ဇွန်လ ၄ ရက်နေ့က မော်တော်ယာဉ်ထိန်းသိမ်းရေးဌာနနှင့် ရဲတို့ပူပေါင်းပြီး ရပ်ကွက်အုပ် ချုပ် ရေးမှူးတို့နှင့်အတူ ရပ်ကွက်တိုင်းရှိ အုပ်ချုပ်ရေးရုံးတွင် မော်တော် ဆိုင်ကယ် သမား များအား ပြုလုပ် ပေးနေ ခြင်း ဖြစ်သည်။
ယင်းလိုင်စင်ကို ကုန်းလမ်း ပို့ဆောင်ရေး ညွှန်ကြားရေး မှူးချုပ်ရုံ (ကညန)မှ ပြုလုပ်သည့် လိုင်စင်မျိုးမဟုတ်ဘဲ ဘုရားသုံးဆူမြို့အတွင်းသာ စီးနင်းခွင့် လိုင်စင်အဖြစ် ပြုလုပ်ပေး နေ သည်ဟု မြို့ခံတစ်ဦးက ပြောသည်။
၎င်းက “မြိုသားလိုင်စင်ပေါ့နော် ဒီလိုင်စင်ရှိရင် တခြားလူနဲ့ခွဲခြားနိုင်ဖို့အတွက်ဆိုပြီး ပေး လုပ်ခိုင်းတယ် မလုပ်လဲမရဘူး” ဟု ပြောသည်။
လတ်တလော ဘုရားသုံးဆူမြို့သူ/သားအချို့က ပြန်ပေးဆွဲမှုပဋိပက္ခများ မကြာခဏ ဖြစ် ပွား နေခြင်းကြောင့် အပြင်လူနှင့်ခွဲခြားသတ်မှတ်နိုင်ရန်အတွက် ယခုလို ပြုလုပ် ရခြင်း ဖြစ် သည်။
လိုင်စင်အတွက် မော်တော်ဆိုင်ကယ်တစ်စီးလျှင် ပိုင်ရှင်ဓါတ်ပုံနှင့် မော်တော်ဆိုင်ကယ်ဓါတ်ပုံ သုံးပုံ ဘတ်ငွေ ၇၀ နှင့် လိုင်စင်ခ ၅၀ အပေါင်း ၁၂၀ ဘတ် ကုန်ကျကြောင်း ၎င်းလိုင်စင်ကို ယနေ့အထိ ပြုလုပ် နေဆဲဖြစ်သည်။
ထိုလိုင်စင်ကို တစ်ပတ်အတွင်းပြုလုပ်ပေးသွားမည်ဖြစ်ပြီး လာရောက်မပြုလုပ်သောသူများ စီးနင်း ရာမှာ တွေ့ရှိပါက အရေး ယူမည် ဖြစ် ကြောင်း လည်း ယာဉ်ထိန်းသိမ်းရေးဌာနက ပြော ဆိုခဲ့သည်။
မော်တော်ယာဉ်လိုင်စင်သွားရောက်ပြုလုပ်ခဲ့သူ တစ်ဦးက ”လိုင်စင်လုပ်တာက ကိုယ့်ရပ်ကွက်နဲ့ ကိုယ်လုပ်ရတယ်၊ လုပ်ပီးတော့ ဆိုင်ကယ်မှာ ကပ်ဖို့ကပ်ပြား တစ်ကပ် ပေးလာ တယ် ကပ်ထဲမှာ ရပ်ကွက်နဲ့ ဆိုင်ကယ် နံပါတ် ပါတယ်” ဟု ပြောသည်။
လိုင်စင်ပြုလုပ်သည့်အပေါ် အထက်အာဏာပိုင်များက ငွေကြေးအလွဲသုံးစားပြုလုပ်နေခြင်းဟု သံသယဖြစ်ကာ တချို့ဒေသခံများက မကျေ မ နပ် မှုများ ရှိခဲ့ကြသည်။
ဘုရားသုံးဆူမြို့တွင် ရပ်ကွက် (၄ )ရပ်ကွက်ရှိပြီး မော်တော်ဆိုင်ကယ်ပေါင်း ၄၀ဝ၀ ကျော်ရှိကြောင်း သိရသည်။
No comments:
Post a Comment