ABC
မြန်မာနိုင်ငံက မွတ်စလင်လူမျိုးတွေကိုတိုက်ခိုက်တဲ့ နေရာမှာ ဗုဒ္ဓဘာသာ သံဃာတော်တချို့ပါဝင်နေတဲ့ကိစ္စနဲ့ပတ်သက်ပြီး အခုလို ဘာသာရေးကို နံမည်ခံပြီး သတ်ဖြတ်တာဟာ လက်ခံလို့မရဘူးလို့ တိဘက်ဘုန်းတော်ကြီး Dalai Lama က ဝေဖန်ပြောဆိုလိုက်ပါတယ်။
မြန်မာနိုင်ငံမှာ ဖြစ်နေတဲ့ပဋိပက္ခရဲ့ အခြေခံ အကြောင်းအရင်းဟာ ဘာသာရေးနဲ့ မဆိုင်ပဲ နိုင်ငံရေးကြောင့် ဖြစ်တာဖြစ်တယ်လို့ ဘုန်းတော်ကြီး ဒလိုင်းလားမားက အမေရိကန်နိုင်ငံ မယ်ရီလန် တက္ကသိုလ်မှာ မိန့်ခွန်းပြောကြား စဉ်အတွင်း ပြောခဲ့တာဖြစ်ပါတယ်။
တကယ်တော့ ဘာသာရေးကို ခုတုံးလုပ်ပြီး လူတွေကိုသတ်ဖြတ် နေတာဟာ တကယ့်ကို လက်ခံလို့မရတဲ့အကြောင်း၊ ၀မ်းနည်းစရာဖြစ်ကြောင်းနဲ့ သံဃာတော်တွေကိုလည်း ဗုဒ္ဓရဲ့မျက်နှာကို ထောက်ထားဖို့ သူ့အနေနဲ့ ဆုတောင်းပေးတဲ့အကြောင်းလည်း ဆိုပါတယ်။
မြန်မာနိုင်ငံမှာ မတ်လကစပြီးတော့ ဘာသာရေးပဋိပက္ခတွေ ဖြစ်ပွားခဲ့ပြီး မိထ္ထီလာမှာ ဖြစ်ခဲ့တဲ့ပဋိပက္ခမှာ လူ ၄၃ဦးသေဆုံးခဲ့ပါတယ်။ မကြာသေးခင်က ဥက္ကံမြို့မှာဖြစ်ခဲ့ပဋိပက္ခမှာတော့ လူ တစ်ဦးသေဆုံးခဲ့ပြီး ဆယ်ဦးဒဏ်ရာရခဲ့ပါတယ်။ ဖြစ်ပွားခဲ့တဲ့ပဋိပက္ခတွေမှာ ဗုဒ္ဓဘာသာသံဃာတော်တချို့ ပါဝင်နေတယ်လို့ လေ့လာသူတွေက ယူဆနေကြပါတယ်။
No comments:
Post a Comment