အမည်မသိလက်နက်ကိုင်တပ်ဖွဲ့နှင့် တိုက်ပွဲဖြစ်ပွားပြီးနောက် ကျိုင်းတုံမြို့နယ်အတွင်း

မွေခေါဝ်

သံလွင်အရှေ့ခြမ်း ကျိုင်းတုံမြို့နယ်ကတ်တောင် ကျေးရွာ အုပ်စု ကျုပိန်းဖတောင်၌ မြန်မာစစ်တပ်နှင့် အမည်မသိ လက်နက်ကိုင်တပ်ဖွဲ့တို့ကြားတိုက်ပွဲဖြစ် ပွားပြီးနောက် မြန်မာစစ်တပ် နေရာအနှံ့လုံခြုံရေး တိုးချထားကြောင်း သိရှိရပါ သည်။

“ဒီနေ့အထိ တိုက်ပွဲဖြစ်ပွားတဲ့ အနီးတဝိုက် စစ်သားတွေ ဟိုမှာတစ်စု ဒီမှာတစ်စုနဲ့ နေရာအနှံ့ဘဲ။ဘုန်းကြီး ကျောင်းတွေ မှာရော။ ကိုရင်တွေ ဦးဇင်းတွေတောင် စာကောင်းကောင်း မသင်ရဘူး” ဟုယန်းကိန်ဒေသခံ တစ်ဦးက ပြောပါသည်။

တိုက်ပွဲဖြစ် ပွားသည့် ကျိုင်းတုံမြို့ မြောက်ဘက် ကတ်တောင် ကျေးရွာ အုပ်စု၌ အထူးသဖြင့် လုံခြုံရေး တိုးချထား ပြီး ကတ်ထိုက် ကျေးရွာအုပ်စု၊ ဝပ်ဆောင်းကျေးရွာအုပ်စု၊ ကတ်ဖကျေးရွာအုပ်စု၊ယန်းကိန်ကျေးရွာ အုပ်စုတို့၌ လည်း လုံခြုံရေးများ ချထားသည်။

သြဂတ်စ် ၁၆ ရက် နံနက် ၃ နာရီမှ ၅ နာရီထိ အမည်မသိလက်နက်ကိုင်တပ်ဖွဲ့တစ်ဖွဲ့နှင့် မြန်မာစစ်တပ်တို့ကြား ကျိုင်းတုံ မြို့နယ် ကတ်တောင်ကျေးရွာအုပ်စု ဝမ့်ဟိုဟွေ့(အခါရွာ)အနီး ကျုပိန်းဖတောင်၌ တိုက်ပွဲဖြစ်ပွားရာ မြန်မာစစ်တပ်မှ ၃ ယောက် သေဆုံးပြီး ၈ ယောက်ဒဏ်ရာရရှိခဲ့သည်။ အဆိုပါဒေသတွင် သျှမ်းပြည်တပ်မတော် RCSS/SSA အမှတ်(၁) ကျိုင်းတုံစစ်ဒေသတပ်ဖွဲ့များအပြင် ရံဖန်ရံခါ ဝ တပ်ဖွဲ့လည်းဝင်ရောက်လှုပ်ရှားတတ် သည် ဟု ဆို၏။

“ကျိုင်းတုံဒေသတဝိုက်မှာ သေနတ်သံ ဗုံးသံ မကြားရတာ နှစ်ပေါင်း ၂၀ ကျော်ကြာပြီ။ အများအားဖြင့် လွယ် တိုင်းလျဲန်း သျှမ်းစစ်သားနဲ့တိုက်ပွဲဖြစ်တယ်ဘဲပြောတယ်။ ဒီတိုက်ပွဲကြောင့် ဒေသခံတွေ ထိတ်လှန်တုန်လှုပ် ကြပြီး မြို့ထဲကို ဝင်လာ ကြတာ။ ဆိုင်ကယ်သံ ကားသံတွေ ဆူညံသွားတာဘဲ” ဟု ကျိုင်းတုံဒေသခံတစ်ဦးက ပြောပါသည်။

တိုက်ပွဲဖြစ် ပွားပြီး နောက်တစ် ရက်(သြဂတ်စ် ၁၇ ရက်) ကျိုင်းတုံမှ မြန်မာ စစ်တပ်က ကတ်တောင် ကျေးရွာသို့ အင်အား ဖြည့်တင်း ကြောင်း၊ တစ်ရွာဝင် တစ်ရွာထွက် တောတောင်အနှံ့ ဝင်ရောက်ရှာဖွေမွေနှောက်ကြကြောင်း၊ ရွာသားများကို လည်း ချောဆွဲကာ လမ်းပြ ခိုင်းပြီး လူသစ်ရမှ လူဟောင်းကို လွှတ်ပေးကြောင်း၊ လယ်လုပ် ရွာသားများအား ခေါ်ယူစစ် ဆေးပြီး ထမင်းထုပ်တွေ့လျှင် သျှမ်းသူ ပုန်အား အစား အသောက်ေ ထာက်ပံ့ သည်ဟု စွပ်စွဲကာ ရိုက်နှက်ကြောင်း သိရှိရပါ သည်။

“တိုက်ပွဲမဖြစ်ခင် ဗမာစစ်သားတွေ လုံခြုံရေးယူ ဖောက်လုပ်နေတဲ့ ကတ်ထိုက် မိုင်းငင်းကားလမ်းက ဆောက် လုပ် ရေးစခန်း ကို အမည်မသိလက်နက်ကိုင်တဖွဲ့က ဝင်တိုက်ပြီး ဆောက်လုပ်ရေးကားတစ်စီးကို မီးရှို့ဖျက်စီး လိုက်တယ်။ ဗမာစစ်သား တစ်ယောက် သေတယ်လေ။ အဲဒီနောက်ပိုင်း ဗမာစစ်သားတွေလဲ ဒီနားတစ်ဝိုက် မွေနှောက်ရှာဖွေတော့တာဘဲ” ဟု ကတ်ထိုက်ဒေသခံတစ်ဦးက ပြောပါသည်။

မြန်မာစစ်တပ်တိုက်ခိုက်ခံရမှုတွင် သျှမ်းပြည်တပ်မတော် RCSS/SSA က ၎င်းတို့လက်ချက်ဟုတ်/မဟုတ် မှတ်ချက်တစုံ တရာပေးခြင်း မရှိသော်လည်း ဝ တပ်ဖွဲ့မှာမူ ၎င်းတို့လက်ချက်မဟုတ်ကြောင်း ငြင်းဆိုပါသည်။

ကျိုင်းတုံမှ ကတ်ထိုက်-မိုင်းငင်းသို့ တိုက်ရိုက်ဆက်သွယ်မည့် မိုင် ၅၀ ခန့်ရှိ ကတ်ထိုင်-မိုင်းငင်းလမ်းသစ်ကို လွန်ခဲ့သည့် ၂ လခန့်မှ စတင် ဖောက်လုပ် နေကြောင်း၊ ဂျူလိုင်လ အတွင်း ဆောက်လုပ်ရေး စခန်းကို အမည်မသိ လက်နက် ကိုင်အဖွဲ့က ဝင်ရောက် ပစ်ခတ်ပြီး နောက် မိုးတွင်း ကာလ လည်းဖြစ်သည့်အတွက် ဆောက်လုပ်ရေးကို ရပ်နား ထားကြောင်း၊ လမ်း ကြောင်းမှာ တဝက်ခန့်ပြီးစီး ပြီဖြစ် ကြောင်း သိရှိရပါသည်။