အေးချမ်းခိုင်
ဆက်သွယ်ရေးဥပဒေပုဒ်မ ၆၆(ဃ)နှင့် ပတ်သက်ပြီး သူရရွှေမန်းက ပြည်သူတွေရဲ့သဘောထားမှတ်ချက်ကို နိုဝင်ဘာလ ၂၁ ရက်မှာ လူမှုကွန်ယက်စာမျက်နှာက တဆင့် တောင်းခံလာခဲ့သည်။
လူတစ်ဦးတစ်ယောက်၊ တစ်ဖွဲ့အတွက် မဟုတ်ဘဲ နိုင်ငံတော်နှင့် နိုင်ငံသားအကျိုးစီးပွားအတွက် ကာကွယ်ရန်နှင့်၊ လိုတစ်မျိုး မလိုတစ်မျိုး ဥပဒေတစ်မျိုး မဖြစ်စေရန်အတွက် ဆိုပြီး အောက်ပါအချက်လေးချက်အား ပြည်သူတွေရဲ့ သဘောထားမှတ်ချက်အဖြစ် မေးမြန်းခဲ့ခြင်း ဖြစ်သည်။
“ ပုဒ်မ ၆၆(ဃ) ကို ဆက်လက်ထားရှိရမယ် ၊ ဒါပေမယ့် ပြင်သင့်တာကို ပြင်ရမယ်၊ အထူးသဖြင့် အာမခံပေးခြင်းနှင့် လုပ်ထုံးလုပ်နည်းအပိုင်းကြောင့် မလိုအပ်တဲ့ ပြသနာတွေဖြစ်နေရတယ် ၊ ဒါ့အပြင် စိတ်ဝမ်းကွဲမှု၊ အထင်အမြင်လွဲပြီး ရင်ကြားစေ့ရေးကို ခက်ခဲစေမှု၊ အချိန်ကုန်၊ ငွေကုန်၊ လူပင်ပမ်းဆင်းရဲမှုများကြောင့် ဖြစ်ပေါ်နေရသည်ဟု ဝေဖန်ထောက်ပြအကြံပြုမှုများ ရှိနေကြပါတယ် ” ဆိုတဲ့ အချက်တွေအပေါ်မှာ ဘယ်လိုသဘောထားမှတ်ချက်ပေးလိုကြပါသလဲ လို့ ပြည်သူများနှင့်အတူဆိုပြီး မေးမြန်းခဲ့ခြင်း ဖြစ်သည်။
နိုဝင်ဘာ ၆ ရက်က Daily Eleven သတင်းစာပါ “ဝန်ကြီးချုပ်တစ်ဦးအား စီးပွားရေးလုပ်ငန်းရှင်တစ်ဦးက ဒေါ်လာ ၁ သိန်းတန် နာရီတစ်လုံး ပေးခဲ့ကြောင်း” အယ်ဒီတာအာဘော်တွင် ထည့်သွင်းရေးသားချက်နှင့် ပတ်သက်ပြီး တိုင်းဒေသကြီးအစိုးရအဖွဲ့က Eleven မီဒီယာဂရု၏ စီအီးအို ဒေါက်တာသန်းထွဋ်အောင်နှင့် အယ်ဒီတာချုပ် ဦးဝေဖြိုးတို့အား ဆက်သွယ်ရေးဥပဒေပုဒ်မ ၆၆(ဃ) ဖြင့် အမှုဖွင့် အရေးယူခဲ့ပြီးနောက် ပုဒ်မ ၆၆(ဃ)အပေါ် အခုလို သဘောထားအမြင် တောင်းခံလာခြင်း ဖြစ်သည်။
No comments:
Post a Comment