ဟင်္သာမြို့ ဟုန်စံစီခန်းမမှာ ပြုလုပ်ခဲ့တဲ့ လူထုဟောပြောပွဲကို မြို့ခံလူထု ရာနဲ့ချီ တက်ရောက်ခဲ့ ကြပြီး အမျိုးသားဒီမိုကရေစီအဖွဲ့ချုပ်က နာယက ဦးတင်ဦးနဲ့ ဒေါက်တာမျိုးညွန့်၊ ၈၈ ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ကိုမင်းကိုနိုင်နဲ့ ကိုကိုကြီးတို့ ၄ ဦးက လူထုကို ဟောပြောခဲ့ကြတာ ဖြစ်ပါတယ်။
ဧရာဝတီ ဖွဲ့စည်းပုံပြင်ဆင်ရေး လူထုဟောပြောပွဲမှာ ၈၈ မျိုးဆက် ကိုကိုကြီးက ဖွဲ့စည်းပုံ ပြင်ဆင်ရေးမှာ တပ်မတော်ပါဖို့ အခုလို တိုက်တွန်း ပြောကြားသွားပါတယ်။
“ဒီနေ့ မျိုးဆက်အရ တဖြေးဖြေးနဲ့ လူလတ်ပိုင်းနဲ့ လူကြီးဖြစ်လာတယ်။ လူကြီးပိုင်းတွေ ပင်စင်ယူသွားပြီ။ အဲဒီလို မျိုးဆက်အလိုက် ပြောင်းနေတဲ့အချိန်မှာ ကျနော်တို့ ၈၈ နဲ့ သက်တူ ရွယ်တူ ပုဂ္ဂိုလ်များ တပ်မတော်ထဲမှာလည်း အဆင့်မြင့် ရာထူးအသီးသီးမှာ ရောက်နေပါပြီ။ ရဲဘော် အကြပ်တပ်သားများ နေရာယူထားတာလည်း ရှိနေပါပြီ။ အဲဒီ ပုဂ္ဂိုလ်တွေအနေနဲ့လည်း နိုင်ငံတော် ပြုပြင်ပြောင်းလဲဖို့ နိုင်ငံတော်ရဲ့ ဂုဏ်သိက္ခာကို မြှင့်တင်ဖို့ တဖက်ကလည်းပဲ တပ်မတော်က ပြည်သူချစ်တဲ့ တပ်မတော်ဖြစ်ဖို့ ပြည်သူနဲ့ တခြားစီဖြစ်အောင် သွေးခွဲထားတဲ့ ၄၃၆ ကို ပြင်ဆင်ရေးသည် တပ်မတော်ရဲ့ ဂုဏ်သိက္ခာလည်း ဖြစ်တယ်ဆိုတာကို အလေးအနက် တိုက်တွန်းချင်ပါတယ်။”
ဖွဲ့စည်းပုံပုဒ်မ ၄၃၆ ပြင်ဆင်ရေး အဖွဲ့ချုပ်နဲ့ ၈၈ တို့ ပူးပေါင်းပြုလုပ်တဲ့ လူထုဟောပြောပွဲတွေကို မေလ ၁၇ ရက်ကစပြီး ရန်ကုန်မှာ စတင်ခဲ့တာဖြစ်ပါတယ်။ အဲ့ဒီနောက် မေလ ၁၈မှာ မန္တလေး၊ အခု ဧရာဝတီတိုင်း၊ ဟင်္သာတတို့မှာ ပြုလုပ်ခဲ့တာဖြစ်ပြီး အလားတူ လူထု ဟောပြောပွဲတွေကို တနိုင်ငံလုံးအနှံ့ ဆက်လက်ပြုလုပ်သွားမှာ ဖြစ်ပါတယ်။
No comments:
Post a Comment