ဤသို့ကြောင့် နိုင်ငံခြား ခရီးသည်များ ကြိုက်နှစ် သက်သော ကယား ပြည်နယ်၏ အထင်ကရ နေရာ များတွင် အပမ်းဖြေ စခန်းများ တည်ဆောက်ရန် ဖြစ်လာ ခဲ့ပါသည်။ အထူး သဖြင့် ကယားပြည်နယ် ဒီမောဆိုး မြို့နယ်တွင် ရှိသော လှပသည့် ကန်ခုနှစ်ဆင့် အလှနေရာ၌ အပမ်းဖြေစခန်း တည်ဆောက်ခြင်း အားဖြင့် မြန်မာ နိုင်ငံ၏ ခရီးသွား လာရေး လုပ်ငန်းကို အထောက် အကူ ပြုစေမည် ဖြစ်ပါသည်။
ယင်းကန်ခုနှစ်ဆင့် ဧရိယာသည် ကယားပြည်နယ် ဒီမောဆိုးမြို့နယ်တွင် ရှိပြီး လွိုင်ကော်မြို့နှင့် (၁၄) မိုင်ခန့် ကွာဝေးပါသည်။ ထူးခြားချက်မှာ ယင်းနေရာ၌ သဘာဝ အလျှောက် တည်ရှိနေသော ထူးခြားရေကန် (၁၄) ကန် ရှိပါသည်။ ဤနေရာတွင် ယခင်က ကရင်နီ အမျိုးသား တိုးတက်ရေး ပါတီ (KNPP) ၏ လှုပ်ရှား ဧရိယာဖြစ်သဖြင့် မငြိမ်းချမ်းသော နယ်မြေ အဖြစ် သတ်မှတ် ထားရာမှ (၂၀၁၂) ခုနှစ်တွင် အစိုးရနှင့် KNPP တို့ အပစ်အခတ် ရပ်စဲခဲ့ပါသည်။
ပြည်နယ် အစိုးရသည် ဤကန်ခုနှစ်ဆင့် နေရာကို ပြည်တွင်းပြည်ပ ခရီးသွားများ အနားယူ အပမ်းဖြေသည့် အပမ်းဖြေ စခန်း တည်ဆောက်ရန် ပြီးခဲ့သည့် ဖေဖေါ်ဝါရီလ ကတည်းက စတင် တည်ဆောက် ခဲ့ပါသည်။
“ ပြည်နယ် ၀န်ကြီးချုပ် ကိုယ်တိုင် အဲဒီနေရာကို သွားကြည့်တယ်။ ခရီးသွား လုပ်ငန်း အပမ်းဖြေစခန်း လုပ်မယ်တဲ့၊ သူနဲ့ပြီးခဲ့တဲ့ ဧပြီလ (၁၅) ရက်နေ့က သူ့အိမ်မှာ သွားတွေ့တုန်းက မေးဖြစ်ခဲ့တယ်။ အဲဒီ အစီစဉ်ကိုပေါ့လေ။ ပြည်နယ် အစိုးရ အနေနဲ့ ဆုံးဖြတ်ထားပြီး အထက်ကလည်း သဘော တူထားပြီးပြီးတဲ့ အဲဒီလိုပြောပါတယ်” ဟု ကရင်နီ အမျိုးသား တိုးတက်ရေး ပါတီ (KNPP) အတွင်းရေးမှူး (၁) ဖြစ်သူ ခူးဦးရယ်က ဆိုပါသည်။
ကန်ခုနှစ်ဆင့် ဆိုသည်မှာ ကယားပြည်နယ် ကရင်နီ သမိုင်းအရ ကညာမော်ဟုခေါ်ပါသည်။ ဗမာများက ဒွေးမယ်နော် ညီအစ်မ ခုနှစ်ဖေါ်တို့ စံပျော်ရာ နေရာဟု ခေါ်ကြပါသည်။ ပြည်နယ် ၀န်ကြီးချုပ်ကတော့ -
“ရေကန် ခုနှစ်ကန် ရှိတဲ့ နေရာမှာ ကျေးရွာ တွေလဲ ရှိတယ်။ သဘာဝ အလျောက် ရှိနေတဲ့ နေရာတခုဆိုတော့ ဒီကန်တွေ ကို အလှအပတွေနဲ့ ဆင်လိုက်ယင် အပင်တွေ စိုက်လိုက်ယင် လူတွေ လည်ပတ် စရာ အပန်းဖြေ စရာ နေရာတော့ ဖြစ် သွားတာပေါ့။ ကျနော် ကိုယ်တိုင်က အဲသလို လုပ်ဖို့ စိတ်ကူး ခဲ့တာပါ” ဟု ဆိုခဲ့ပါသည်။
ကန်ခုနှစ်ရဲ့ ထူးခြားချက်က ကန်ရေကိုယ်၌က ကြာပွင့်ပုံဖြစ်နေပါတယ်။
