အတွင်းက စ ပြောင်းမှသာ

အောင်ဇော်

နှစ်သစ်ကူး အားလပ်ရက်ယူရန် ပြင်ဆင်နေစဉ် မိတ်ဆွေတဦး ကျနော့် ရုံးတွင်းသို့ ၀င်ရောက်လာသည်။ သူက မြန်မာပြည်အရေး လေ့လာစောင့်ကြည့်နေသူ တဦးဖြစ်ပြီး ပြည်တွင်းတွင်လည်း အဆက်အသွယ် များလှသူဖြစ်သည်။

မကြာခဏ ဆိုသလို သူ ဧရာဝတီ မဂ္ဂဇင်းရုံးစိုက်ရာ နေရာသို့ ရောက်လာတတ်သည်။ ပြီးတော့ သူ မြင်သမျှကို မချွင်းမချန် တုတ်ထိုးအိုးပေါက် ပြောတတ်သည်။ သူ၏ တိုက်ရိုက်ကျလှသည့် ဝေဖန်ချက်များကို ကျနော် လေးစားမိသည်။ သူက ဧရာဝတီ မဂ္ဂဇင်းတွင် ဖော်ပြသည့် သတင်းများကိုလည်း ဝေဖန် တတ်ပြန်သည်။

ကျနော်တို့ ဧရာဝတီအဖွဲ့သားများအနေနှင့် ၂၀၀၉ ခုနှစ် တနှစ်လုံး အနားမရနိုင်အောင် အလုပ်များနေခဲ့ကြသည်။ ပြောရမည်ဆိုလျှင် ခေတ်သစ်မြန်မာ့သမိုင်းအတွက် အရေးပါသည့် နှစ်တနှစ်ဟု ဆိုရပေလိမ့်မည်။ ကျနော်တို့ အနေနှင့် သတင်းများကို တတ်နိုင်သမျှ အစုံအစိ ဖော်ပြနိုင်ခဲ့သည်ဟူ၍ ထင်နေမိသည်။

အချိန်နှင့် တပြေးညီ၊ နေ့စဉ်နှင့်အမျှ သတင်းများကို တိကျစွာ၊ နက်နက်ရှိုင်းရှိုင်း လိုက်၍ တင်ပြနိုင်ခဲ့သည် ဟုလည်း ထင်သည်။ ထုတ်လုပ်နိုင်စွမ်းလည်း တိုးတက်လာခဲ့သည်။ နှစ်ပတ်တကြိမ် မြန်မာဘာသာဖြင့် အီး-မဂ္ဂဇင်း (e-zine) ကို ထုတ်ဝေနေသည့်အပြင် သောကြာစကားဝိုင်းကို အသံဖိုင် (podcast) ဖြင့် ထုတ်လွှင့်ပေးနိုင်ခဲ့သည်။

ရန်ပုံငွေ ထောက်ပံ့နေသူများထံမှ လည်ပင်းရှည်အောင် စောင့်ဆိုင်းနေရသည့်ကြားက ဘဏ္ဍာရေး လည်ပတ်မှု အခက်အခဲ အကြီးအကျယ် ရင်ဆိုင်နေရသည့်ကြားက ကြိုးပမ်းခဲ့ကြခြင်း ဖြစ်သည်။ ပြည်ပတွင် အခြေစိုက်သည့် အကျိုးအမြတ် မယူသော မဂ္ဂဇင်း တစောင် ဖြစ်သည့် အားလျော်စွာ၊ အခါမလပ် ရန်ပုံငွေရှာဖွေ နေရသကဲ့သို့ ပြည်တွင်း ပြည်ပ သတင်းထောက်များ ပိုမိုတိုးချဲ့ ခန့်ထားနိုင်ရေးအတွက်လည်း လုပ်ဆောင်နေကြရသည်။

ကျနော်တို့ဘက်က ယူဆချက်ကို အထက်ပါအတိုင်း ရှင်းပြပြီးသည့်အခါတွင် မိတ်ဆွေက လက်မခံချင် ခံချင်နှင့် “၂၀၀၉ ခုနှစ်မှာ မြန်မာပြည်အရေးကို ခင်ဗျားတို့ ဖော်ပြနိုင်ခဲ့ကြတာ သာမန်အဆင့်ထက် ပိုတယ်” ဟု ပြောလာသည်။

ဆက်လက်၍ သူက “ဒေါ်အောင်ဆန်းစုကြည် တရားခွင်ကိစ္စ တွေနဲ့ အမေရိကန် အရူး ရေကူးသမား ကိစ္စတွေကတော့ အတိအကျပဲ။ ပြီးတော့ မြောက်ကိုရီးယား - မြန်မာ ဆက်ဆံရေးသတင်း၊ နျူကလီးယား ပြဿနာ၊ လျှို့ဝှက် မြေအောက် ဥမင်တွေကိစ္စနဲ့ ကိုးကန့်ပဋိပက္ခသတင်းတွေကတော့ အကောင်းဆုံးပဲ” ဟု ဆိုသည်။

ကျနော် ကျေနပ်သွားသည်။ စိတ်ပြေလျော့မှုလည်း ရသွားသည်။ သူက ကျနော်တို့၏ လုပ်ငန်းကို ချီးကျူးနေသည် မဟုတ်ပါလား။ ကျနော်ကတော့ သူ၏ထင်မြင်ယူဆချက်ကို လေးစားသည်။ အမှန်ဆိုရလျှင် သူက အပြစ်အနာကို ရှာကြံ ပြောတတ်သူလည်း ဖြစ်သည်။

“၂၀၁၀ မှာ ဘာဖြစ်လာမယ် ထင်သလဲ” ဟု ကျနော် သူ့ကို မေးကြည့်သည်။ သူက မကြာသေးမီကပင် မြန်မာပြည်၏ အရေးပါသည့်သူများနှင့် တွေ့ဆုံလာသည့်အတွက်ကြောင့် သိချင်စိတ်စောနေသည်။ လာမည့်နှစ်တွင် မည်သို့ ဖြစ်နိုင်မည် ကို ထိုသူများအား ခန့်မှန်းခိုင်းကြည့်ခဲ့သေးသည်။ အများစုက အဆိုးမြင် ရှိနေကြသည်။

“အခု စစ်အစိုးရက ရွေးကောက်ပွဲကျင်းပရင်တောင် ဘာမှ အပြောင်းအလဲ ဖြစ်မှာ မဟုတ်ဘူး” ဟု သူက အချိန်မဆိုင်းဘဲ စိတ်လိုလက်ရ ပြန်ဖြေသည်။

“တချို့ကတော့ လာမယ့် ရွေးကောက်ပွဲတခုပဲ နည်းလမ်း ရှိတော့တယ်လို့ ပြောနေကြပါလား” ဟု ကျနော်က တန်ပြန် မေးခွန်းထုတ်လိုက်သည်။

အနည်းဆုံး ပြုပြင်ပြောင်းလဲရေး လိုလားသည့် စစ်အရာရှိများ၊ အရပ်ဘက် ၀န်ထမ်းများသည်ပင် စစ်ဗိုလ်ချုပ်များက အပြောင်းအလဲအတွက် အဟန့်အတားအဖြစ် ရှိနေကြသည်ဟု လက်ခံကြကြောင်း သူက ညည်းညူသည်။

“သူတို့က သူတို့ကိုယ်တိုင် ဖန်တီးထားတဲ့စနစ်ရဲ့ သားကောင်တွေ ဖြစ်နေကြတယ်။ ထွက်လမ်းကို မတွေ့နိုင်ကြဘူး” ဟု သူ ဆက်ပြောသည်။

မကြာသေးမီက ၂၀၀၁ ခုနှစ် နိုဗဲလ်ဆုရှင် စီးပွားရေးပညာရှင် ဂျိုးဇက်ဖ် စတစ်ဂလစ် မြန်မာနိုင်ငံသို့ ရောက်ခဲ့သည့် အကြောင်း ကျနော်တို့ နှစ်ယောက်သားဆက်ပြောဖြစ်သည်။ ကျနော် မှတ်သားမိသလောက် စတစ်ဂလစ်နှင့် ကုလသမဂ္ဂ အရာရှိများ၊ စစ်အစိုးရ ခေါင်းဆောင်များ တွေ့ဆုံပြီးနောက်ပိုင်း သူတို့၏ သတင်းစာရှင်းလင်းပွဲတွင် အားတက်သရော ပြောဆိုခဲ့ကြသေးသည် မဟုတ်ပါလား။

