Friday, April 27, 2012

ရွှေတူးလုပ်ငန်းများ ရပ်တန့်ပေးရန် တိုင်ကြားသူ ထိန်းသိမ်းခံရ

ဇာနည်မာန် on April 27, 2012

မန္တလေးတိုင်း သပိတ်ကျင်းမြို့နယ်၊ ချောင်းကြီးဒေသ၀န်းကျင်ရှိ ရွှေတူးလုပ်ငန်းများကြောင့် ပတ်ဝန်းကျင်ကျေးရွာများ ထိခိုက် နစ်နာရ မှုများ အကြောင်း သမ္မတထံ စာပေးပို့ တင်ပြ တိုင်ကြား သူကို ဒေသ ခံ အာဏာပိုင် များက ထိန်းသိမ်း ထားပြီး တရားစွဲ ဆိုနေ ကြောင်း သတင်း ရရှိသည်။

ပုဂ္ဂလိက ရွှေတူးဖော်ရေး လုပ်ငန်းတခုဖြစ်သည့် ရွှေမေမေ ကုမ္ပဏီက ချောင်းကိုပိတ်ပြီး ရွှေတူးဖော်နေမှုများကြောင့် ချောင်းကြီးရွာဝန်း ကျင် ရေလွှမ်းမိုးမှုများ ဖြစ်ပေါ်လာနိုင်၍ အဆိုပါ လုပ်ငန်းများ ရပ်တန့်ပေးရန် ဦးသန်းအေးနှင့် ဒေသခံ ၃၀ ဦးတို့က သမ္မတထံ လက် မှတ်ရေးထိုး တောင်းဆိုခဲ့ခြင်းဖြစ်သည်။

“ရွာခံတွေရဲ့ သဘောတူညီချက်မပါဘဲ ရွာသားတွေဆီက ငွေယူပြီးတော့ ကိုယ့်သဘောနဲ့ကိုယ် တိုင်တယ်၊ နိုင်ငံတော်ငြိမ်ဝပ်ပိပြားမှု တည်ဆောက်ရေးမှာ အဟန့်အတားဖြစ်တယ်ဆိုပြီး ၈ ရက်နေ့က ဖမ်း သွားပြီး သပိတ်ကျင်းရဲစခန်းကို ပို့လိုက်တယ်။ ဖမ်းဝရမ်းလည်း မပါဘူး။ အခု ခြေချုပ်ပုဒ်မ ဆိုပြီး တပ်ပြီး သပိတ်ကျင်းမှာ တရားစွဲနေတယ်” ဟု ဇနီးဖြစ်သူ ဒေါ်လှဝင်းရီက ပြောသည်။

ဒေသခံများက ၄င်းတို့ ကိုယ်တိုင် ဦးသန်းအေးကို ဦးဆောင်စေ၍ တိုင်ကြားခဲ့ခြင်းဖြစ်ကြောင်း တရားရုံးတွင် ထွက်ဆိုခဲ့သော်လည်း အဆို ပါ ထွက်ဆိုချက်ကို ရုံးတော်က ပယ်ချခဲ့သည်ဟု သိရသည်။

“ကျနော်တို့ကို ဦးသန်းအေးက လိမ်လည်တာပါဆိုတာကို မြို့နယ်မှူးက ၀န်ခံလက်မှတ် ထိုးခိုင်းနေတယ်။ ကျနော်တို့က မထိုးခဲ့ဘူး။ တချို့ကလည်း ကြောက်လို့ ထိုးခဲ့ရတယ်။ ကျနော်တို့ကတော့ ဦးသန်း အေး ကို အမြန်ဆုံး ပြန်လွတ်စေချင်ပါတယ်” ဟု ချောင်းကြီး ရွာသားတ ဦးက ပြောသည်။

အမှုကိစ္စ လိုက်လံဆောင်ရွက်ပေးနေသော ရှေ့နေ ဦးမြင့်သွင်ကလည်း ဦးသန်းအေးအပေါ် တရားစွဲဆိုခြင်းမှာ ဥပဒေနှင့် မကိုက် ညီ ကြောင်း ဝေဖန်သည်။

“ရပ်ရွာအကျိုးအတွက် လုပ်တာကို ဒီလိုမျိုး တန်ပြန်တရားစွဲတာ၊ ပြီးတော့ ဒီခြေချုပ်ပုဒ်မဆိုတာက အိမ်ခြေယာမဲ့ ခိုးဆိုး လုယက် နေသူ တွေကို စွဲတဲ့ ပုဒ်မမျိုး။ ဒါကို ဦးသန်းအေးလို ကိုယ်ပိုင် စီးပွား လုပ်ပြီး ကိုယ့်ဒေသ ရပ်ရွာ ကောင်းကျိုး လုပ်နေ တာကို ဒီပုဒ်မကြီး တပ်ပြီး တရားစွဲ တာမျိုးဟာ ဥပဒေနဲ့ မကိုက် ညီဘူး၊ ဒါမျိုး မဖြစ် သင့်ဘူး” ဟု ရှေ့နေ ဦးမြင့်သွင်က ပြောသည်။

