ရခိုင်သယံဇာတနှင့် သဘာဝပတ်ဝန်းကျင်ဆိုင်ရာ ကွန်ရက်က ဦးဆောင် ပြီး ဆုံးရှုံးနေသော ရခိုင်သဘာဝ သယံဇာ ခွဲဝေ သုံးစွဲခွင့်ရရေးနှင့် မြေယာခွဲဝေ ပိုင်ဆိုင်ခွင့်ရရှိရေး အတွက် တောင်းဆိုသည့် ခရီးရှည် လူထု ချီတက်ပွဲ ယခုအခါ စတင်နေပြီ ဖြစ်သည်။
စစ်တွေ ၀င်္ကဘာကွင်းတွင် ယနေ့ နံနက် ၆ နာရီမှ စုဆုံပြီး ယခုအခါ လူပေါင်း ၁၀၀ ကျော်သည် စစ်တွေမြို့ထဲမှ စတင်ကာ စစ်တွေ- ရန်ကုန် ကားလမ်းမ အတိုင်း ချီတက်လာကြပြီ ဖြစ်သည်။ စစ်တွေမှ ကျောက်ဖြူထိ ချီတက်မည့် ယခု ခရီးစဉ်သည် ၇ ရက်ခန့် ကြာမြှင့်မည် ဖြစ်သည်။
ဝင်္ကဘာကွင်း တွင် ခရီးရှည် ချီတက်မည့်သူများ စုရုံးစဉ် ဦးဆောင်လူပ်ရှားသူများက ဟောပြောမှုများလည်း ပြုလုပ်ခဲ့ကြသည်ဟု သိရသည်။
ကြွေးကြော်သံများလည်း ကြွေးကြော်ကာ ရခိုင်ပြည်နယ် သဘာဝသယံဇာတနှင့် မြေယာ ခွဲဝေပိုင်ဆိုင်ခွင့် ရခိုင်လူထု ကိုယ်တိုင် စီမံပိုင်ခွင့်၊ ဆုံးဖြတ်ပိုင်ခွင့် ရရှိရေးကို တောင်းဆိုခဲ့ကြသည်ဟု သိရသည်။
No comments:
Post a Comment