ကျနော့်မိတ်ဆွေက ပြုံးရင်း “ကျွဲပါး စောင်းတီးသလိုပဲ ဖြစ်မှာပါ။ ကျွဲဆိုတာ အနုပညာမှ မခံစားတတ်တာ” ဟု ပြောသည်။

“ဗိုလ်ချုပ်မှူးကြီး သန်းရွှေက အဓိက အဟန့်အတားဆိုတာ ကျနော်တို့ အားလုံးသိတာပဲ” ဟု သူက ဆက်ပြောသည်။ "

“ဒီကိစ္စ အပေါ် ဘယ်သူကမှ အငြင်းမပွားကြဘူး။ ဒါပေမယ့် ကျနော်တို့ ရိုးရိုးသားသား ၀န်ခံရမယ်ဆိုရင် ကျနော်တို့ အမှားတွေ၊ အ၀ိဇ္ဇာဖြစ်တဲ့ ကိစ္စတွေကိုလည်း ၀န်ခံကြဖို့လိုတယ်။ ဒါမှမဟုတ်ရင် ကျနော်တို့ ကိုယ်တိုင်လည်း အပြောင်း အလဲအတွက် အဟန့်အတားတွေ ဖြစ်နေလိမ့်မယ်” ဟုလည်း သူက ပြောသည်။

အပြောင်းအလဲဖြစ်ရန် အဟန့်အတားများက မည်သည့်အရာများနည်း။ သူက ကျနော့်ကို ရည်ညွှန်းပြောနေသည်လား။ စဉ်းစားစရာ ဖြစ်လာသည်။ ကျနော်က သေချာစေရန် တိုက်ရိုက်မေးခွန်း ပြန်ထုတ်လိုက်သည်။

“သတိထားနော်၊ လာမယ့် ရွေးကောက်ပွဲကြောင့် မြန်မာပြည်မှာ ဘာအပြောင်းအလဲမှ ဖြစ်မလာပါဘူးလို့ ခင်ဗျား ပြောရင် ဒါကိုလက်မခံနိုင်တဲ့ နိုင်ငံတကာ အလှူရှင်တွေ၊ ရွေးကောက်ပွဲဆိုတာကို သတင်းကောင်းလို လုပ်ပြောနေတဲ့သူတွေ အများကြီး ရှိတယ်။ ခင်ဗျားကိုယ်ခင်ဗျား ပြည်ပက အထီးကျန် အန္တရာယ်ပုံကြီးထဲ ပစ်ထည့်လိုက်သလို ဖြစ်သွားမယ်” ဟု သူက သတိပေးသည်။

ဆက်လက်၍ သူက “အတိုက်အခံ ခေါင်းဆောင်တွေနဲ့ တက်ကြွလှုပ်ရှားသူတွေတောင် သူတို့ အတ္တမာနတွေရဲ့ အကျဉ်းသားတွေ ဖြစ်ကုန်ကြပြီ။ ဗိုလ်ချုပ်မှူးကြီးသန်းရွှေလိုပဲ၊ သူတို့က ပိုနေမြဲ ကျားနေမြဲ အနေအထားကို ဆက် ထိန်းထားချင်တဲ့သူတွေပဲ။ သူတို့ကြားချင်တာကိုပဲ နားထောင်ကြတော့တယ်” ဟု ပြောသည်။

“အခုဆိုရင် အမျိုးသားဒီမိုကရေစီ အဖွဲ့ချုပ် ခေါင်းဆောင်တွေကို ကြည့်လိုက်၊ ၈၀ ကျော်၊ ၉၀ ကျော်တွေ ဖြစ်နေကြပြီ။ သူတို့ကိုယ်တိုင်က အပြောင်းအလဲအတွက် အဟန့်အတား ဖြစ်နေလားလို့ ခင်ဗျား သူတို့ကို မေးဖူးလား။ သူတို့ အားလုံး စေတနာကောင်းနဲ့ လုပ်နေကြတယ်ဆိုတာ ကျနော် မငြင်းပါဘူး။ ဒါပေမယ့် သူတို့က တန်ဖိုးရှိတဲ့ အချိန်တွေကို ဖြုန်းနေရာ မကျဘူးလား။ အခုတော့ ပါတီကို ပြန်ပြီး အရေးပါ အသက်ဝင်လာအောင် လုပ်ဖို့ ဒေါ်အောင်ဆန်းစုကြည်ရဲ့ တာဝန် ပြန်ကျလာ ပြန်ပြီ” ဟု သူက ဆိုသည်။

