မြန်မာနိုင်ငံမှာ ကျင်းပမယ့် အာဆီယံ အစည်းအဝေးအပြီးမှာပဲ နောက်ထပ် အမေရိကန်၊ ဂျပန်၊ တရုတ် အစရှိတဲ့ နိုင်ငံတွေ ပါဝင်တဲ့ အစည်းအဝေးလည်း ရှိတဲ့အတွက် အဲဒီ အစည်းအဝေးကို တက်ရောက်မှာ ဖြစ်ပါတယ်။
မြန်မာနိုင်ငံ ခရီးစဉ်အတွင်း မြန်မာနိုင်ငံရဲ့ နိုင်ငံရေး အသွင်ကူးပြောင်းမှုအကြောင်းကို အတွင်းရေးမှူးချုပ် ဘန်ကီမွန်းက ဆွေးနွေးဖို့ရှိတယ်လို့ ပြောခွင့်ရသူ Stephane Dujarric က ပြောပါတယ်။ ဒါ့အပြင် ရိုဟင်ဂျာအရေးကိုလည်း ဆွေးနွေးဖို့ ရှိတယ်လို့ သူက ပြောပါတယ်။
မြန်မာနိုင်ငံ နေပြည်တော်မှာ ကျင်းပတဲ့ အစည်းအဝေးကို တက်ရောက်ပြီးတဲ့နောက် ဘန်ကီမွန်းဟာ သြစတြေးလျနိုင်ငံမှာ ကျင်းပမယ့် စက်မှုထိပ်သီးနိုင်ငံများ G-20 အစည်းအဝေးကို တက်ရောက်ပြီး နိုဝင်ဘာလ ၁၇ ရက်နေ့မှ နယူးယောက်မြို့ကို ပြန်သွားမှာ ဖြစ်ကြောင်း ကျိုဒိုး သတင်းမှာ ဖော်ပြထားပါတယ်။
တခြား ကမ္ဘာ့ခေါင်းဆောင်တွေလည်း မြန်မာနိုင်ငံကို လာဖို့ရှိ
ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းက မြန်မာနိုင်ငံကို လာရောက်မှာ ဖြစ်သလို အမေရိကန် သမ္မတ အိုဘားမား၊ သြစတြေးလျ ဝန်ကြီးချုပ် တိုနီအာဘော့တ်၊ အိန္ဒိယ နိုင်ငံခေါင်းဆောင်၊ ဂျပန်နဲ့ တရုတ် နိုင်ငံ ခေါင်းဆောင်တွေလည်း လာရောက်ဖို့ ရှိပါတယ်။
အမေရိကန် သမ္မတ ဘာရက်အိုဘားမားက အခုလောလောဆယ် တရုတ်နိုင်ငံကို ရောက်ရှိနေပြီး တရုတ်နိုင်ငံ ခရီးစဉ်အတွင်း APEC လို့ခေါ်တဲ့ အာဖပစိဖိတ် ကုန်သွယ်စီးပွားပူးပေါင်းရေးဆိုင်ရာ အစည်းအဝေးကို တက်ရောက်ဖို့ရှိသလို တရုတ်သမ္မတ ရှီကျင်ပင်းနဲ့လည်း တွေ့ဆုံဖို့ ရှိပါတယ်။
ကမ္ဘာ့ အင်အားကြီး နှစ်နိုင်ငံ ခေါင်းဆောင်ရဲ့ တွေ့ဆုံမှုအတွင်း ပွင့်ပွင့်လင်းလင်း ဆွေးနွေးမှုလုပ်ဖို့ ရှိတယ်လို့ အိမ်ဖြူတော်က ပြောပါတယ်။
တရုတ်နဲ့ အမေရိကန်အကြား တောင်တရုတ်ပင်လယ် ပိုင်ဆိုင်မှုနဲ့ ပတ်သက်ပြီး တင်းမာမှုတွေ ရှိခဲ့သလို ကွန်ပြူတာကနေတဆင့် တစ်ဦးကို တစ်ဦး ထောက်လှမ်းနေတာတွေနဲ့ လူ့အခွင့်အရေး ကိစ္စတွေမှာလည်း တင်းမာမှု ဖြစ်နေပါတယ်။
အဲဒီနောက်မှာတော့ အမေရိကန် သမ္မတ ဘာရက်အိုဘားမားက မြန်မာနိုင်ငံကို လာပြီး သမ္မတ ဦးသိန်းစိန်အပြင် ဒေါ်အောင်ဆန်းစုကြည်နဲ့လည်း တွေ့ဆုံဖို့ ရှိပါတယ်။
မြန်မာနိုင်ငံ ခရီးစဉ်အတွင်း ရိုဟင်ဂျာအပြင် ခရစ်ယာန်နဲ့ တခြားလူနည်းစု ဘာသာဝင် တွေကိုလည်း တွေ့ဆုံဖို့ အမေရိကန်ရဲ့ နိုင်ငံတကာဆိုင်ရာ ဘာသာရေးလွတ်လပ်မှု ကော်မရှင်က အိုဘားမားကို တောင်းဆိုထားပါတယ်။
မြန်မာ ခရီးစဉ်အပြီးမှာတော့ အိုဘားမားဟာ သြစတြေးလျနိုင်ငံကို လာပြီး G-20 အစည်းအဝေး တက်ရောက်ဖို့ ရှိပါတယ်။
No comments:
Post a Comment