သြဂတ်စ်လ ၂၁ ရက်နေ့မှ ၂၅ ရက်နေ့ထိ မြန်မာ နိုင်ငံကို လာရောက် လည်ပတ် ခဲ့သော မြန်မာ နိုင်ငံ ဆိုင်ရာ လူ့အခွင့် အရေး အရာရှိ သောမတ်စ် အိုဟေး ကွင်တားနား အား ၂၁ နှစ် ကာလ အတွင်း မုဒိမ်း မူဖြင့် တပ်မတော် သား ၁၃၅ ဦးကို အရေးယူ ခဲ့သည်ဟု ကာကွယ်ရေး ၀န်ကြီး ဗိုလ်ချုပ် လှမင်းက ပြောဆိုသည်။
ဗိုလ်ချုပ် လှမင်းမှ မြန်မာ စစ်တပ်တွင် ၁၉၉၀ ခုနှစ်မှ ၂၀၁၁ ဇူလိုင်လ အထိ မုဒိမ်းမူဖြင့် တပ်မတော် အရာရှိ ၁၁ ဦး၊ အခြား အဆင့် ၁၂၄ ဦး စုစုပေါင်း ၁၃၅ ဦးကို အရေးယူ ခဲ့ကြောင်း ပြောသည်။
၎င်းပြင် မြန်မာ နိုင်ငံတွင် အဓမ္မပြု ကျင့်မူ စွပ်စွဲချက် များမှာ ဆန့်ကျင်ဘက် အဖွဲ့ အစည်းများ၊ သောင်းကျန်း သူများက တပ်မတော်ကို အသရေ ဖျက်ရန်၊ ဂုဏ်သိက္ခာ ကျဆင်း စေရန် အသုံးပြု နေသည့် လက်နက် တခုသာ ဖြစ်ကြောင်းဖြင့်လည်း သောမတ်စ် အိုဟေး ကွင်တားနား အား ပြောဆို သည်ဟု သိရသည်။
၎င်းပြင် ဗိုလ်ချုပ် လှမင်းက ကလေးစစ်သား စုဆောင်းမူနှင့် ပြောကြားရာတွင် ၂၀၁၁ ခုနှစ် ဇူလိုင်လထိ အရွယ်မရောက်သူ ကလေး ၂၃၁၇ ဦးကို မိဘများထံ ပြန်လည် စေလွှတ် ခဲ့ကြောင်းနှင့် တပ်မတော်မှ ပြန်လည် နုတ်ထွက်ခွင့်ပေးခဲ့သူ ကလေး စစ်သား ၅၉၇ ဦးရှိကြောင်း ပြောဆိုသည်။ စည်းကမ်း ဥပဒေနှင့် အညီ စုဆောင်းခြင်း မပြုခဲ့သည့် တပ်မတော် အရာရှိ ၂၁ ဦး၊ အခြားအဆင့် ၁၅၆ ဦး စုစုပေါင်း ၁၇၇ ဦးကို အရေးယူခဲ့ကြောင်း သူက ပြောသည်။
အဓမ္မ လုပ်အားပေး စေခိုင်မူနှင့် ပတ်သက်ပြီးလည်း ILO အဖွဲ့က တိုင်တန်းခဲ့သည့် အမူပေါင်း ၃၈၉ မူတွင် ၁၈၂ မူကို အရေးယူခဲ့ပြီ ဖြစ်ကြောင်းဖြင့်လည်း ပြောဆိုခဲ့ဟု ဆိုသည်။
မြန်မာနိုင်ငံသည် ပြည်ထောင်စု နိုင်ငံ ဖြစ်သည့် အားလျော်စွာ လူနည်းစု တိုင်းရင်သားများ အပေါ် ဖိနှိပ် အနိုင်ကျင့်မူများ မရှိကြောင်းနှင့် KIO နှင့် တိုက်ခိုက်ရခြင်းမှာလည်း နိုင်ငံတော်၏ အရေးကြီးသော စီမံကိန်းများကို ထိပါး ခြိမ်းခြောက်လာသည့် အတွက် ကာကွယ် ရခြင်းသာ ဖြစ်ကြောင်း သောမတ်စ် အိုဟေး ကွင်တားနားအား ကာကွယ်ရေး ၀န်ကြီး ဗိုလ်ချုပ်လှမင်းက ပြောကြားသွားကြောင်း သတင်း ရရှိပါသည်။
No comments:
Post a Comment