Friday, November 23, 2012

မူစယ်မြို့ ရဲကင်းအနီးရှိ လောင်းကစားဝိုင်းများ အရေးယူခြင်းမရှိ

သျှမ်းသံတော်ဆင့်

တရုတ်နိုင်ငံ ကျယ်ဂေါင်(၀်) မြို့နှင့် သျှမ်းပြည် (မြောက်ပိုင်း) မူစယ်မြို့ အဝင်အထွက် ဂိတ်တစ်ခု ဖြစ်သည့် မန်ဝိန်ကြီးဂိတ်အတွင်းလုံခြုံ ရေး ယူထားသော မြန်မာရဲကင်းအနီး ပေ ၁၀၀ ခန့်အကွာတွင် လောင်းကစားဝိုင်း ၁၀ ခုထက်မနည်း ဖွင့် လှစ်ထားကြောင်း သိရသည်။

၆ ကောင်ဂျင် ၊ သျှမ်းကိုးမီး ၊ ဖိုက်ကျိုး နှင့် ဂျင်ဝိုင်းများ ပါဝင်သည့် လောင်းကစားဝိုင်းများ ဖြစ်ပြီး မြန်မာ ကုန်ကားမောင်း သမားများ ၊ ကုန် တင်ကုန်ချ အလုပ်သမားများ လာရောက်ကစားကြရာ ရာဇဝတ်မှုများ မကြာခဏ ဖြစ်ပွားနေသော်လည်း အရေးယူမှု မရှိကြောင်း မူ စယ်မြို့ခံတစ်ဦးက သျှမ်းသံတော်ဆင့်သို့ ပြောသည်။

“စိန်ကမ္ဘာတည်းခိုခန်း အနောက်ဘက် အဲဒီမှာမန်ဝိန်းရဲကင်းဆိုတာရှိတယ်၊ ရဲကင်းနဲ့ဆိုရင်ပေ ၁၀၀ လောက်ပဲဝေးတယ်၊ လောင်းကစား ဝိုင်း က ကားသမားတွေကိုအဓိကထားတာ၊ အသေးလေးတွေပဲပေါ့နော်၊ နံမည်တွေဘာတွေ တပ်ပြီး ဖွင့်တာ မဟုတ်ဘူး၊ တဲအိမ်လေးတွေ ငှားပြီး တော့လုပ်နေကြတယ်၊ လောင်းကစားဝိုင်း တန်းလျား လိုဖြစ်နေတာ အဲဒီနားလေးမှာက ၈ ခုလောက်ရှိတယ် ” ဟု မြို့ခံက ဆို သည်။

လောင်းကစားလုပ်သည့် ကားသမားတချို့ အလောင်းအစားရှုံးသဖြင့်အိမ်သို့ငွေပြန်မအပ်နိုင်သူများရှိပြီးခိုက်ရန်ဖြစ်ပွားမှုများလည်းရှိ ကြောင်း သူက ဆက်ပြောသည်။

“မန်ဝိန်းပေါက်နားမှာ ကားကြီးသမားတွေဆို တချို့အိမ်ပြန်ပိုက်ဆံမအပ်နိုင်ဘူး တချို့ဆိုရင်လည်းအ ကြွေးတွေတင်တခြားအလုပ်သမားတွေ ရောအဲလိုပဲ လုတာတွေရန်ဖြစ်တာတွေကတော့ တောက်လျှောက်ရှိနေတာပဲ ပြည်သူ့စစ်ဖွင့်တဲ့ လောင်းကစားဝိုင်းမှာဆိုရိုက်ပွဲကတစ်ပတ်တစ် ခါလောက်ဖြစ်နေတာ” ဟု ဆိုသည် ။

လွန်ခဲ့သည့် အောက်တိုဘာလက မူစယ်မြို့ စွမ်စော်ရပ်ကွက်အတွင်း သီတင်းကျွတ်ပွဲနှင့်အတူ ရပ်ကွက်ဥက္ကဋ္ဌမှလောင်းကစားဝိုင်းများ ဖွင့်ခွင့် ပြုခဲ့ရာ ယခုအဆိုပါပွဲပြီးဆုံးသွားသော်လည်း ကစားဝိုင်းများမှာ မြို့တွင်းလမ်းဘေးများတွင် ဆက်ဖွင့် ထားဆဲ ဖြစ်ကြောင်း သိရ သည်။

၎င်းအပြင် မူစယ်မြို့တွင်း၌ တီဗွီဂိမ်းလောင်းကစားရုံ ၄၀ ၀န်းကျင်ခန့်လည်း ဖွင့်လှစ်ထားကြောင်း သိရသည်။

No comments: