သမ္မတ Barack Obama က သမ္မတ ဦးသိန်းစိန်အနေနဲ့ နိုင်ငံရေးအကျဉ်းသားတွေကို ထပ်မံလွတ်ပေးဖို့နဲ့ ဒီမိုကရေစီအသွင်ပြုပြင်ပြောင်းလဲမှုကို ဆက်လက် လုပ်ဆောင်သါားမယ်လို့ ကတိပေးခဲ့ကြောင်းဆိုပါတယ်။
ပြီးတော့ သမ္မတ Barack Obama က ရခိုင်ပြည်နယ်မှာ ဖြစ်ခဲ့တဲ့ ပဋိပက္ခကို ရည်ညွန်းပြီး မြန်မာနိုင်ငံထဲက မွန်စလင်လူမျိုးတွေကို အကြမ်းဖက် တိုက်ခိုက်တာတွေကို ရပ်တန့်အောင် လုပ်ဆောင်ပေးဖို့ သမ္မတ ဦးသိန်းစိန် ကိုပြောခဲ့တယ်လို့ ဆိုပါတယ်။ သမ္မတဦးသိန်းစိန်နဲ့ သမ္မတ Barack Obama တို့ အိမ်ဖြူတော်ထဲမှာ တွေ့ဆုံစကားပြောနေချိန်မှာပဲ သမ္မတ ဦးသိန်းစိန်ကိုတော့ အပြင်မှာ ဆန္ဒပြကြတဲ့ လူတွေလည်း ရှိပါတယ်။
အခုလိုမျိုး အမေရိကန်နိုင်ငံက မြန်မာအစိုးရခေါင်းဆောင်ကို အိမ်ဖြူတော်မှာ ဖိတ်ခေါ်ပြီး တွေ့ဆုံတာဟာ မြန်မာနိုင်ငံမှာဖြစ်နေတဲ့ ဘာသာရေး လူမျိုးရေး ပဋိပက္ခတွေကို အမေရိကန်နိုင်ငံအနေနဲ့ လှစ်လှူရှူ့နေတာဖြစ်တယ်လို့ တချို့က ဝေဖန် သုံးသပ်ကြပါတယ်။
အမေရိကန်နိုင်ငံကို ရောက်ရှိနေစဉ်အတွင်း သမ္မတ ဦးသိန်းစိန်က သူ့အနေနဲ့ တိုင်းပြည်ထဲက ပြုပြင်ပြောင်းလဲမှုလုပ်တဲ့နေရာမှာ မြန်မာအတိုက်အခံပါတီ ခေါင်းဆောင် ဒေါ်အောင်ဆန်းစုကို နေရာပေးခြင်း မပေးခြင်းကို ပြောဆိုတာမရှိပဲ ပြုပြင်ပြောင်းလဲမှုရဲ့ ရှေ့ဆက်လုပ်ဆောင်ရမယ့်လှုပ်ငန်းတွေဟာ လွှတ်တော်ပေါ်မှာပဲ မူတည်တယ်လို့ အမေရိကန်နိုင်ငံအခြေစိုက် ၀ါရှင်တန်ဖို့စ် သတင်းစာနဲ့ တွေ့ဆုံမေးမြန်းခန်မှာ ပြောသွားခဲ့ပါတယ်။
ဖွဲ့စည်းပုံအခြေခံဥပဒေထဲမှာ စစ်တပ်က လွှတ်တော်ထဲမှာ ၂၅ ရာခိုင်နှုန်း နေရာ ပါနေတာကို လျော့ပေးမှာမဟုတ်ကြောင်း တပ်မတော်ဟာ မြန်မာနိုင်ငံလွတ်လပ်ရေးမှာ ကြိုးပမ်းကာကွယ်ပေးခဲ့တာဖြစ်တယ်လို့ဆိုပါတယ်။ အဲ့ဒါကြောင့် တပ်မတော်ဟာ မြန်မာနိုင်ငံနဲ့ အစိုးရအုပ်ချုပ်ရေးပိုင်းမှာ အထူးနေရာတခု အမြဲတမ်းရရှိနေမှာဖြစ်တယ်လို့ သမ္မတ ဦးသိန်းစိန်ကပြောပါတယ်။
မြန်မာနိုင်ငံက တရုတ်နိုင်ငံရဲ့ လွမ်းမိုးမှုကို လျော့ချချင်တာကြောင့် ပြုပြင်ပြောင်းလဲမှု လုပ်လာတာဖြစ်တယ်လို့ ကျွမ်းကျင်ပညာရှင် တော်တော်များများက သုံးသပ်ကြပါတယ်။ မကြာသေးခင်ကပဲ အမေရိကန်နိုင်ငံက မြန်မာနိုင်ငံအပေါ်ထားရှိတဲ့ ဒဏ်ခတ်ပိတ်ဆို့မှု တချို့ဖြစ်တဲ့ ဗီဇာတင်းကြပ်မှုတွေကိုပယ်ဖျက်ပေးခဲ့တယ်လို့ သိရပါတယ်။
No comments:
Post a Comment