စိုးသန်းလင်း
လစဉ်ချီးမြှင့်ငွေ ကျပ်သုံးသိန်းခံစားနေကြရသည့် လွှတ်တော်ကိုယ်စားလှယ်များကို ၎င်းတို့၏လုပ်ငန်းတာဝန်များနှင့် ထိုက်တန်စွာ လိုက်လျောညီထွေရှိစေရန် ဥပဒေပြင်ဆင်သွားမည်ဟု ပြည်သူ့လွှတ်တော် ဒဿမပုံမှန်အစည်းဝေးက မေလ ၂၈ရက်က အတည်ပြုခဲ့သည်။
"လွှတ်တော်ကိုယ်စားလှယ်များရဲ့ ဆွေးနွေးချက်တွေအရ ချီးမြှင့်ငွေ(လစာ)နဲ့ အသုံးစရိတ်တွေကို လွှတ်တော်တွင် သက်ဆိုင်ရာ လွှတ်တော်ကော်မတီတွေနဲ့ ညှိနှိုင်းဆွေးနွေးပြီး ဆက်လက်ဆောင်ရွက်သွားပါ့မယ်။ ဒီကိစ္စတွေဟာ လွှတ်တော်အခွင့်အရေး ကိစ္စသာ မဟုတ်ဘဲ နိုင်ငံအတွက်ပါ ဖြစ်တယ်ဆိုတာနဲ့ပတ်သက်ပြီး ဆက်လက် ဆောင်ရွက်မှာဖြစ်ပါတယ်။ လွှတ်တော်အခွင့်အရေးကော်မတီရဲ့ အစီရင်ခံစာကို ယနေ့အစည်းအဝေးက မှတ်တမ်းတင်အတည်ပြုလိုက်ပါတယ်" ဟု ပြည်သူ့လွှတ်တော်ဥက္ကဋ္ဌ သူရဦးရွှေမန်းက ပြောသည်။
ပြည်သူ့လွှတ်တော် အခွင့်အရေးကော်မတီ၏ အစီရင်ခံစာ၌ "လွှတ်တော်ကိုယ်စားလှယ်များသည် တစ်နှစ်လျှင် ခုနှစ်လမှ ရှစ်လခန့် လွှတ်တော် အစည်းအဝေးများ တက်ရောက်ခြင်းနှင့် လွှတ်တော်ကော်မတီဆိုင်ရာ လုပ်ငန်းများကို နေပြည်တော်တွင် လာရောက်ဆောင်ရွက်ကြရကြောင်း၊ ကျန်လွှတ်တော်ပြင်ပ အချိန်များတွင်လည်း မိမိတို့၏ မဲဆန္ဒနယ်ကိစ္စများကို ဆောင်ရွက်ရကြောင်း၊ အဆိုပါတာဝန်များကို မအားမလပ် ဆောင်ရွက်နေရသော်လည်း ခံစားခွင့်ရရှိသော လစာ၊ ချီးမြှင့်ငွေနှင့် စရိတ်လုံလောက်မှုလည်းမရှိဘဲ နည်းပါးလှသည်ဟု လွှတ်တော် ကိုယ်စားလှယ်အများစုက ဝေဖန်ပြောကြားလျက်ရှိနေပြီး လွှတ်တော်အခွင့်အရေးကော်မတီသို့ တင်ပြဆွေးနွေးမှုများရှိနေကြောင်း၊ ထို့ကြောင့် လွှတ်တော် ကိုယ်စားလှယ်များ၏ အကြံပြု ဆွေးနွေးချက်များအပေါ် ပြည်သူလွှတ်တော်၏ သဘောတူညီချက်ရရှိပါက ဥပဒေကြမ်း ပူးပေါင်းကော်မတီနှင့် ပူးပေါင်းပြီး ဥပဒေ ပြင်ဆင်ဆောင်ရွက်ပေးမည်ဖြစ်ကြောင်း ဖော်ပြပါရှိသည်။
No comments:
Post a Comment