ABC
မြန်မာနိုင်ငံတော်သမ္မတ ဦးသိန်းစိန်က မေလအတွင်းမှာပဲ အမေရိကန်နိုင်ငံ ၀ါရှင်တန်မြို့ကို သွားရောက်လည်ပတ် ဖို့ရှိတယ်လို့ မြန်မာ့ရုပ်မြင်သံကြားကနေ တရားဝင်ကြေညာခဲ့ပါတယ်။ ဒီသတင်းကို ပြီးခဲ့တဲ့ လဆန်းပိုင်းက အမေရိကန် သတင်းရပ်ကွက်က ထုတ်ပြန်ခဲ့ပြီး ဖြစ်ပါတယ်။
မြန်မာနိုင်ငံက သတင်းတွေမှာတော့ ဘယ်နေ့ ဘယ်ရက် ထွက်မလဲဆိုတာကို မကြေညာခဲ့ပေမဲ့ မြန်မာ နိုင်ငံကနေ သောကြာနေ့မှာ ထွက်ခွါပြီး မြို့တော် ၀ါရှင်တန်ကို မေလ ၂၀ နဲ့ ၂၁ရက်နေ့မှာ သွားရောက် လည်ပတ်မှာ ဖြစ်တယ်လို့ အမေရိကန် ပြည်ထောင်စုလွှတ်တော်က သတင်းဌာနတခု ကိုပြောပါတယ်။
ခရီးစဉ်အတွင်းမှာ အမေရိကန်သမ္မတ Barack Obama နဲ့ အိမ်ဖြူတော်မှာ တွေ့ဆုံဖို့ရှိတယ်လို့ သိရပါတယ်။ မြန်မာ့ခေါင်းဆောင်တဦး အနေနဲ့ အမေရိကန်နိုင်ငံမြို့တော် ၀ါရှင်တန်ကို တရားဝင် သွားရောက် လည်ပတ်ခဲ့တာဟာ ၁၉၆၆ခု နှစ်က ကွယ်လွန်သွားပြီဖြစ်တဲ့ သမ္မတ ဟောင်း Lyndon Johnson ရဲ့ ဖိတ်ကြားချက်အရ ဆိုရှယ်လစ်လမ်းစဉ်ပါတီ ဥက္ကဌ ဦးနေ၀င်းက သွားရောက် လည်ပတ်ခဲ့ခြင်းပဲ ဖြစ်ပါတယ်။
အမေရိကန်သမ္မတ Barack Obama က မြန်မာနိုင်ငံကို ပြီးခဲ့တဲ့ နိုဝင်ဘာလက လာရောက် လည်ပတ်ခဲ့ပြီး သမ္မတ ဦးသိန်းစိန်က အမေရိကန်နိုင်ငံကို ပထမဦးဆုံး တကြိမ်ရောက်ရှိခဲ့ပေမဲ့ နယူးယောက်မြို့မှာပဲ ကုလသမဂ္ဂ အထွေထွေညီလာခံ ကိုသွားပြီး မိန့်ခွန်းပြောကြားခဲ့တာ ဖြစ်ပါတယ်။
No comments:
Post a Comment