မင်းမင်း
ဗိုလ်ချုပ်အောင်ဆန်းရုပ်ပုံဖြင့် ငွေစက္ကူများ ရိုက်နှိပ်သုံးစွဲရန် မဖြစ်နိုင်သေးကြောင်း မြန်မာနိုင်ငံတော်ဗဟိုဘဏ် ဒုဥက္ကဌဖြစ်သူ ဦးစိုးမင်းက နိုဝင်ဘာ ၂၂ရက်၊ ပြည်သူ့လွှတ်တော်အစည်းအဝေးတွင် ပြောကြားသည်။
“ကုန်ကျစရိတ်ပိုမိုလာဖို့ ရှိတာရယ်၊ ပုံစံအမျိုးမျိုး ရှိနေတဲ့အတွက် ပြည်သူများဟာ ငွေစက္ကူအပေါ်မှာ ယုံကြည်မှုအားနည်းလာနိုင်လို့ ထည့်သွင်းစဉ်းစားမယ်ဆိုလို့ရှိရင် ငွေစက္ကူအပေါ်မှာ မရေမရာ၊ ဇဝေဇဝါ ဖြစ်ပေါ်ခြင်းတွေ ရှိလာနိုင်တဲ့အတွက် လက်ရှိ လှည့်လည်သုံးစွဲငွေများမှ လဲလှယ်ဖို့အတွက်လည်း အခက်အခဲ ရှိတဲ့အတွက် မြန်မာနိုင်ငံတော်ဗဟိုဘဏ်အနေနဲ့ ငွေစက္ကူများကို နိုင်ငံစီးပွားရေးတည်ငြိမ်တဲ့အချိန်မှာ အနှောက်အယှက်မဖြစ်စေနိုင်တဲ့ သင့်လျော်သောကာလမှာ ပုဒ်မ ၆၅နဲ့ ၆၆ပါ ပြဌာန်းချက်များနဲ့အညီ ဆောင်ရွက်သွားမှာ ဖြစ်ပါတယ်” ဟု ဦးစိုးမင်းက ပြောသည်။
မြန်မာနိုင်ငံတော်ဗဟိုဘဏ်ဥပဒေ ပုဒ်မ ၆၅တွင် “ဗဟိုဘဏ်သည် ငွေစက္ကူများနှင့် ဒင်္ဂါးများ၏ တန်ဖိုး၊ အဆင်အပြင် ဖွဲ့စည်းပါဝင်သည့် ဝတ္တုပစ္စည်းနှင့် အခြားခွဲခြားနိုင်သည့် လက္ခဏာများကို အစိုးရအဖွဲ့၏ သဘောတူညီချက်ဖြင့် သတ်မှတ်ရမည်” ဟု ပြဌာန်းထားသည်။
ပုဒ်မ ၆၆တွင်လည်း “ဗဟိုဘဏ်သည် မည်သည့်ငွေစက္ကူအမျိုးအစားကိုမဆို ပြောင်းလဲသုံးစွဲရန် လိုအပ်ပါက အစိုးရအဖွဲ့၏ သဘောတူညီချက်ဖြင့် ဆောင်ရွက်နိုင်သည်။ ယင်းဆောင်ရွက်ချက် အခြေအနေကို အနီးစပ်ဆုံးကျင်းပသည့် ပြည်ထောင်စုလွှတ်တော်အစည်းအဝေးသို့ တင်ပြ၍ အတည်ပြုချက် ရယူရမည်” ဟု ပြဌာန်းထားပါသည်။
သရက်မြို့နယ်၊ ပြည်သူ့လွှတ်တော်အမတ် ဦးကံမြင့်၏ "မြန်မာပြည်တစ်ဝန်းတွင် ကိုယ်တွယ်သုံးစွဲနေသော ငွေစက္ကူအမျိုးမျိုးပေါ်ရှိ ဆင်တံဆိပ်နှင့် ခြင်္သေ့တံဆိပ် ရုပ်ပုံများအစား အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ ရုပ်ပုံပါသော ငွေစက္ကူများဖြင့် အစားထိုးရိုက်နှိပ်ထုတ်ဝေသုံးစွဲရန် အစီအစဉ်ရှိ၊ မရှိ" လွှတ်တော်တွင် မေးမြန်းမှုအပေါ် ဗဟိုဘဏ် ဒုဥက္ကဌ ဦးစိုးမင်းက လာရောက်ဖြေကြားခဲ့ခြင်းဖြစ်သည်။
ငွေစက္ကူအသစ်ရိုက်နှိပ်မည်ဆိုပါက လှည့်လည်သုံးစွဲလျက်ရှိသည့် ငွေပမာဏကို လဲလှယ်ပေးနိုင်ဖို့အတွက် ရိုက်နှိပ်သိုလှောင်ထားရမည့်ငွေကြေးမှာ ဘီလီယံ ၃၀၀ခန့် ကုန်ကျမည်ဖြစ်ပြီး ငွေစက္ကူအဟောင်းများကိုလည်း ဖျက်ဆီးရမည် ဖြစ်သည်ဟု ဦးစိုးမင်းက ဆိုသည်။
No comments:
Post a Comment