ABC
မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF ကျောင်းသားတပ်မတော်က နိုင်ငံရေး တွေ့ဆုံမှုတွေ ဆက်တုိုက် ဖြစ်ပေါ်လာဖို့အတွက် ဝန်ကြီး ဦးအောင်မင်းဦးဆောင်တဲ့ မြန်မာအစိုးရရဲ့ ငြိမ်းချမ်းရေး ကိုယ်စားလှယ်အဖွဲ့နဲ့ ရန်ကုန်မြို့ ငြိမ်းချမ်းရေး စင်တာမှာ နှစ်ရက်ကြာ တွေ့ဆုံခဲ့ ပါတယ်။
ဒီဆွေးနွေးပွဲမှာ ABSDF အနေနဲ့ ငြိမ်းချမ်းရေးနဲ့ ပြန်လည်သင့်မြတ်ရေး မူအပေါ် ခြေခံပြီး ရည်ရွယ်ချက်တွေ ပေါက်မြောက်အောင်မြင်ဖို့အတွက် technical ကိစ္စတွေကို အဓိက ဆွေးနွေးခဲ့ကြောင်း ABSDF ဗဟိုဦးဆောင်ကော်မတီဝင်လည်းဖြစ် ABSDF ဆွေးနွေး ညှိနှိုင်းရေး အဖွဲ့ဝင် တစ်ဦးလည်းဖြစ်တဲ့ ဦးကျော်ကိုကို က အခုလို ပြောပါတယ်။
“ဒီဆွေးနွေးမှုပေါ်မှာတော့ ကျနော်တို့ ပိုမိုပွင့်လင်းရင်းနှီးမှုတွေ ကျနော်တို့ရှိလာတာ တွေ့ရတယ်၊ တဖက်မှာတော့ ဒီ နှစ်ရက်တာ ဆွေးနွေးမှုနဲ့ ပတ်သက်ပြီး ကျေနပ်အားရမှု ရှိကြတယ်၊ အထူးသဖြင့်ကတော့ ကျနော်တို့ ဒီ အပြစ်အခတ်ရပ်စဲရေး အပါအ၀င်ပေါ့နော် နှစ်ဖက် နုိုင်ငံရေး ကိစ္စတွေ ဆက်ဆွေးနွေးညှိနှိုင်း ပရောဆက် (process) တွေ ဆက်သယ်ဆောင် နုိုင်ဖို့အတွက် ကျနော်တို့ technical Level မှာ ကျနော်တို့ ညှိနှိုင်းကြတာပေါ့၊ အသေးစိတ်ကတော့ ကျနော်တို့ လောလောဆယ် သက်ဆိုင်ရာ တာဝန်ရှိသူတွေကို ပြန်တင်ပြမယ်၊ သူတို့ရဲ့ ဆုံးဖြတ်ချက်တွေနဲ့ ကျနော်တို့ ရှေ့ခရီးကို ဆက်ကြရမယ်။”
မြန်မာနုိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF ကျောင်းသားတပ်မတော်ဟာ ၀န်ကြီး ဦးအောင်မင်းနဲ့ ၃ ကြိမ်မြောက်တွေ့ဆုံတာ ဖြစ်ပြီး ABSDF ရဲ့ အဖွဲ့ကိုတော့ ဦးဆန်နီက ဦးဆောင် တွေ့ဆုံတာ ဖြစ်ပါတယ်။
နှစ်ပေါင်း ၂၅ နှစ်လောက် မြန်မာအစိုးရကို လက်နက်ကိုင် တော်လှန်နေခဲ့တဲ့ မြန်မာနုိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး ABSDF ကျောင်းသားတပ်မတော်နဲ့ မြန်မာအစိုးရတို့ကြားမှာ ငြိမ်းချမ်းရေးဆက်လက်ဆွေးနွေးသွားဖို့ သဘောတူခဲ့ကြတယ်လို့ သိရကြောင်း ရေဒီယို သြစတေးလျ သတင်းထောက် သန်းကျော်စိုး က သတင်းပေးပို့ထားပါတယ်။
No comments:
Post a Comment