ဤအစီစဉ် မျိုးအတွက် KNPP ဖက်မှ တိကျသော ပေါ်လစီ မရှိခဲ့ သော်လည်း ဒေသခံများ၏ သဘော ဆန္ဒကို ရယူရန်လို အပ်သည်ဟု KNPP ဖက်မှ သဘောထားကြောင်း ဆိုပါသည်။ ဤဒေသမှပြည်သူများသည်၊ ထိုနေရာကို အပမ်းဖြေ စခန်းအဖြစ် တည်ဆောက်ပါက အကျိုးအမြတ် ရရှိရေးထက် သွားလည်ရေး ကျဉ်းကြပ်သွားမည်ကို စိုးရိမ်ဖွယ်ရှိနေ ကြောင်း သုံးသပ်နေကြပါသည်။ ခရီးသည်လုံခြုံရေးများ၊ ကန့်သတ်နယ်မြေများ ဖန်တီးမှု၊ အ၀င်အထွက် စစ်ဆေးမှုများ ၊ လိုအပ်ပါက ကျေးရွာပြောင်းရွှေ့မှုများ ရှိလာခဲ့လျှင် ဒေသခံများ၏ လွတ်လပ်မှုများ ကန့်သတ်ခံရဖွယ် ရှိနေပါသည်။ ဤအတွက်ဒေသခံများက စိုးရိမ်အကြောက်ကြံ့ဆုံးသော အကြောင်းအရာများ ဖြစ်နေသည်ဟု ဒေသခံ များက ဆိုပါသည်။
“စနစ်တကျ ခရီးသွားလုပ်ငန်းကို ဖော်ဆောင်နိုင်တယ်၊ ရရှိလာတဲ့ ၀င်ငွေ တွေဟာ ပြည်နယ်ကဘဲ ရယူခွင့် ရှိတယ် ဆို ရင်ပြီးတော့ ပြည်နယ် အစိုးရကလဲ ဒေသခံ ပြည်သူတွေရဲ့ အကျိုးကို တကယ်ဘဲ ရည်ရွယ်တယ် ဆိုရင်တော့ အနီးဝန်း ကျင်မှာ ရှိတဲ့ လူထုတင် မကပါဘူး၊ တခြား ပြည်နယ် တွေအတွက် ဖွံ့ဖြိုးရေး လုပ်ငန်းတွေပါ အကျိုးရှိ နိုင်ပါတယ်။ ဒါပေမဲ့ အခုေ ပြောင်းလဲနေတဲ့ အခြေအနေ တွေဟာ တကယ်ရော ယုံကြည် စိတ်ချ ရပါ့မလား ဆိုတာ မသဲကွဲ သေးပါဘူးဟု” ခူ ဦးရယ်က သုံးသပ်ပါသည်။
စိုးရိမ်စရာ ဖြစ်နေသည့် လက်ရှိ အခြေအနေ များမှာ ကန်ခုနှစ်ဆင့် အပမ်းဖြေစခန်း စီမံကိန်းကြောင့် အနီး ပတ်ဝန်းကျင်မှ မြေကွက်များ ဈေးကြီးပေးပြီး ၀ယ်ယူ နေကြ ပါသည်။ ဤသို့ကြောင့် ဆင်းရဲသော ကရင်နီ ဒေသခံများ ထွက်ပေး ရမလို ဖြစ်နေ ပါသည်။ ဤနေရာတွင် စဉ်းစားစရာ ဖြစ်လာ ခဲ့သည်မှာ ဒေသခံ များ၏ နဂို မူလ သဘာဝ အနှစ် သာရများ မရှိပါ လျှင် ကန်ခုနှစ်ဆင့်ကို ၀ိုင်းရံ ထားသော လူ့သဘာဝ အလှများ ကွယ်ပျောက် နိုင်ပါသည်။ သို့ဖြင့် အကောင်းဆုံး ဖြစ်သင့် သည်မှာ ဒေသခံတို့၏ သဘာဝအတိုင်း အပမ်းဖြေ စခန်း ဆောက်ရန် ဖြစ်သင့်သည်ဟု ပြည်နယ် ၀န်ကြီးချုပ်အား ဒေသခံ များက အဆိုပြု ထားပါသည်။
ငွေတောင်ဆည်မှ ကိန္နရာ အလှသည် ကယားပြည်နယ်၏ ဂုဏ်ကျက်သရေ သမိုင်းကြောင်းကို ဖေါ်ကြူး ခဲ့ခြင်း ဖြစ်သလို ကယားပြည်နယ်၏ တောတောင်စိမ့်စမ်း သဘာဝ အလှအပ များကို ဖေါ်ကြူးရာလည်း ရောက်ပါသည်။ ကန်ခုနှစ်ဆင့် ၏ထူးခြားသော ကန်ရေမှ သဘာဝရေပန်းများ၊ ရေပွင့်များနှင့် တောတောင် အနေအထားများသည် ပတ်ဝန်း ကျင်ရှိလူ ထုများ၏ ရိုးရာများနှင့် ပဏာ သင့်လှပါသည်။
နိုင်ငံ၏ ခရီးသွား လုပ်ငန်း ဆိုရာတွင်လည်း မိမိတို့နိုင်ငံ၏ သဘာဝ အလှများ၊ ထူးခြားချက်များ၊ စိတ်ဝင်စားရာများကို နိုင်ငံတကာ ခရီးသွားများအား ဖိတ်ခေါ်ပြသခြင်း ဖြစ်ပါသည်။ ဤသို့ကြောင့် မူလရှိနေသော သယံဇာတ အလှများဖြင့် ဝေဆာသင့်လှပါ၏ (မတတ်တော့ခက်ပြင်များပျက်) ဆိုသလို မွမ်းမံမှုများသည် နေရာတိုင်းတွင် မလိုအပ်သလို မွမ်းမံ ခြင်းအရသာ ကိုယ်၌တွင် ရှိနေသည့် အခြေအနေများကို မပျက်စီးစေဘဲ တခြားအရာများ၌ ပေါင်းစပ်ပေးစေခြင်းလည်း မွမ်းမခြင်း အဓိပါယ် သက်ရောက် ခွင့်ရှိပါသည်။
ဤနည်းဖြင့် သဘာဝအရ မွမ်းမံထားခြင်းသည် နိုင်ငံခြား ခရီးသွားများအတွက် စိတ်ဝင်စားရာဖြစ်သလို ခေတ်နောက် ကျပြီး ဗဟုသုတ နည်းပါးသော ဆင်းရဲသည့် ဒေသခံများ တိုးတက်စေကြောင်းအတွက် အထောက်အကူ ဖြစ်စေပါ သည်။
“ စိုးရိမ်စရာ အကောင်းဆုံးက ဒေသခံတွေရဲ့ အကျိုးစီးပွား ထိခိုက်မှာ စိုးပါတယ်။ သူတို့ရဲ့ အမြင်၊ သူတို့ရဲ့ လိုအပ် မှုတွေ၊ သူတို့ရဲ့ အသိတွေကို မြင့်တင်ပေးဖို့ လုပ်ဆောင် စေချင် ပါတယ်။ ပြီးတော့ သူတို့ရဲ့ အခွင့်အရေးကို တွေပေါ့ လေးစား စေချင်ပါတယ်။ စိုးရိမ် ရတဲ့ အကြောင်း ကတော့ အာဏာပိုင် တွေဟာ ဒေသခံ တွေရဲ့ အမြင်၊ ဆန္ဒ တွေကို လျစ်လျူ ရှူ့ခဲ့ တာဘဲ ရှိပါတယ် ” ဒေသခံ ပြည်သူတဦးက ဆိုပါသည်။
လူတို့၏ သဘော သဘာဝအရ ယင်းတို့၏ သမိုင်း အစဉ်အလာအပေါ်၌ အယူသီးမှုများ ကြီးမားစွာ စွဲလမ်းတတ်ပါ သည်။ ဤသည်လည်း ၄င်းတို့၏ အခွင့်အရေး တရပ်ဖြစ်ပါသည်။ အများအားဖြင့် တိုးတက်မှုများ လိုလားတတ်ကြ သော်လည်း သမိုင်းအစဉ်အလာနှင့် တည်ရှိလာခဲ့သော သဘာဝများကို သဘာဝအတိုင်းဘဲ ရှိနေစေချင်ကြမှာ တိုးတက်မှု တရပ်သာ ဖြစ်ပါကြောင်း အဆိုပြု ချင်ပါသည်။
နယ်ခံ မဟုတ်သော လူများအတွက် သဘာဝ ခံစားမှုမရှိသော်လည်း နယ်ခံများအတွက် အလွန်အရေးကြီးသော အဓိက အစိတ် အပိုင်း ဖြစ်နေ သည်မှာ ဝေဖန်စရာ မရှိကြောင်း တင်ပြ ချင်ပါသည်။
ဤသို့ကြောင့် မြန်မာနိုင်ငံ၏ ခရီးသွား လုပ်ငန်းသည် မြန်မာ နိုင်ငံ၏ သဘာဝ တရားဖြင့် အောင်ပန်း ဆင်ရန် ရှိနေမည် ဖြစ်သည်။ ကယား ပြည်နယ်၏ ခရီးသွား လုပ်ငန်း သည်လည်း ကယား တို့၏ ငွေတောင်ဆည် သဘာဝ အလှများက အောင်ပန်း ဆင်မြန်း ပေးလိမ့်မည် ဖြစ်ပါသည်။
No comments:
Post a Comment