ချောင်းကြီးဒေသတွင် ရွှေတူးလုပ်ငန်းများကို ၂၀၀၇ ခုနှစ်ကတည်းက စတင်လုပ်ကိုင်ရန် အီတာနယ် ကုမ္ပဏီကို ချထား ပေးခဲ့ဖူး သည်ဟု ဆိုသည်။ ထိုစဉ်က အီတာနယ်ကုမ္ပဏီမှ ချောင်းကိုပိတ်၍ ရွှေတူး ဖော်မှုများပြုလုပ်ရာ မိုးကြီးချိန်တွင် ချောင်းရေအဆမတန် မြင့်တက်ကာ ချောင်းကြီးရွာမှ အိမ်ခြေ ၆၀ ကျော် ရေမျောပါခဲ့ပြီး လူ၇ ဦးသေဆုံးခဲ့ကြောင်း၊ နစ်နာကြေးနှင့် အကူအညီတစုံတရာ မရခဲ့ကြောင်း ဒေသခံ များက ဆိုသည်။

အဆိုပါ ဖြစ်စဉ်တွင် ချောင်းပိတ်ဆို့ ရွှေတူးနေသည်ကို တားဆီးပေးရန် ဦးသန်းအေးက ဦးဆောင်၍ ဒေသခံများက တိုင်ကြားခဲ့သော ကြောင့် အီတာနယ် ကုမ္ပဏီကို အာဏာပိုင် များက ရွှေတူးဖော်ခွင့် ပိတ် သိမ်းခဲ့သည်ဟု ဆိုသည်။ သို့သော် ယခုနှစ်ဆန်းပိုင်းက စတင်၍ မြို့နယ်အုပ်ချုပ်ရေးမှူး၏ ခွင့်ပြုချက်ဖြင့်ဆိုကာ ရွှေမေမေ ကုမ္ပဏီက ချောင်းကိုပိတ်၍ ရွှေတူးဖော်ရေးလုပ်ငန်းများ ထပ်မံ လုပ်ဆောင် လာ ခြင်းကို မလိုလား၍ တိုင်ကြားရခြင်းဖြစ်ကြောင်း ဒေသခံများက ပြောသည်။

“အရင်တခါတုန်းကလည်း ဦးသန်းအေးကပဲ ဦးဆောင်တိုင်ပေးတာ အဆင်ပြေသွားလို့ အခုတခေါက်လည်း ကျနော်တို့ကို ဦးဆောင် တိုင် ပေးပါဆိုပြီး လုပ်ခဲ့တာပါ။ အခုက မိုးများလာခဲ့ရင် ၂၀၀၇ တုန်း က လို ဖြစ်လာမယ့် အန္တရာယ်တွေ ရှိနေလို့ ချောင်းကိုပိတ်ပြီး ရွှေတူး နေ တာတွေ ရပ်စေချင်ပါတယ်” ဟု ဒေသခံ တဦးက ပြောသည်။

မြန်မာနိုင်ငံတွင် မြစ်များ၊ ချောင်းများအတွင်းမှ သဲစုပ်ခြင်း၊ သဲတူးခြင်း၊ သဲကျုံးခြင်း၊ မြစ်ကျောက်ထုတ်ခြင်း၊ ရွှေကျင်ခြင်း၊ ရွှေသတ္တု တူး ဖော်ခြင်း စသည့် ရေအောက် သယံဇာတများ အလွန်အကျွံ တူးဖော် ထုတ်ယူခြင်းကြောင့် မြစ်ကြောင်း ပြောင်းလဲခြင်း၊ မြစ်ကမ်းပါးပြို ခြင်း၊ မြစ်အတွင်း ရေနေသတ္တဝါများကို ထိခိုက်စေခြင်းများ ဖြစ်ပေါ်နေကြောင်း သိရသည်။

မြစ်ချောင်း သယံဇာတများ တူးဖော်ခြင်းနှင့် ပြန်လည် ပြုပြင်ခြင်းဆိုင်ရာ နည်းဥပဒေများကို ပြဋ္ဌာန်းထားသော်လည်း လိုက်နာမှု နည်းပါး ကြောင်းလည်း သိရှိ ရသည်။

No comments: