“ ကန့်ကွက်တဲ့ အထဲမှာ ရွာသား ၂၀၀ ပါဝင်ပါတယ်။ ကန့်ကွက်တဲ့ စာမှာ လက်မှတ်ရေးထိုးပြီး မနေ့က ကျွန်တော်တို့ ကျောက်ဖြူမြို့နယ် အုပ်ချုပ်ရေးမှူးရုံးကို သွား ပေးပါတယ်။ ဒီကိစ္စကို အမြန်ဆုံး ဖြေရှင်းပေးပါ။ မဟုတ်ရင် လူထု ဆန္ဒ ဖေါ်ထုတ်ပွဲ ပြုလုပ်ပြီး ကန့်ကွက်သွား မယ်ဆိုပြီး ပြောခဲ့ပါတယ်” ဟု ရွာသားများထဲမှ ခေါင်းဆောင် တစ်ဦးက ပြောသည်။
မလကျွန်းကျေးရွာ အနီးတွင် ဒေ၀ူးမှ သဘာဝ ဓါတ်ငွေ့ သန့်စင် စက်ရုံအား တည်ဆောက်နေပြီး တစ်ခြား တရုတ်၊ အိန္ဒိယ ကုမ္ပဏီများ လည်း စက်ရုံများ တည်ဆောက်နေကြောင်း သိရသည်။
“ သူတို့ကားတွေ နေ့ည မပြတ်သွားလာနေတဲ့ အတွက် လမ်းက လုံးဝ ပျက်စီးသွားတယ်။ ၂ မိုင်ခန့်ရှည်တဲ့ လမ်းတလျှောက် ရွံ့နွံတွေ ဖုံးနေ တယ်။ စက်ဘီး ဆိုင် ကယ် ဘာမှ သွားလာလို့ မရဘူး။ ကျောင်းသား ကျောင်းသူတွေလည်း ကျောင်းသွားဖို့ အခက်အခဲ ဖြစ်နေတယ်။ ကျောက်ဖြူက ဆရာ ဆရာမတွေလည်း ရွာကို စာလာပြဖို့ အခက်တွေ့နေတယ်။ ဈေးသွား ဈေးလာ အကုန်လုံးပါဘဲ။ ပျက်တာက လူတွေ လုံးဝ သွားလာလို့ မရအောင် ပျက်စီးသွားပါတယ်” ဟု သူက ဆက်ပြောသည်။
ဒေ၀ူး အပါအ၀င် နိုင်ငံခြား ကုမ္ပဏီများသည် သူတို့ စက်ရုံများသို့ အ၀င်လမ်းများအား ကောင်းမွန်စွာ ပြုလုပ်ထားသော်လည်း ဒေသခံ ပြည် သူများ သွားလာသော မလကျွန်းရွာလမ်းကိုမူ လုံးဝ မပြုပြင်ဘဲ ပစ်ထားကြောင်း သူက ဆိုသည်။
ကုမ္ပဏီ တာဝန်ရှိသူများအား လမ်းပျက်စီးသွားသဖြင့် ပြန်လည် ပြုပြင်ပေးရန် တောင်းဆိုသော်လည်း အဆိုပါ လမ်းကိစ္စမှာ သူတို့နှင့် မသက် ဆိုင်ကြောင်း ပြန်ပြောသည်ဟု ဆိုသည်။
“ ဒီလမ်းက ရွာသားတွေ ကိုယ်ထူ ကိုယ်ထ လုပ်ထားတဲ့ လမ်းဖြစ်တဲ့ အတွက် ပြန်ပြု ပြင်ပေးပါလို့ သွားပြောကြပါတယ်။ ဒေ၀ူး အပါအ၀င် ဘယ်ကုမ္ပဏီ တာဝန်ရှိသူတွေကမှ ဒေသခံ ပြည်သူတွေ တင်ပြတာကို အရေးမစိုက်ဘူး။ သူတို့နဲ့ မဆိုင်ဘူးလို့ ပြောကြပါတယ်။ ဒါကြောင့် နောက်ဆုံး စာရေးပြီး ကန့်ကွက်ရတာ ဖြစ်ပါတယ်” ဟု သူက ဆက်ပြောသည်။
ကျေးရွာသား ၂၀၀ လက်မှတ်ရေးထိုး ကန့်ကွက်ထားသော စာကို မြို့နယ် အုပ်ချုပ်ရေးမှူးကို လိပ်မူတပ် ပေးပို့ပြိး မိတ္တူကို ရခိုင်ပြည်နယ် ၀န် ကြီးချုပ်၊ ပြည်နယ် လွှတ်တော် ဥက္ကဌ၊ ကျောက်ဖြူ ပြည်သူ့ လွှတ်တော် ကိုယ်စားလှယ် ဦးဘရှင် အပါအ၀င် နေရာ ၈ ခုသို့ မိတ္တူ ပေးပို့လိုက်ကြောင်း သိရသည်။
ရခိုင်တိုင်းရင်းသားများ တိုးတက်ရေး ပါတီ ကျောက်ဖြူမြို့နယ် ရုံးမှလည်း အဆိုပါ ကန့်ကွက် တိုင်ကြား စာအား လက်ခံရရှိထားပြီး ပြည်သူ များ ပူးပေါင်းကာ အဆိုပါ လမ်းကို ပြန်လည် တည်ဆောက် ပေးရန် တောင်းဆိုသွားမည်ဟု နိရဉ္စရာသို့ ပြောသည်။
အဆိုပါ လမ်းမှာ ကျောက်ဖြူမြို့နှင့် မလကျွန်းကို ဆက်သွယ်ထားသော လမ်းဖြစ်ပြီး အဆိုပါ လမ်းပျက်စီးနေမူကြောင့် ရွာပေါင်း ၁၀ ရွာခန့်မှ လူများ ဒုက္ခတွေ့နေပြီး ထိုအထဲတွင် လိပ်ခမော်၊ ရွာမ၊ ရွာဟောင်း၊ ရွှေစင်၊ ငလကျွန်း စသည့် ကျေးရွာများ ပါဝင်ကြောင်း သိရသည်။
No comments:
Post a Comment