ယခုလ ၂၂ ရက်နေ့တွင် ကျင်းပတော့မည့် ဒုတိယအကြိမ် ပြည်ထောင်စုလွှတ်တော်ပုံမှန် အစည်းအဝေး၌ ချင်းပြည်နယ်ရှိ အဖိုးတန်သစ်မှ ရရှိမည့် ဘဏ္ဍာငွေများဆုံးရှူံးနေရသည့် အဆိုတရပ်ကို ချင်းတိုးတက်ရေးပါတီက တင်သွင်းမည်ဟု ကြားသိရသည်။ “ကျနော်တို့ ချင်းပြည်နယ်ကထွက်တဲ့ သစ်တွေကိုစစ်ကိုင်းတိုင်း၊မကွေးတိုင်းနဲ့ ရခိုင်ပြည်နယ် စစ်တွေမြို့ကနေ ထုတ်ယူ နေတဲ့ ဟာတွေနဲ့ပတ်သက်ပြီး သက်သေ အထောက်အထားတွေနဲ့ တင်ပြမှာပါ’’ ဟု ချင်းတိုးတက်ရေးပါတီ၏ တွဲဖက်အထွေထွေအတွင်းရေးမှူး ဦးရှိန်ထွန်းက ပြောသည်။
ချင်းပြည်နယ်တောင်ပိုင်း ပလက်ဝမြို့နယ်ရှိ သစ်တောများကိုရခိုင်ပြည်နယ်မှလည်းကောင်း၊ မင်းတပ်နှင့် ကန်ပက်လက်မှ သစ်တောများကိုမကွေးတိုင်းမှ လည်းကောင်း၊ ချင်းပြည်နယ်အထက်ပိုင်း တီးတီန်နှင့်တွန်းဇံမြို့နယ်မှထွက်ရှိသော သစ်တောများကို စစ်ကိုင်းတိုင်းမှလည်းကောင်းအသီးသီး ထုတ်ယူနေ ကြသည်။
ချင်းပြည်နယ်တွင် အဖိုးတန်သစ်တောအမြောက်အများထွက်ရှိနေသော်လည်းအများစုကို အခြားပြည်နယ်နှင့် တိုင်းများမှ ထုတ်ယူသွားသည့်အတွက်ပြည်နယ် အတွက် သစ်တောမှရရှိမည့် ဘဏ္ဍာငွေများ ဆုံးရှုံးနေရသည်ဟုဦးရှိန်ထွန်းက ပြောသည်။
“ချင်းပြည်နယ်က သစ်တောတွေဖြစ်ပေမယ့် အဲဒီကရတဲ့ ၀င်ငွေကိုချင်းပြည်နယ်မှာမ၀င်ဘဲ မကွေးတိုင်း၊ စစ် ကိုင်းတိုင်းတို့မှာဝင်ဝင်သွားတာလေ…ဒါကြောင့် သူတို့ GDP (ကုန်ထုတ်လုပ်မှု ပမာဏ) ကမြင့်မြင့်သွား တာပေါ့’’ ဟုသူကပြောသည်။
ထို့ကြောင့် သစ်ထုတ်ယူခွင့်ကိစ္စကို ချင်းပြည်နယ်အစိုးရ၏စီမံခန့်ခွဲမှုအောက်တွင်သာ ထားရှိနိုင်ရေးအတွက် ပြည်ထောင်စုလွှတ်တော်အစည်းအဝေးသို့ တင်ပြရန် ယခုကဲ့သို့ စီစဉ်နေကြခြင်းဖြစ်သည်။
ချင်းပြည်နယ်အစိုးရ၊ သစ်တောဝန်ကြီး ဦးကျော်ငြိမ်းက အဆိုပါကိစ္စကိုပြည်နယ်အစိုးရသို့ တင်ပြခဲ့ဖူးသော်လည်း မည်သို့မျှ ထူးခြားမလာခဲ့ဟုသူကဆက်ပြော သည်။ ပြည်နယ် သစ်တောဝန်ကြီး ဦးကျော်ငြိမ်းမှာချင်းတိုးတက်ရေးပါတီမှ ဖြစ်သည်။
ယခုတင်ပြမည့် ကိစ္စကို နိုင်ငံတော်အစိုးရမှ ခွင့်ပြုမည်ဆိုပါကချင်းပြည်နယ်အနေဖြင့် ဗဟိုအစိုးရအား မှီခိုစရာမလိုဘဲ မိမိဘာသာရပ်တည်နိုင်မည့်အနေအထား ရှိသည်ဟု ဆိုသည်။
ချင်းပြည်သူအများစုသည် ချင်းပြည်နယ်တွင် အဖိုးတန်သယံဇာတများ ထွက်ရှိမှုမရှိဟု ပြောဆိုနေကြသော်လည်း အမှန်အားဖြင့် ချင်းပြည်နယ်တွင်အဖိုးတန် သစ်တော အမြောက်အများ ရှိနေသည်ဟု ဦးရှိန်ထွန်း က ဆက်ပြောသည်။
ချင်းပြည်နယ်တွင် ကျွန်း၊ ပိတောက်၊ အင်ကြင်း၊ ထင်းရှူးနှင့် သစ်ရာပင်များအဓိက ထွက်ရှိသည်။
ချင်းပြည်နယ်မှ ထွက်ရှိသည့် အဖိုးတန်သစ်များကို သစ်မှောင်ခိုတွေက တဖက်အိန္ဒိယနိုင်ငံအရှေ့မြောက်ဒေသသို့ ခိုးထုတ်နေကြောင်း လည်း ကြားသိရသည်။
ချင်းတိုးတက်ရေးပါတီအနေဖြင့် လာမည့် လွှတ်တော်၌ တင်သွင်းမည့်အဆိုများနှင့် ပတ်သက်၍ သြဂုတ် ၄ ရက်နေ့ တွင် ပါတီ အစည်းအဝေးကျင်း ပရန်ရှိသည်။
No comments:
Post a Comment