“ပြည်ပက လူတွေကော ပါလား” ဟု ကျနော် ပြန်မေးလိုက်သည်။ အမှန်တော့ သူပြောနေသည့် အကြောင်းအရာက ကျနော့်ကို သို့မဟုတ် ဧရာဝတီ မဂ္ဂဇင်းကို ရည်ညွှန်းပြောဆို နေသလားဟု စပ်စုလိုစိတ်ဖြင့် မေးလိုက်ခြင်း ဖြစ်သည်။

သူက ပြုံး၍ “အဲဒီလိုလူတွေက နေရာတိုင်းမှာရှိနိုင်တယ်။ ခင်ဗျားနဲ့ နီးစပ်တဲ့သူတွေလည်း ပါလိမ့်မယ်။ နောက်ဆုံး ခင်ဗျားကိုယ်တိုင် တောင် ပါချင်ပါနေလိမ့်မယ်” ဟု ပြန်ဖြေသည်။

သူက ခဏနားကာ “မြန်မာပြည်အရေး လုပ်နေသူတွေ အားလုံးက သူတို့ကိုယ်တိုင် မှန်ထဲမှာ ပြန် ကြည့်သင့်တယ်။ အပြောင်းအလဲကို ဘယ်လို ထိရောက်အောင် လုပ်နိုင်မလဲဆိုတဲ့ မေးခွန်းထုတ်သင့်တယ်။ အလုပ်ပြီးမြောက်ဖို့ ဆိုရင် သူတို့ကိုယ်တိုင် ဘာတွေပြောင်းလဲရမလဲ ဆိုတဲ့ မေးခွန်းထုတ်သင့်တယ်။ အခုအချိန်က ကိုယ့်စိတ်ကို ကိုယ်ကိုယ်တိုင် ပြန်စစ်ဆေးရတော့မယ့် အချိန်ပဲ” ဟု ပြောသည်။

ကိုယ့်ကိုယ်ကိုယ် ကျွမ်းကျင်သူအဖြစ် ခန့်ထားပြောဆိုနေကြသူများကို သူ ရေတွက်ကြည့်နေသည်။ နိုင်ငံခြားသား ပညာရှင်များ၊ အကူအညီပေးရေး အဖွဲ့များလည်း ပါသည်။ ကုလသမဂ္ဂ အထူး သံကိုယ်စားလှယ် အီဗရာဟင် ဂန်ဘာရီလို လူလည်း ပါသည်။ သူတို့အားလုံး မိမိဘာသာ ပြန်စိစစ်သင့်ပြီဟု ပြောသည်။ ထိုသူများက အဖြေ၏ အစိတ်အပိုင်းတခု မဟုတ်တော့ဘဲ ပြဿနာ၏ အစိတ်အပိုင်းတခု ဖြစ်နေပြီဟု သူက ဆိုသည်။

ထို့နောက် ကုလားထိုင်ကို နောက်မှီချလိုက်ရင်း သူ သက်ပြင်းချသည်။

“နောက်ဆုံးတော့ ကျနော်တို့ကိုယ်တိုင်တောင် မပြောင်းလဲနိုင်ရင် တခြားသူတွေဆီက ပြောင်းလဲမှုကို ဘယ်လိုမျှော်လင့်လို့ ရမှာလဲ” ဟု သူ ပြောသည်။

“ဒါဖြင့် အပြောင်းအလဲက အတွင်းက စရမှာပေါ့ ဟုတ်လား။ ဆိုလိုတာက ကျနော်တို့ကိုယ်တိုင်ရဲ့ စိတ်နှလုံးတွေ ပြောင်းလဲကြရမှာလား” ဟု သူ အလေးအနက်ထားလိုသည့် အချက်ကို ယူကာ ကျနော်က မေးလိုက်သည်။

“ဟုတ်တယ်၊ သေချာတာပေါ့။ အခုအချိန်က ယုံကြည်ချက်ကြောင့် အကျဉ်းကျ ခံနေရသူတွေ အားလုံး လွတ်မြောက် ရမယ့် အချိန်ပဲ။ ကျနော်တို့ ကိုယ်တိုင်လည်း ပါတယ်” ဟု သူ ပြန်ဖြေသည်။

အောင်ဇော်ရေးသားသည့် Change Must Come From Within ကို ဆီလျော်အောင် ပြန်ဆိုဖော်ပြပါသည်။