တယ်လို့ အဆိုမှာ တင်ပြတယ်။ အဲဒါတွေကို နားထောင်စေချင် တာ”ဟု ဦးဘရှိန်က ပြောသည်။

မနေ့ကကျင်းပသည့် ပြည်သူ့လွှတ်တော် အစည်းအဝေးအပြီးတွင် ANP ပါတီမှ ပြည်သူ့လွှတ်တော် ကိုယ်စားလှယ် များ ဖြစ်သည့် ဦးဘရှိန်၊ ဦးဦးလှစော၊ ဦးဖေသန်းနှင့် ဒေါ်ခင်စောဝေတို့က မီဒီယာများနှင့် တွေ့ဆုံ၍ အထက်ပါအတိုင်း ရှင်း လင်းခဲ့ခြင်း ဖြစ်သည်။

ယင်းကိစ္စနှင့် ပတ်သက်၍ ပြည်သူ့လွှတ်တော် ညွှန်ကြားရေးမှူးချုပ် ဦးတင်ဝင်းအောင်ကိုမေးမြန်းရာ အရေးကြီးအဆိုသည် ၎င်းနှင့် တိုက်ရိုက်မသက်ဆိုင်သဖြင့် သက်ဆိုင်သူ အမတ်များကိုသာ မေးမြန်းရန် မီဒီယာများသို့ ပြောသည်။

ရခိုင် ကိုယ်စားလှယ်များကမူ ၎င်းတို့ တင်သွင်းသည့် အရေးကြီးအဆိုများသည် မကြာခဏ ပယ်ချခံရသည့်အပေါ် တရားမမျှတဟု ခံစားနေရကြောင်း ပြောသည်။

မြောက်ဦးမြို့နယ် ပြည်သူ့လွှတ်တော် ကိုယ်စားလှယ် ဦးဦးလှစောက ယခု အဆိုသည် လုံးဝ မပယ် သင့်သော အဆို ဖြစ် ကြောင်း၊ အဘယ့်ကြောင့်ဆိုသော် ယခုပြဿနာမှာ ရခိုင်ပြည်နယ် တခုတည်း၏ ပြဿနာ မဟုတ်ဘဲ ပြည်ထောင်စု တခု လုံး၏ ပြဿနာ ဖြစ်နေသည်ကို ပြည်သူတရပ်လုံးကို သိစေချင်၍ ဖြစ်ကြောင်း ပြောသည်။

“အဆိုတင်တဲ့အခါမှာ လုပ်နေပါတယ်ဆိုတာကို ကျနော်တို့ လက်မခံဘူး။ ဘာကြောင့်လဲဆိုတော့ လွှတ်တော်ဟာ အစိုးရကို ကာဗာ ပေးစရာမလိုဘူး။ အစိုးရလုပ်တယ် မလုပ်ဘူးဆိုတာ လွှတ်တော်နဲ့ မဆိုင်ဘူး။ ကျနော်တို့က လွှတ်တော်က တဆင့် အစိုးရကို တင်ပြမှာ”ဟု ဦးဦးလှစောက ပြောသည်။

၎င်းကဆက်၍ “ကျနော်တို့က ပြည်သူ့အသံကို လွှတ်တော်ထဲ တင်ပြမှာကို ပိတ်တယ်ဆိုတာကိုက ကျနော်တို့ တဦးချင်း လည်း ပိတ်ပင်ခံရတာ ဖြစ်တယ်။ ရခိုင်လူထုရဲ့ ဆန္ဒတွေလည်း ပိတ်ပင်ခံရတာ ဖြစ်တယ်။ ပြည်ထောင်စု တခုလုံးအတွက် လည်း ပိတ်ပင်ခံရတာ ဖြစ်တဲ့အတွက် ဒီအဆိုကို ပိတ်ပင်မှု ဟာ တရားမျှတမှု မရှိဘူးလို့ ကျနော်တို့ ခံစားရတယ်”ဟု ဆိုသည်။

ANP ပါတီက တင်သွင်းခဲ့သည့် အဆို ၄ ခုတွင် ၂ ခုသာ ဆွေးနွေးခွင့်ရကာ မှတ်တမ်းတင်ခံခဲ့ရ ကြောင်း၊ ၂ ခု ပယ်ခံခဲ့ရ ကြောင်း ရသေ့တောင်မြို့နယ် ပြည်သူ့လွှတ်တော် ကိုယ်စားလှယ် ဒေါ်ခင်စောဝေကလည်း ပြောသည်။

ရခိုင်ကိုယ်စားလှယ်များ၏ အဆိုများ တင်ပြခွင့် မရချိန်၊ တခြားအရေးမကြီးဘဲ မေးခွန်းများသာ ဖြစ်သင့်သည့်တချို့ကိစ္စ များမှာမူ အဆိုအဖြစ် ဆွေးနွေးခွင့်ရနေခြင်းမှာ ပြည်သူ့ဘဏ္ဍာများကို ဖြုန်းတီးသကဲ့သို့ ဖြစ်နေကြောင်း ၎င်းတို့က မီဒီယာ များသို့ ပြောသည်။

