စာနယ်ဇင်း လွတ်လပ်ခွင့်တွေမှာ ကန့်သတ်မှုတွေ တွေ့နေရသလို အခြေခံလူ့အခွင့်အရေး ချိုးဖောက်မှုတွေရှိနေပြီး တိုင်းရင်းသားဒေသတွေမှာ တရားမဝင် သတ်ဖြတ်မှုတွေ၊ အတင်းအဓမ္မ ပြုကျင့်မှုတွေနဲ့ ခိုင်းစေမှုတွေ ရှိနေတုန်းပဲလို့လည်း ပြောသွားခဲ့ပါတယ်။
နိုင်ငံရေး အကျဉ်းသားတွေ လွတ်ပေးတာတွေ ရှိပေမယ့် လွတ်မြောက်လာသူတွေအပေါ် ကန့်သတ်ချုပ်ချယ်မှု လုပ်တာတွေအပြင် သတင်းသမားတွေ အဖမ်းခံရတာတွေနဲ့ ကိုပါကြီး ခေါ် အောင်ကျော်နိုင် အဓိပ္ပာယ်မဲ့ သေဆုံးရတာတွေ ရှိနေဆဲပဲလို့လည်း ပြောသွားခဲ့ပါတယ်။
ရိုဟင်ဂျာအရေးနဲ့ မွတ်စလင်တွေအပေါ် ခွဲခြားဆက်ဆံမှုတွေလည်း ရှိနေတဲ့အတွက် မြန်မာအစိုးရအနေနဲ့ အားလုံး ကောင်းမွန်စွာ နေထိုင်နိုင်အောင် လုပ်ဆောင်ပေးဖို့ အရေးကြီးတယ်လို့ ပြောပါတယ်။
မြန်မာနိုင်ငံရဲ့ ရွေးကောက်ပွဲက တရားမျှတ လွတ်လပ်မှု ရှိမယ်လို့ ယုံကြည်ပါသလားလို့ မေးရာမှာတော့ သမ္မတ အိုဘားမားက မဖြစ်သေးတဲ့ အကြောင်းအရာတစ်ခု အပေါ် ခန့်မှန်းမပြောလိုပေမယ့် မြန်မာနိုင်ငံရဲ့ ရွေးကောက်ပွဲကို အမေရိကန်က အနီးကပ် စောင့်ကြည့်နေတယ်လို့ ပြောပါတယ်။
ရွေးကောက်ပွဲမှာ ဒီမိုကရေစီအတွက် အရေးကြီးပေမယ့် ရွေးကောက်ပွဲရှိတာနဲ့ ဒီမိုကရေစီ ရှိပြီလို့ မဆိုနိုင်ကြောင်း ပြောပါတယ်။
ရွေးကောက်ပွဲဟာ မြန်မာပြည်သူတွေရဲ့ အနာဂတ်နဲ့ဆိုင်တဲ့အတွက် မြန်မာပြည်သူတွေကသာ ကိုယ့်အနာဂတ်ကို ဆုံးဖြတ်ပိုင်ခွင့်ရှိပြီး အမေရိကန်က ဆုံးဖြတ်ပေးရမှာ မဟုတ်ဘူးလို့ ပြောပါတယ်။
သမ္မတ အိုဘားမားဟာ မနက်ဖြန်ကျရင် ဒေါ်အောင်ဆန်းစုကြည်နဲ့ တွေ့ဆုံမှာ ဖြစ်တဲ့အတွက် အဲဒီ တွေ့ဆုံမှုအတွင်း ဖွဲ့စည်းပုံ အခြေခံ ဥပဒေပြောင်းလဲရေးအပေါ် ဒေါ်အောင်ဆန်းစုကြည်ရဲ့ အမြင်တွေကို သိလိုတယ်လို့ ဆိုပါတယ်။
ဒါ့အပြင် လာမယ့်နှစ်မှာ ကျင်းပမယ့် ရွေးကောက်ပွဲနဲ့ ပတ်သက်တဲ့ ဒေါ်အောင်ဆန်းစုကြည်ရဲ့ အမြင်တွေအပြင် ဒီရွေးကောက်ပွဲဟာ စစ်မှန်တဲ့ ရွေးကောက်ပွဲ၊ ပွင့်လင်းမြင်သာတဲ့ ရွေးကောက်ပွဲနဲ့ အားလုံးပါဝင်နိုင်တဲ့ ရွေးကောက်ပွဲ ဖြစ်အောင် နိုင်ငံတကာအနေနဲ့ ဘယ်လို အကူအညီ ပေးနိုင်မလဲ ဆိုတဲ့အကြောင်းတွေကို ဒေါ်အောင်ဆန်းစုကြည်ကို မေးမြန်းသွားမယ်လို့ ဧရာဝတီသတင်းဌာနကို ပြောကြားခဲ့ပါတယ်။
No comments:
Post a Comment