မဟာစင် ဆိုင်ကလုံးမုန်တိုင်းဟာ ရှောင်ရှားဖို့အတွက် တော်တော် ခက်ခက်တဲ့အကြောင်းနဲ့ အခုဆို ဘင်္ဂလားဒေ့ရ်ှနိုင်ငံက အာဏာပိုင်တွေကလည်း မြေနိမ့်ပိုင်း ကမ်းရိုးတမ်း ဒေသတလျှောက်မှာ နေထိုင်တဲ့လူတွေကိုလည်း ပြောင်းရွေ့နေပြီးဖြစ်ကြောင်းသိရပါတယ်။
မကြာခင်မှာ ကျရောက်တော့မယ့် မဟာစင် ဆိုင်ကလုံးမုန်တိုင်းဟာ အိန္ဒိယ အရှေ့မြောက်ပိုင်းအပါအ၀င် မြန်မာနဲ့ ဘင်္ဂလားဒေ့ရှ် ၂နှစ်နိုင်ငံစလုံးက သန်းနဲ့ချီတဲ့လူတွေအတွက် စိုးရိမ်စရာဖြစ်နေပါတယ်။
ထိုင်းနိုင်ငံ ဘန်ကောက်မြို့က ကုလသမဂ္ဂရုံး လူသားခြင်းစာနာထောက်ထားမှုဆိုင်ရာ အကြီးအကဲ Kirsten Mildern က သူတို့အနေနဲ့ မုန်တိုင်းဒဏ်ခံရမဲ့ ကြာသာပတေးနေ့ညနဲ့ သောကြာနေ့မနက်မှာ အခြေအနေတွေကို စောင့်ကြည့်နေတဲ့ အကြောင်း၊ ချစ်တစ်ကောင်းနဲ့ စစ်တွေမြို့က တချို့နေရာတွေမှာ မိုးရွာစတင်ရွာ သွန်းနေပြီလို့ ရေဒီယိုသြစတြေးလျကို ပြောပါတယ်။
တဆက်တည်းမှာပဲ ရခိုင်ပြည်နယ် ဒုက္ခသည် စခန်းမှာနေထိုင်နေကြတဲ့ ရိုဟင်ဂျာမွတ်စလင် တချို့က မုန်တိုင်းကနေ လုံခြုံတဲ့နေရာကိုရွေ့ပြောင်းဖို့ အစိုးရက ညွန်ကြားတာကို သူတို့အနေနဲ့ မလက်ခံလိုကြောင်း၊ အစိုးရကို အယုံအကြည်မရှိကြောင်း သတင်းတွေလည်းထွက် ပေါ်နေပါတယ်။
No comments:
Post a Comment