လွိုင်ကော် နည်းပညာတက္ကသိုလ် ကွန်ဂရစ်တိုင်ကျွံကျ

ကန္တာရ၀တီတိုင်း(မ်)

ကရင်နီပြည်နယ် လွိုင်ကော်မြို့ရှိ နည်းပညာတက္ကသိုလ်ကျောင်း အဆောက်အဦး၏ အရှေ့မျက်နှာစာ ကွန်ဂရစ်တိုင် ကျွံကျ၍ အကြီးစားပြင်ဆင်မှုလုပ်ငန်းများ လုပ်နေကြရသည်ဟုဆိုသည်။

“ကျောင်းရဲ့ မိုဒ်ဦး အလည်တည့်တည့်မှာ တိုင်သုံးလုံးက တပေကျော် ကျွံ့ကျနေတယ်။ အဆောက်အဦးက အနိမ့်အမြင့် မညီတော့ပဲဖြစ်နေတယ်။ တိုင်ပတ်ပတ်လည် မြေစာတူးထုတ်နေတယ်” ဟု အခြေအနေကို မြင်တွေ့ခဲ့ရသည့် ဒေသခံတဦးကပြောသည်။

နည်းပညာတက္ကသိုလ်ကျောင်း၏ အဆောက်အဦး ဆောက်ထားသော မြေနေရာသည် လွိုင်ကော်မြို့စွန်ရှိ မြကလပ် တောင်စောင်း ပေါ်တွင်ဖြစ်ပြီး မြေနေရာ ညှိထား ခြင်းကြောင့် သဘာဝ မြေခံအမာမရှိပဲ အောက်ခြေသည် မြေစာများ ပင်ရှိသည်။

ကျွံကျနေသည့် မျက်နှာစာတိုင်များမှ အချိန်မှီ မပြုပြင်နိုင်ပါက တကျောင်းလုံး ပြိုကျပျက်စီးသွားနိုင်သည်ဟု ဆောက်လုပ်ရေး ပညာရှင်တဦးက ပြောသည်။

“ကျောင်းဆောက်တုန်းက အမြန်ပဲလုပ်တာ။ သဘာဝမြေခံအမာမှမရှိတာ တိုင်ကလည်း အလေးချိန်များတော့ ကျွံကျတယ်။ အဖြစ်သဘောပဲလုပ်ထားတော့ အရမ်းအန္တရာယ်များတယ်” ဟု အဆိုပါ ပညာရှင်ကပြောပါသည်။

အပေါ်ထပ်တွင် တက္ကသိုလ်ကျောင်းသူ/သားများက အတန်းတက်နေလျက်ရှိနေကြပြီး ကွန်ဂရစ်တိုင်ကို ဆောက်လုပ်ရေး အင်ဂျင်နီယာများနှင့် အလုပ်သမားများက ပြန်လည်တူးဖော်လုပ်ကိုင်နေကြသည်။

၎င်းနည်းပညာတက္ကသိုလ်ကျောင်း အဆောက်အဦးကြီးကို၂၀၀၈ ခုနှစ်တွင် စတင်ဖွင့်လှစ်ခဲ့သည်။