“RSO အဖွဲ့ဝင် တစ်ချို့ ဝင်လာတယ်လို့ သတင်းရတဲ့ အတွက် ကျွန်တော်တို့ နယ်မြေထဲမှာ ပြည်သူကိုအကြောင်းကြားထားတာပါ၊ မနေ့က ကြေငြာစာတွေ ကိုလည်း မနေ့က စကပ်ထားပါတယ်” ဟု ၎င်းကပြောသည်။
မော်လမြိုင်ရဲတပ်ဖွဲ့၏ ကြေငြာစာတွင် RSO ဖောက်ခွဲရေးသမားလေးဦးဟု ဓာတ်ပုံနှင့်တကွ ဖော်ပြထားပြီး သန်းဝင်း (အဖွဲ့ခေါင်းဆောင် ပြည်တွင်းလှုပ်ရှားရေး တာဝန်ခံ)၊ အိုစမာ (ခ) ဒါပတ် (အဖွဲ့ဝင် မြန်မာနိုင်ငံဆိုင်ရာ တာဝန်ခံ)၊ အာဇတ်(ခ) အမင်း (အဖွဲ့ဝင် အစ္စလာမ်မစ် စစ်သွေးကြွတိုက်ခိုက်ရေး သင်တန်းဆင်း၊ အီစမိုင်(ခ)ဇော်ဝင်း (အဖွဲ့ဝင် အစ္စလာမ်စစ်သွေးကြွ တိုက်ခိုက်ရေးသမား) ဟုဖော်ပြထားသည်။
RSO ရိုဟင်ဂျာ စစ်သွေးကြွ အဖွဲ့သည် ရခိုင်ပြည်နယ်နှင့် ဘင်္ဂလားဒေ့ရ်ှနယ်စပ်တွင် အခြေစိုက်သည်ဟု ဆိုကာ ရခိုင်ပြည်နယ်တွင် နယ်စပ်လုံခြုံရေးများ တင်းကြပ်စွာချ ထားသည်။
ယင်းအဖွဲ့သည် စက်တင်ဘာလ အတွင်းက KIA စစ်ဦးစီးချုပ် ဗိုလ်ချုပ် ဂွမ်မော်နှင့် ပြည်ပတွင် အလွတ်သဘော တွေ့ဆုံ၍ ယင်းအဖွဲ့ကို စစ်ရေးလေ့ကျင့် မှုများ ပြုလုပ်ပေးရန် တောင်းဆိုခဲ့ပြီး ဗိုလ်ချုပ်ဂွမ်မော်က ငြင်းဆိုခဲ့သည်။
No comments:
Post a Comment