“အဆိုတခု အနေနဲ့ ဒီမိုကရက်တစ် အင်စတီကျူးရှင်းတွေ ခိုင်မာအောင်လုပ်တာ မဟုတ်ဘဲနဲ့ Local Development တွေ လောက်ကို ဖြစ်နေတာကျတော့ အောင်မြင်ပြီးတော့ လွှတ်တော်ထဲမှာ ထပြီး ဆွေးနွေးကြတယ်။ အနုပညာစကားနဲ့ ပြောရ ရင် ရန်သူနဲ့ မတွေ့ဘဲနဲ့ အလှသိုင်းပြသလို ထပြနေကြတာ။ အဲလို အလှသိုင်းထပြပြီးတော့ နောက်ကျတဲ့အခါကျ လွှတ်တော်က မှတ်တမ်းတင်ဆိုတာနဲ့ ပြီးသွားတာပဲ”ဟု ဦးဦးလှစောက ဝေဖန်သည်။

NLD အစိုးရ၏ လွှတ်တော်သက်တမ်းတွင် အဆို ၁၅ ခုကို ရက်ပေါင်း ၃၃ ရက်ကြာအောင် ဆွေးနွေးရာတွင် အများစုမှာ မှတ်တမ်း တင်ခြင်းသာ ခံခဲ့ရသည်ဟု ANP ပါတီမှ ပြည်သူ့လွှတ်တော် ကိုယ်စားလှယ် ဦးဖေသန်းက ပြောသည်။

“အကုန်လုံးလိုလို မှတ်တမ်းတင်ဖို့ပဲ ဖြစ်သွားတယ်။ ရန်ကုန်ဆေးရုံကြီး ဆောက်တာနဲ့ ဒဂုံဆိမ်ကမ်း ကိစ္စတွေကျတော့ တဖက်ပါတီက လုပ်ခဲ့တာလို့ ဆိုပြီး ဖျက်သိမ်းဖို့ အတည်ပြုခဲ့တယ်။ ကျန်တာတွေကကျတော့ မေးခွန်းနဲ့လည်းဖြစ်တယ်။ သိပ်ပြီးတော့လည်း အရေးမပါဘူး”ဟု ဦးဖေသန်းက ပြောသည်။

အဆိုတခု တင်လာကတည်းက အစိုးရက လုပ်နေပါပြီဟု ဖြေရန် သက်ဆိုင်ရာဝန်ကြီး ဌာနက အဆင်သင့် ပြင်ထားပြီး ဖြစ်ကြောင်း၊ ထိုကိစ္စကို သိရက်သားနှင့်ပင် လွှတ်တော်ဥက္ကဌက အဆိုအဖြစ် တင်ပေးခဲ့ကြောင်း၊ ၎င်းအဆိုအားလုံးကို မှတ်တမ်းသာ တင်သည့်အခါ ပြည်သူ့ဘဏ္ဍာများစွာ ဆုံးရှုံးရတော့သည်ဟု ရခိုင် ကိုယ်စားလှယ်များက ပြောသည်။

“အစိုးရက လုပ်မယ်၊ လုပ်နေပါတယ်ပြောမှာ သေချာတဲ့ အဆိုမျိုးတွေကိုကျတော့ တင်ပေးခဲ့တယ်။ ဒါပေမယ့် ကျနော်တို့ ကျေနပ်တယ်။ ကတိတခုရလို့။ ကျနော်တို့ အဆိုက ကျယ်ပြန့်တယ်။ နိုင်ငံရဲ့ အချုပ်အခြာအာဏာနဲ့လည်း ဆိုင်တယ်။ ပြီးတော့ တပ်က တခုတည်း လုပ်လို့ရတာ မဟုတ်ဘူး”ဟု ဦးဖေသန်းက ပြောသည်။

ပြည်သူ့လွှတ်တော် ဥက္ကဌ ဦးဝင်းမြင့်ကမူ အဆိုများ၊ မေးခွန်းများကို လွှတ်တော်သို့ တင်ပြခွင့်များနှင့် ပတ်သက်၍ ပါတီစွဲ၊ လူမျိုးစွဲ မထားဘဲ မျှတအောင် စီစဉ်ပေးလျက်ရှိပြီး အစိုးရ ဝန်ကြီးဌာနများ၏ ပြန်လည် ဖြေကြားနိုင်မှု ပြီးစီးသည့် အပေါ်တွင် မူတည်၍လည်း စီမံခန့်ခွဲရကြောင်း လွှတ်တော်တွင် မီဒီယာများနှင့် တွေ့ဆုံစဉ် ပြောဆိုခဲ့ဖူးသည်။