Monday, April 2, 2012

မော်လမြိုင်တွင် ကြံ့ခိုင်းရေး ပါတီက မနေ့ အထိ မဲဆွယ်နေ

ဂျူရီချိုင်း

မော်လမြိုင် မဲဆန္ဒ နယ်တွင် ဝင်ရောက် ယှဉ်ပြိုင်မည့် ပြည်ထောင်စု ကြံ့ ခိုင်ရေးနှင့် ဖွံ့ဖြိုးရေးပါတီက မဲရုံနှင့် ကိုက် ၅၀၀ အတွင်းမှာ မနေက့ အထိ မဲဆွယ်စည်းရုံးရေးပြုလုပ်နေ ကြောင်းမော်လမြိုင်မြို့မှ မျက်မြင်သူတစ် ဦးက ပြောသည်။

၎င်းက “မဲရုံနဲ့ တော်တော်နီးတဲ့ လူအယောက်၃၀၀လောက်ရှိတဲ့ကြံ့ခိုင် ရေးပါတီက ဒီမနက်ပိုင်းမှာ လမ်းလျှောက်ပြီး သူတို့ရဲ့ပါတီကို မဲ ပေးပါ ဆိုပြီး မဲပေးသူတွေ စည်းရုံးနေတယ်” ဟု ပြောသည်။

ကြံ့ခိုင်ရေးပါတီသည် မော်လမြိုင်မြို့ မောင်ငံရပ်ကွက်ရှိ မဲရုံတွင်စည်းရုံး ရေးပြုလုပ်နေပြီးစည်းရုံးရေးပြုလုပ်နေသူများမှာ မွန်ပြည်နယ် မုဒုံမြို့နယ်နှင့် သံဖြူဇရပ်မြို့နယ်မှ ဒေသခံများလည်း ပါဝင်နေကြသည်။

မွန်ပြည်နယ် ၉ မြို့နယ်မှ ပြည်ခိုင်ဖြိုး အဖွဲ့ဝင်ပေါင်း ၂၃၀ ကျော်ကျော်ကို မော်လမြိုင်မြို့သို့ မတ်လ ၂၉ ရက်နေ့တွင် ခေါ်ဆောင် လာ ကြောင်း၊ ရပ်ကွက်ရှိ အိမ်တိုင်းတွင် လက်ကမ်းစာစောင် ပေးဝေခြင်း၊ အင် အားပြခြင်းများ ပြုလုပ်နေကြောင်း၊ ယနေ့ မဲပေးလို့ရနိုင်မည့် မဲရုံများတွင် ၎င်းအဖွဲ့သားများအား အုပ်စုအလိုက် ထားထားကြောင်းသိရ သည်။

“ ဒီလူတွေကို အစားထိုးမဲ ပေးထည့်ခိုင်းတာပဲ၊၊ ဒါပေမဲ့ တစ်ချို့မဲရုံတွေကတော့ ခွင့်မပြုပါဘူး” ဟု NLD ပြန်ကြားရေးတာဝန်ခံ ဦးကိုကို ဇော်က ပြောပါသည်။

ယနေ့တွင် ကျင်းပမည့် ကြားဖြတ်ရွေးကောက်ပွဲရလဒ်ကို ကိုက် ၅၀၀ အတွင်း ဝင်ပြိုင်မည့် ပါတီတခုခုက မဲဆွယ်စည်းရုံးနေသည်ကို တိုင် တန်းလာပါက အရေးယူမည်ဖြစ်ကြောင်း ပြည်ထောင်စု ရွေးကောက်ပွဲ ကော်မရှင် ဥက္ကဌက နေပြည်တော်ရှိ ပြည်ထောင်စု ရွေးကောက်ပွဲ ကော်မရှင်ရုံးတွင် မီဒီယာများနှင့် တွေ့ဆုံပွဲတွင် ပြောကြားခဲ့သည်။

ထို့အပြင် မီဒီယာများအား မဲရုံနှင့် ကိုက် ၅၀၀ အကွာမှသာ သတင်းယူမှုကို ခွင့်ပြုထားပြီး ကိုက် ၅၀၀ အတွင်း မေးမြန်းပါက ဘာမှပြော မည် မဟုတ်ကြောင်းလည်း ယင်းတွေ့ဆုံပွဲတွင် ဖော်ပြထားသည်။


No comments: