Sunday, February 17, 2013

ကမ်းထောင့်ကြီးကျေးရွာပိုင် ရွာလယ်မြေကွက် နဂိုအတိုင်းထားရှိရန် ရွာသားများ လိုလား

မောင်ရမ္မာ

ရခိုင်ပြည်နယ်မှ ကျေးရွာကြီး တစ်ရွာ ဖြစ်သော မြေပုံမြို့နယ် ကမ်းထောင့်ကြီး ကျေးရွာ ရွာလယ်မြေကွက်ကို သက်ဆိုင်ရာက အိမ်ဆောက်ရန် ရောင်းချနေ သဖြင့် ကျေးရွာသား များက ၎င်းမြေကွက်ကို နဂိုအ တိုင်းသာ ထားရှိလို ကြောင်း ရွာသားများ သတင်းပေးပို့ရာတွင် ဖေါ်ပြသည်။

လက်ရှိ ကျေးရွာ အုပ်ချုပ်ရေးမှူးက ကမ်းထောင့်ကြီးကျေးရွာ ရွာလယ်ရှိ မြေ ကွက်လပ်ထဲမှ အကျယ် (၆၀ပေ၊ ၄၀ ပေ) မြေကွက် တစ်ခုအား ကျေးရွာ အုပ် ချုပ်ရေး စာရေး၏ ညီဖြစ်သူကို ကျပ်ငွေ သိန်း (၃၅) သိန်းဖြင့် ရောင်းစားထား ပြီး ကျန်မြေကွက် တစ်ခုကိုလည်း အုပ်ချုပ်ရေးမှူး၏ အစ်ကို ဖြစ်သူကို ပေး အပ်ထားသည်ဟု ကျေးရွာသားများက ဆိုသည်။

အဆိုပါ မြေကွက်များကို လွန်ခဲ့သောနှစ် စက်တင်္ဘာလကရောင်းစားခဲ့သည် ဟု ပြောကြားသည်။

အများပိုင် မြေကွက်ကို ရောင်းချနေခြင်းမှာ မသင့်တော်ကြောင်းနှင့် ကျေးရွာအတွင်း ယခုလုပ်ရပ်ကြောင့်စိတ်ဝမ်းကွဲပြားမူများလည်းပေါ် ပေါက် နေကြောင်း၊ သို့အတွက် မြေနေရာကို နဂိုအတိုင်း ထားရှိစေလို ကြောင်း ရွာသားများက ပြောဆိုသည်။

၎င်းပြင် ရွာလယ်ရှိ ချင်းမိသားစု(၇) ခု နေထိုင်ရာ မြေကွက်လပ် ၄ ခုအတွက်လည်း ကျေးရွာ အုပ်ချုပ်ရေးမှူးက ခြိမ်းခြောက်ငွေတောင်း စား နေသည်ဟု ချင်းအမျိုးသမီး တစ်ဦးက ပြောသည်။

“ ကျွန်မတို့ ဒီနေရာမှာ နေလာတာ ၁၂ နှစ်ကျော်ရှိပါပြီ။ အဲဒါကို အုပ်ချုပ်ရေးမှူးက ဒီနေ ရာမှာ နေမယ်ဆိုရင် ငွေပေးရမယ်၊ ငွေမပေးရင်ဒီနေ ရာက ထွက်ပေးရမယ်ဆိုပြီး ခြိမ်းခြောက်လာတော့ ကျွန်မတို့လဲ ထွက်ရမှာကြောက်လို့ ငွေပေး နေတာ ၂သိန်းနီးပါး ရှိနေပါပြီ” ဟု ချင်း အ မျိုးသမီး မပွင့်က ဆိုသည်။

အုပ်ချုပ်ရေးမှူးမှာ သြဇာအာဏာ ရှိသူ ဖြစ်သဖြင့် မြေနေရာ ရောင်းစားမူ အပါအ၀င် ငွေကြေး တောင်းစားနေမူများ ရှိနေသော်လည်း ကျေး ရွာသားများ အနေဖြင့် အထက်အာဏာပိုင်သို့ တိုင်ကြားရန် ကြောက် ရွံ့နေကြသည်ဟု ဆိုသည်။

ကမ်းထောင့်ကြီးကျေးရွာတွင် အိမ်ခြေ ၂၄၀၀ ခန့်ရှိကြောင်း သိရသည်။

No comments: