ကေအိုင်အေ နှင့် အစိုးရ စစ်တပ်တို့ အကြား စစ်ပွဲ အရှိန် မြင့် လာမည်ကို စိုးရိမ် နေသော ကချင်ပြည်နယ် မန်စီ မြို့နယ် မုံးစင့် နှင့် ခါခင် ကျေးရွာသား ၂၀၀ ကျော်သည် ယမန်နေ့က ဗန်းမော်မြို့သို့ ထွက်ပြေး ရောက်ရှိလာ ကြောင်း သိရသည်။
၎င်းဒေသ အတွင်း အစိုးရ တပ်များ တိုးမြှင့် လှုပ်ရှား လာရာ ကေအိုင် အေက မုံးစင့်နှင့် ခါခင်ရွာ အနီးရှိ စစ်ရေး အရ အရေးပါ သော မန်သာရွာ သံတံတား ကို ယခုလ ၂၄ ရက်နေ့ ညပိုင်းက ဗုံးခွဲ ဖျက်ဆီး ပြီးနောက် ရွာသား များ အုပ်စုလိုက် ရောက်ရှိ လာခြင်း ဖြစ်သည်။
ယခုအခါ ဗန်းမော်မြို့ ပေါက်ကုန်း ရပ်ကွက်နှင့် ရိုးကြီးရွာမ ဘုန်းတော်ကြီးကျောင်း များတွင် ခိုလှုံ နေထိုင်ကြပြီး အာဏာပိုင် အဖွဲ့အစည်း တချို့မှ လိုအပ်သည့် ကူညီမှုများ လုပ်ဆောင် ပေးကြောင်း ကူညီရာတွင် ကိုယ်တိုင် ပါဝင်သူ မြို့ခံတစ်ဦးက သျှမ်းသံတော် ဆင့်သို့ ပြောသည်။
“မုံးစင့် ရွာက အိမ်ခြေ ၁၂၀ ၊ ခါခင် ကတော့ ၅၀ လောက်ရှိတာ အားလုံး ၂၀၀ ကျော် ပြေးလာတယ်။ တချို့ လည်း နီးစပ်ရာ ဆွေမျိုးတွေ ထံမှာ သွားနေ ကြတယ်။ လောလောဆယ် ရပ်ကွက် အာဏာပိုင် တွေက သူတို့လို အပ်တဲ့ အိပ်ရာတို့ အသုံးအ ဆောင်တချို့ကိုတော့ ထောက်ပံ့ ပေးနေတယ် ” ဟု သူက ပြောသည်။
ကချင်ပြည်နယ်အတွင်း စစ်ပွဲအရှိန်မြှင့်လာမည့် အရိပ်အယောင်များ တွေ့မြင်လာရာ ယမန်နေ့မှစ၍ အာဏာ ပိုင်များက ဗန်းမော် - လွယ်ဂျယ်လမ်း တစ်လျှောက် ပြေးဆွဲနေသည့် ဆိုင်ကယ်များ သွားလာခွင့်ကို ပိတ်ပင် လိုက်ပြီ ဖြစ်ကြောင်း သိရသည်။
“ဗန်းမော်နဲ့ လွယ်ဂျယ် ပြေးနေတဲ့ ဆိုင်ကယ်တွေ မနေ့ကစပြီး လုံးဝမသွားခိုင်းတော့ဘူး။ ဗန်းမော်ကနေ တက်ရင်လမ်းမှာ စစ်တပ်က အကုန်လှည့်ပြန်ခိုင်းတယ်။ ကုန်တွေအားလုံး မိုးမောက် ကျောက်စခန်းမှာ ပုံထားရတယ်။ လွယ်ဂျယ်ကနေ ဆင်း ခိုင်းသေးတယ်။ လွယ်ဂျယ်မှာကျန်နေတဲ့လူတွေ ဆင်းလို့ရတယ်” ဟု ဆိုင်ကယ် ကယ်ရီသမား တစ်ဦးက ပြောသည်။
နှစ်ဘက်စစ်ပွဲများအတွင်း ကချင်စစ်ပြေးဒုက္ခသည် ၂၀၀၀၀ ခန့် တရုတ်နယ်စပ်ဘက် ထွက်ပြေးရောက်ရှိလာ သည့်အပြင် နယ်စပ်နှင့်ဝေးသည့် ဒေသများမှကျေးရွာသားများမှာ နီးစပ်ရာမြို့များသို့ တိမ်းရှောင်နေခြင်း ဖြစ်သည်။
No comments:
Post a Comment