နော်နိုရင်း
လယ်ဝေးမြို့နယ် မီးသွေးဖိုကုန်းကျေးရွာက ထောင်ဒဏ်ချမှတ်ခံထားရတဲ့ ရွာသားတွေအတွက် ခရိုင်တရားရုံးကို အယူခံတင်ပေမယ့် ပယ်ချခံခဲ့ရပါတယ်။ နေပြည်တော်ခရိုင် လယ်ဝေးမြို့နယ် မီးသွးဖိုကုန်းကျေးရွာမှာနေတဲ့ ရွာသားတွေကို မနှစ် အောက်တိုဘာမှာ ဖယ်ခိုင်းခဲ့ပြီး မဖယ်ပေးသူတွေကို စည်ပင်သာယာက ကျူးကျော်မှုနဲ့ တရားစွဲဆိုခဲ့ပါတယ်။
ရွာသား ၂၁ ဦး တရားစွဲဆိုခံခဲ့ရပြီး မတ်လ ကုန်ပိုင်းမှာ ရွာသား ၆ ဦး အလုပ်ကြမ်းနဲ့ထောင် ၃ လ ချမှတ်ခံခဲ့ရပါတယ်။ ကျန်သူတွေကိုလည်း ဆက်ပြီးတရားစွဲဆိုထားရာမှာ ထောင်ဒဏ်ချခံရမှာစိုးရိမ်သူတချို့က မိမိအိမ်မြေရာတွေကို ဖျက်ပြီး ထွက်သွားကြ ရသလို ကျန် ၃ ဦးက မဖျက်တဲ့အတွက် အခုလ ၆ ရက်နေ့က အလုပ်ကြမ်းနဲ့ ထောင်ဒဏ် ၆ လ ထပ်မံ ချခံခဲ့ရပါတယ်။ ထောင်ဒဏ်ချမှတ်ခံရသူတွေအတွက် နေပြည်တော်ခရိုင်ရုံးကို အယူခံတင်ရာမှာလည်း ပယ်ချခံရတယ်လို့ လယ်သမားတွေရဲ့အမှုကို လိုက်ပေးတဲ့ လယ်ဝေးမြို့က ရှေ့နေ ဦးခင်မောင်ကြည်က ပြောပါတယ်။
“တရားစစွဲတုန်းကတော့ မဖယ်တဲ့လူက အကုန်လုံး ၂၁ ယောက် ရှိတယ်။ ကျနော် လိုက်တာပေါ့လေ။ အဲဒီအထဲမှာမှ ၄ ယောက်က ၁၄ ရက်နေ့က ချတယ်ပေါ့။ နောက်ထပ် ၂ ရက်ဆိုင်းပြီးတော့ ၂ ယောက် ချခံရတယ်။ ၆ ယောက် ထောင်ချပြီးတဲ့အခါကျတော့ တရားစွဲခံရတဲ့လူတွေက ကြောက်တဲ့အခါကျတော့ အိမ်တွေဘာတွေ ဖျက်ပြီးတော့ ဖြစ်သလို နေကြရတယ်။ အခု နောက်ပိုင်း ၈ ယောက် ကျန်တဲ့ဟာပေါ့လေ။ အမိန့်ချမယ့် ရက်ချိန်းကျမှပဲ ၅ ယောက်လောက်က ဖျက်ပြီးတော့ ထွက်သွာတယ်။ ၃ ယောက်က ထပ်ပြီး ထောင်ကျတယ်။
ပထမကျတဲ့လူကတော့ အယူခံ ၆ ယောက်အတွက်က ကျနော် တခါတည်း တင်လိုက်တာဆိုတော့ နေပြည်တော်ခရိုင်တရားရုံးကတော့ ဥပဒေနဲ့ ပတ်သက်တဲ့ကိစ္စတွေ အကြောင်းတရားတွေများလို့ အထက် ရုံးပဲ တက်ပါဆိုပြီးတော့ သူက အကျဉ်းနည်းနဲ့ ပလပ်လိုက်တယ်။ အကျဉ်းနည်းနဲ့ ပလပ်လိုက်တော့ အခုမန္တလေးတိုင်းဒေသကြီး တရားလွှတ်တော်ကို အဲဒီ ၆ ယောက်ကတော့ ဆက်ပြီးတော့ သွားရမှာပေါ့။” နေပြည်တော် စည်ပင်သာယာက စီမံကိန်းနယ်မြေနဲ့ မလွတ်ကင်းလို့ဆိုပြီး ဖယ်ခိုင်းတဲ့ မီးသွေးဖိုကုန်းကျေးရွာဟာ အိမ်ခြေ ၁၅၀ ခန့်ရှိပါတယ်။
