အထူးသဖြင့် ရခိုင်နှင့် ဘင်္ဂလီများ အနီးကပ် နေထိုင်သော နတ်ကျောက်ဆရီ မြို့နယ် အတွင်းရှိ ကျေးရွာများတွင် ထိုသို့ ကင်းများချပြီး ရပ် ရွာများ၏ လုံခြုံရေးကို လုပ်ဆောင်နေကြသည်ဟု ဆိုသည်။
“ ရခိုင်ဘက်မှာ ဖြစ်နေတာကို ဒီက လူတွေ အကုန်လုံး ကြားသိနေကြတယ်။ ဒါကြောင့် တယောက်နဲ့ တယာက် မယုံလို့တော့ မဟုတ်ဘူး။ ကြားက လူတွေ ၀င်လာပြီး ပြဿနာ လုပ်ရင် ဒီဘက်မှာလည်း မလိုလားအပ်တဲ့ ပြဿနာတွေ ပေါ်ပေါက်နိုင်တဲ့ အတွက် ရွာတိုင်းမှာ အခု ကင်းရှိပါတယ်” ဟု နတ်ကျောက်ဆရီ ဒေသခံ တစ်ဦးက ပြောသည်။
ဘင်္ဂလာဒေခ်ျ့ နိုင်ငံရှိ ဒေသခံများ အကြားတွင်လည်း မြန်မာနိုင်ငံ ရခိုင်ပြည်နယ် တွင် ဖြစ်ပွားနေသော ဆူပူ အကြမ်းဖက်မူများကြောင့် စိုး ရိမ်မူများ တိုးပွားနေကြသည်ဟု သိရသည်။
နတ်မြစ်ကမ်းခြေ တလျှောက်ရှိ ကျေးရွာများနှင့် ကော့စ်ဘဇားမြို့တွင် အစိုးရက လုံခြုံရေး တိုးမြှင့် ထားသော်လည်း နယ်ဘက်ပိုင်းတွင် တည်ရှိသော ကျေးရွာများတွင် လုံခြုံရေးမဲ့နေသဖြင့် ထိုသို့ ကင်းများချကာ ရပ်ရွာများကို ကာကွယ်နေခြင်း ဖြစ်ကြောင်း သိရသည်။
ဘင်ဒရိုဘင် ခရိုင် လမားမြို့တွင်လည်း အာဏာပိုင်များက မလိုလားအပ်သော ပြဿနာများ ပေါ်ပေါက်မည်ကို စိုးရိမ်သဖြင့် သူတို့ ဒေသအ တွင်း ယခင်ကတည်းက ၀င်ရောက်နေထိုင်သူ မြန်မာနိုင်ငံမှ မွတ်ဆလင်များအား ကားသုံးစီးဖြင့် ယူကာ နယ်စပ် ဒုက္ခသည် စခန်းများသို့ ပို့ဆောင်ခဲ့သည်ဟု မျက်မြင် အမျိုးသမီး တစ်ဦးက ပြောသည်။
No comments:
Post a Comment