“လက်ရှိ ရခိုင်ပြည်နယ်မှာ ဖြစ်ပွားနေတဲ့ ပြဿနာတွေဟာ အစ္စလမ် ဘာသာဝင်တွေနဲ့ တိုက်ခိုက်ဆန့်ကျင်နေတဲ့ ဘာသာရေး အဓိကရုဏ်း မ ဟုတ်ပါဘူး၊ အလွန် မင်းမဲ့ စရိုက်ဆန်တဲ့ အကြမ်းဖက်နေမှုသာ ဖြစ်ပါတယ်။ မထင်မှတ်ဘဲ တစတစ ကြီးထွား လာတဲ့ ရခိုင်ပြည်နယ် အရေး ကိစ္စဟာ လူမျိုးရေး အဓိကရုဏ်း အသွင်မဟုတ်ဘဲ အမျိုးသားရေး ထိပါး စော်ကားမှု ဖြစ်လာ တဲ့အတွက် ဒီ ကိစ္စ ကို နိုင်ငံ တော်က အမြန်ဆုံး ထိထိ ရောက်ရောက် ကိုင်တွယ် ဖြေရှင်း ပေးစေ လိုပါတယ်” ဟု ဆန္ဒ ထုတ်ဖော်သူများက ဆိုသည်။
ဆက်လက်၍ ၎င်းတို့က နိုင်ငံတော်အစိုးရနှင့် ပြည်သူလူထု တသားတည်းရှိမှု၊ ပြည်သူလူထု၏ ယုံကြည်အားထားမှုကို နိုင်ငံတော်အစိုးရ အနေ နှင့် အရယူစေချင်ကြောင်း၊ အမျိုးသားရေးတာဝန် တရပ် အနေ ဖြင့် တရားဥပဒေ စိုးမိုးရေးနှင့်အချုပ်အချာအာဏာ တည်တံ့ခိုင်မြဲရေး၊ မြန်မာ နိုင်ငံ တွင် အမှန်တကယ် မွေးဖွားခဲ့သူများ အားလုံး၏ ပြည်သူ့အသက် စည်းစိမ် အိုးအိမ်များ ကာကွယ် စောင့်ရှောက် ရေး၊ အကြမ်း ဖက်မှု အဆွယ် အပွားများ ပပျောက်စေရေး တို့အတွက် အမြန်ဆုံး စီစဉ်သင့်ကြောင်း နိုင်ငံတော်အစိုးရထံ တောင်းဆိုလိုက်ကြောင်း ပြောကြား သည်။
ခိုးဝင်လာသော နိုင်ငံခြားသားများကို ရှောင်တခင်စိစစ်ခြင်းနှင့် သန်းခေါင်စာရင်း စစ်ခြင်းများ ပြုလုပ်ပေးစေလိုကြောင်း၊ မြန်မာပြည် နယ်စပ် ဒေသများတွင် တာဝန် ထမ်းဆောင်နေဆဲ လူဝင်မှု ကြီးကြပ်ရေး ဝန်ထမ်းများအနေဖြင့် အဂတိ လိုက်စားမှုများရှိနေပါက တင်းကျပ်သောအ ရေးယူခြင်း နည်းဥပဒေစနစ်များ အမြန်ဆုံး ပြောင်းလဲပေး စေလိုကြောင်း၊ ယခင်က ရခိုင်ပြည်နယ်နှင့် တခြားသော နယ်စပ်များ တွင် နိုင်ငံခြား သားများကို နိုင်ငံအတွင်း တရားဝင် နေထိုင်ရန်ဖန်တီးပေးသည့် အကျင့်ပျက် လာဘ်စားမှုများ ကျူးလွန်ခဲ့သော လူဝင်မှု ကြီးကြပ်ရေး ဝန်ထမ်း များကို ပြန်လည် ဖော်ထုတ် အရေးယူ ပေးစေ လိုကြောင်း၊ ပြည်သူများ လွတ်လပ်စွာ ဆန္ဒထုတ်ဖော် အရေးဆို နိုင်ရန် လွှတ်တော် တွင် အချိန်ဆွဲ မနေဘဲ နည်းဥပဒေသများ အမြန်ဆုံး ပြဌာန်းပေးစေလိုကြောင်း ရန်ကုန်နေ ရခိုင်နှင့် မြန်မာ တိုင်းရင်းသာ များပါဝင် သည့် ဆန္ဒ ဖော်ထုတ် သူများက ပြောသည်။
ဆန္ဒထုတ်ဖော်သူ များထဲတွင် ကျောင်းသားများ၊ ရှေ့နေများ၊ လုပ်ငန်းရှင်များ၊ ခရီးသွား ဧည့်လမ်းညွှန်များ စသည်ဖြင့် နယ်ပယ်အသီးသီးမှ လူ ဦးရေ ၂၀ ခန့်ပါဝင်ပြီး ၎င်းတို့၏ စုပေါင်းကြေညာချက်ကို ဖတ်ပြကြသည်။ မိနစ် ၃၀ ခန့် ဆန္ဒ ထုတ်ဖော်ပြီးချိန်တွင် ရဲများက လူစုခွဲ ခိုင်းသ ဖြင့်ဆန္ဒ ထုတ်ဖော် ပွဲကို ရပ်ဆိုင်းလိုက်ကြောင်း သိရသည်။
ရခိုင်ပြည်နယ်အတွင်း ဖြစ်ပေါ်နေသည့် ပဋိပက္ခ အခြေအနေမှာ ယနေ့ နံနက်အထိ စိုးရိမ်စရာ အခြေအနေ ရှိနေပြီး ယမန်နေ့ညမှစတင်၍ စစ် တွေ အပါအဝင် ၄ မြို့နယ်တွင် ပြစ်မှုဆိုင်ရာ ကျင့်ထုံးဥပဒေ ပုဒ်မ ၁၄၄ ထုတ်ပြန် ကြေညာခဲ့သည်။
သို့ရာတွင် ပုဒ်မ ၁၄၄ ထုတ်ပြန်ရုံဖြင့် ရခိုင်ပြည်နယ်အတွင်း အုပ်ချုပ်ရေးဆိုင်ရာ လုပ်ငန်းများ ထိရောက်မှု မရှိသောကြောင့် နိုင်ငံတော် သမ္မတ ၏ အမိန့်ဖြင့် အရေးပေါ်အခြေအနေ ကြေညာကာ ယနေ့မှစတင်၍ တပ်မတော်၏ အကူအညီကို ရယူဆောင်ရွက်တော့မည်ဟု သိရသည်။
No comments:
Post a Comment