သက်ဆိုင် ရာက ဖယ်ပေးသူတွေကို ပြောင်းရွှေ့ စရိတ် ၂ သိန်းနဲ့ မြေနေရာ အစားပေးပါတယ်။ ဒါပေမယ့် ရှိတဲ့အိမ်ခြေတွေအနက် ၃ ပုံ ၁ ပုံခန့်သာ မြေနေရာရပြီး ကျန် ၃ ပုံ ၂ ပုံက မရလို့ မဖယ်ပေးဘဲ တင်းခံကြတာပါ။ ဒါပေမယ့် မဖယ်ပေးရင် ဖမ်းဆီးမယ်လို့ ပြောတဲ့အတွက် အများစု ထွက်ပြေးကုန်ကျပြီး ကျန်ရှိတဲ့ အိမ်ခြေ (၂၀) ကျော်ကို နေပြည်တော် စည်ပင်သာယာက ဖေဖော်ဝါရီ ၁၀ ရက်မှာ တရားစွဲဆိုခဲ့တာပါ။ ထောင်ကျမှာ စိုးရိမ်တဲ့ ရွာသားတွေဟာ အိမ်ရာမဲ့အခက်အခဲနဲ့ ရင်ဆိုင်နေရတယ်လို့ ဦးခင်မောင်ကြည်က ပြောပါတယ်။ “ဒီလူတွေရဲ့ ဘဝကလည်း ဖျက်ချင်လည်း ဖျက်ပေါ့လေ၊ ဖျက်တော့လည်း နေ စရာကမရှိ၊ မဖျက်ပြန်တော့လည်း ထောင်ကျကုန်တော့ သူတို့ဘဝအတွက်က ကျနော် ဥပဒေအရ ဘယ်လို ဘယ်ကနေပြီးတော့မှ သက်သာခွင့် ရှိရမှန်း မသိသလောက်ပဲ။ တကယ်တော့ တခြားမှာ နေ စရာမြေ မရှိလို့မို့လို့ သူတို့ ဆက်နေတဲ့ သဘောပါပဲ။ ဒီနေရာလေးကို နိုင်ငံတော်အစိုးရက တကယ်လိုအပ်လို့ သိမ်းတယ်ဆိုရင်တော့ ဥပဒေနဲ့အညီလေး သိမ်းခဲ့ရင် ဘာမှ ပြောစရာမရှိဘူးပေါ့လေ။
အခုဟာကတော့ ဥပဒေနဲ့ လုပ်ထုံးလုပ်နည်းနဲ့ ကိုင်တွယ်ပြီးလုပ်ရမယ်၊ ဝန်ထမ်းပိုင်းဆိုင်ရာတွေက တိတိကျကျ မဆောင်ရွက်တော့ မနစ်နာသင့်ဘဲ နစ်နာကြတဲ့ အကြောင်းတရားတွေ ပေါ်ပေါက်လာ တယ်။ “သူ တို့က မရှိ ရှိတာလေးနဲ့ အဲဒီ မီးသွေးဖိုကုန်း ကျေးရွာနေရာလေးကို အခြေချ နေကြမယ်ဆိုပြီးမှ စုမိဆောင်းမိတာလေးနဲ့ မြေကွက်လေး ဝယ်ပြီး နေလာကြတဲ့လူတွေ၊ ဒီမြေကွက်ကို ဒီကနေမနေရဘူးဆိုပြီးတော့ အသားလွတ် မောင်းလွှတ်သလို ဖြစ်နေတဲ့အခါကျ အခြားမှာကလည်း နေစရာကလည်းမရှိ စားစရာကလည်း မရှိ ဒီလိုတော့ ဒုက္ခတွေ ရောက်ကြတာပေါ့လေ။ တချို့ဆိုရင် ဘုန်းကြီးကျောင်းထဲမှာ ပစ္စည်းတွေ ပုံထားပြီးတော့ လူက ဖြစ်သလို တောထဲတောင်ထဲ ဟိုနားကပ်နေ ဒီနားကပ်နေ အဲဒီလိုထိအောင် ဖြစ်တယ်။”
No comments:
Post a Comment